यूहन्‍ना 8:54 - ह्योल्‍मो

⁵⁴ ओहले येशूगी सुङ नाङसीन, “का़हलेॱआङ ङाहगी राहङगी राहङलाराङ क्‍या़ज्‍ये छोल्‍सीन माना ओ़ह स्‍यिती काम्‍बु डोएँ। ङाहला क्‍या़ नाङगेन्‍दीनी याहपॱराङ यिहन। ओहले ओ़ह याहपलाराङ ख्‍यागी ‘ङ्यिहती किन्‍ज्‍यो’ म़ेदी माएँ।

यूहन्‍ना 8:54 ပူးပေါင်းရင်းမြစ်များ

यूहन्‍ना 17:1

दि स्‍याहल सुङ छार फान्‍ज्‍यो येशूगी स्‍यिहङगाम ङो़ले ज़ी़दी सुङ नाङसीन, “ओ़ याहप, ता़ह ती़हजी लेप सिहन्‍दी येह। राहङगी स़ेबुगी याहपदी ज़िज्‍यिद तेन ख़ूज्‍यु म़ेदी खोला ज़िज्‍यिद नाङदोङ।

यूहन्‍ना 17:5

ता़ह ओ़ याहप, जाम्‍बुलीङ छ्या़ च्‍य़ू नाङगे म़ेदी तोहङले ङाह राहङ ङ्याम्‍बु तेहकेमु ङाहती ज़िज्‍यिद येहकें ता़ह ओ़ह ज़िज्‍यिद येहपाराङ राहङ ज़्‍य़ू नाङग्‍यो ग्‍या़ला ङाहला नाङदोङ।

यूहन्‍ना 2:11

मिहरोगी याहम्‍जेन छ्येवागी ताक्‍छेनया़ नाहङला दि तोहङस्‍यो ताक्‍छेन यिहम्‍बा। दि येशूगी गालील साने़की काना माएँ क्‍याहसाला जे नाङसीन। दि ल़ेहमु जेती मिहरोगी राहङगी ज़िज्‍यिद तेन नाङसीन, ओहले मिहरोकी स्‍याहप्‍च्‍यीया़गी मिहरो थो़ला यिह छ्य़ेसीन।

यूहन्‍ना 5:41

“ङाहला मिहया़गी ची़नाङ पेहच्‍यु माएँ ङाहती सेम्‍बा म़ेह।

यूहन्‍ना 7:18

का़हन्‍दीगी राहङ ङो़ले ताम माएँ, ओ़हदीगी राहङदीराङ चा़ छ्यिम्‍बु छोल्‍गे, माॱनाङ का़हन्‍दीगी राहङला ताङ नाङग्‍योदीला चा़ पेहच्‍ये छोल्‍गे, ओ़हदी तेहम्‍बा यिहन, ओहले खोला च्‍यिॱआङ क्‍येन म़ेह।

यूहन्‍ना 7:39

यिहॱनाङ दि स्‍याहल येशूगी नाम्‍पार-ताहक्‍पा थुगी तेहन्‍दाला सुङ नाङग्‍यो येहकें, ओहले ओ़ह नाम्‍पार-ताहक्‍पा थुदी येशू थो़ला यिह छ्य़ेगेया़गी ज्‍योर्च्‍ये पेहक्‍यो येहकें। ओहले ओ़ह नाम्‍पार-ताहक्‍पा थु ताहन्‍दा थुॱआङ किन्‍ज्‍योगी नाङदी म़ेहबा येहकें च्‍यिबेमाना येशू स्‍यिहङगामला लो़हदी फेप माहनाङ येहकें।

यूहन्‍ना 8:41

ख्‍या आबागी च्‍यि पेहपा ख्‍या ओ़ह ल़ेहराङ पेहकु दु।” खुङया़गी येशूला मासीन, “ङ्यिह छ्येउ-छ्येंमु लाहमले क्‍येक्‍योकी मिहया़ मिहन! किन्‍ज्‍योॱराङ ङ्यिहती च्‍यिमे च्‍यी़राङ याहप यिहम्‍बा।”

यूहन्‍ना 8:50

ङाहला मिहया़गी क्‍या़ज्‍यु माएँ ङाहती सेमला म़ेह, यिहॱनाङ मेहन्‍दा च्‍यी़ ज़्‍य़ू नाङदी येह ओहले मिहरोगी राहङला मिहया़गी क्‍या़ज्‍यु म़ेदी थु-सेम जे नाङगे ओहले ठिम ताङ नाङगे।

ल़ेह-पेन 3:13

ओ़ह ल़ेहमु मिहम्‍बा, ओहराङगी चावा अब्राहाम, इसहाक दाङ याकूबकी किन्‍ज्‍योगी राहङला स्‍याहप्‍तो स्‍युहएँ येशूला चा़ जे नाङसीन। ख्‍या फ़ेबेॱयागीदी येशूला से कोहकें म़ेदी च्‍योल नाङसीन। पिलातसगी येशूला ताङज्‍ये छोल्‍गेमुॱआङ ख्‍या फे़बेया़गी माहताङ म़ेदी सुङ नाङसीन।

२ कोरिन्‍थी 10:18

च्‍यिबेमाना सुज्‍यीगी “ङाह मिह या़हबु यिहन म़ेदीमाॱराङ खो मिह या़हबु डोएँ मिहम्‍बा।” यिहॱनाङ चो़वोगी या़हबु सी़हक्‍यो मिह च्‍यी़राङ या़हबु यिहम्‍बा।

१ पत्रुस 1:12

खुङया़ला दि केच्‍या ङोह स्‍य़े च्‍य़ूक्‍यो येहकें च्‍यिबेमाना खुङया़गी राहङगी तेहन्‍दाला मिहम्‍बा, यिहॱनाङ ख्‍याया़ला स्‍याहप्‍तो स्‍यी़ह-तेहक्‍यो येहकें। दि केच्‍या स्‍यिहङगामले माहर ताङ नाङग्‍योकी नाम्‍पार-ताहक्‍पा थु लाहमले ख्‍याया़ला स्‍येक्‍योगी या़हबु लेहङगुया़ प्रा साल्‍गेनया़गीॱराङ ताहन्‍दा ख्‍याया़ला स्‍येती येहबा। स्‍यिहङगामकी स्‍याहप्‍च्‍यीया़ॱआङ दि से़हया़ ताज्‍येला ज्‍यिबुराङ सेम पेहती येहबा।

१ पत्रुस 1:21

ओहले मिहरो लाहमलेॱराङ ख्‍याया़गी किन्‍ज्‍योला तेहपा पेहसीन, ओहले ओ़ह किन्‍ज्‍योगीॱराङ मास्‍यीकाला टोहङग्‍योलेगी सोम्‍बो ज़्‍याङ च्‍य़ू नाङसीन ओहले मिहरोला ज़िज्‍यिद-च्‍येन ज़ो नाङसीन, ओ़ह सोङबे ख्‍याया़गी राहङगी तेहपा दाङ रेहवा किन्‍ज्‍यो थो़ला ज़्‍या़गे यिहम्‍बा।

२ पत्रुस 1:17

मिहरोगी किन्‍ज्‍यो याहप लाहमले चा़ दाङ ज़िज्‍यिद नोम नाङगे ती़हजीला ओ़ह खाम छ्यिम्‍बु ज़िज्‍यिद लाहमले दि ल़ेहमु सुङ-क़े च्‍यी़ थ़ेसीन, “दि ङाहगी च्‍याहम्‍बु पेहक्‍योगी स़ेबु यिहन, खो ङ्याम्‍बु ङाह ज्‍यिबुराङ काहसो येह।”