यूहन्‍ना 8:58 - ह्योल्‍मो

⁵⁸ येशूगी खुङया़ला सुङ नाङसीन, “तेहम्‍बाराङ, ङाह ख्‍याया़ला माएँ, अब्राहाम क्‍येएँ म़ेदी तोहङलेराङ ङाह येहकें।”

यूहन्‍ना 8:58 ပူးပေါင်းရင်းမြစ်များ

यूहन्‍ना 10:25

ओहले येशूगी खुङया़ला सुङ नाङसीन, “ङाहगी तोहङलेराङ ख्‍याया़ला मा सिहन्‍दी येह, यिहॱनाङ ख्‍यागी यिह मे़हछ्ये दु। ङाहगी याहपकी छेनला च्‍यि च्‍यि ल़ेहया़ पेहपा, ओ़ह ल़ेहया़गीॱराङ ङाह सु यिहम्‍बा म़ेदी तेन्‍गे।

यूहन्‍ना 17:24

ओ़ याहप, राहङगी ङाहला नाङग्‍योकी मिहया़ ङाह ङ्याम्‍बुराङ तेहती ङाहती ज़िज्‍यिद थोङ ख़ूज्‍यु म़ेदी ङाह म़ेहबा पेहकें। ओ़ह ज़िज्‍यिद जाम्‍बुलीङ छ्या़गे म़ेदी तोहङ यिहन्‍ज्‍युराङ राहङगी ङाहला चेवा जे नाङग्‍यो सोङबे राहङगी ङाहला नाङग्‍यो येहकें।

यूहन्‍ना 17:5

ता़ह ओ़ याहप, जाम्‍बुलीङ छ्या़ च्‍य़ू नाङगे म़ेदी तोहङले ङाह राहङ ङ्याम्‍बु तेहकेमु ङाहती ज़िज्‍यिद येहकें ता़ह ओ़ह ज़िज्‍यिद येहपाराङ राहङ ज़्‍य़ू नाङग्‍यो ग्‍या़ला ङाहला नाङदोङ।

यूहन्‍ना 8:24

ङाहगी ख्‍याया़ला मासीन, ‘ख्‍याया़ राहङगी तिहक्‍पाला स्‍यिज्‍ये येह’ च्‍यिबेमाना ‘ङाह ओ़हदीॱराङ यिहन’ म़ेदी ख्‍याया़गी यिह मे़हछ्येसीमाना ख्‍या राहङगी तिहक्‍पाला स्‍यिज्‍ये येह।”

यूहन्‍ना 8:28

ओ़ह सोङबे येशूगी सुङ नाङसीन, “ख्‍याया़गी मिहगी स़ेबुला क्‍या़दी क्‍याहङस्‍यीङला च्‍याङ फान्‍ज्‍यो, ङाह ओ़हदीॱराङ यिहन म़ेदी ख्‍याया़गी ह्‍अ कोहज्‍ये येह, ओहले ङाह राहङ ओङगी नि च्‍यिॱआङ पेह मी़हखु, यिहॱनाङ याहपगी लोप नाङग्‍योकी स्‍याहलया़ च्‍यी़राङ माएँ म़ेदी ख्‍याया़गी ङोह स्‍ये़ज्‍ये येह।

यूहन्‍ना 8:34

ओहले येशूगी खुङया़ला सुङ नाङसीन, “तेहम्‍बाराङ, ङाह ख्‍याया़ला माएँ, तिहक्‍पा पेहकेन मिह थाम्‍ज्‍यी तिहक्‍पागी योक्‍पु यिहम्‍बा।

यूहन्‍ना 8:51

तेहम्‍बाराङ ङाह ख्‍याया़ला माएँ, ङाहगी सुङदेन ङ्यिहन्‍गेया़ नाहमॱआङ स्‍यि कोहज्‍ये म़ेह।”

कलस्‍सी 1:17

थाम्‍ज्‍यीराङ से़हया़ म़ेदी तोहङले मिह-रो़हराङ ज़्‍य़ू नाङदी येहकें ओहले मिहरोगीॱराङ ना थाम्‍ज्‍यीला राहङ ङ्याम्‍बुराङ ज़ुङदी ज़्‍या़ नाङदी येहबा।

हिब्रू 13:8

येशू मास्‍यीका तोहङले काह-ठि येहकें, ताहन्‍दाॱआङ ओ़हठीॱराङ ज़्‍य़ू नाङदी येह ओहले नाहम्‍स्‍यी किन्‍दु ना च्‍यी़राङ ज़्‍य़ू नाङज्‍ये येह।

ज्‍याल्‍गा 1:11

ख्‍येगी थोङग्‍योकी तामया़ ता़ह यिहगी च्‍यी़ला प्री़हदीॱमाराङ एफिसस, स्‍मुर्ना, पर्गामम, थिआटीरा, सार्डिस, फिलाडेल्‍फिया दाङ लाउडिकिया क्‍याहसाला येहकेन्‍गी छेन्‍छोक तिहन्‍गालाॱराङ ताङदोङ।

ज्‍याल्‍गा 1:8

“अल्‍फा दाङ ओमेगा ङाहराङ यिहन,” सुङदी ओङज्‍या छ्यिम्‍बु नोम नाङगेन चो़वो छ्येवा किन्‍ज्‍योगी सुङ नाङगु दु, “मिहरो साज्‍या-नाम्‍ज्‍या छ्या़ च्‍य़ू नाङगे म़ेदी तोहङ यिहन्‍ज्‍युराङ ज़्‍य़ू नाङदी येहकें ओहले ताहन्‍दाॱआङ ज़्‍य़ू नाङदी येह ओहले फेप नाङज्‍ये येह।”

ज्‍याल्‍गा 2:8

“स्‍मुर्नाकी छेन्‍छोकला चारा पेहकेन्‍की स्‍यिहङगामकी स्‍याहप्‍च्‍यीला दि ताम प्री़हदोङ: ‘दि ताम तोहङ यिहन्‍ज्‍युराङ ज़्‍य़ू नाङगेन दाङ नाहम्‍स्‍यी किन्‍दुॱराङ ज़्‍य़ू नाङगेन्‍दीगी सुङ नाङगु दु, मिहरो टोहङ नाङग्‍यो येहकें ओहले येहपाराङ सोम्‍बो ज़्‍याङ नाङसीन।