यूहन्‍ना 8:48 - ह्योल्‍मो

⁴⁸ ओहले यहूदीया़गी येशूला मासीन, “ख्‍ये सामरी यिहन ओहले ख्‍येला ल्‍हेन्‍डी स्‍य़ूहदी येह म़ेदी ङ्यिहगी माक्‍यो ताम च्‍यि ठाबे मिहम्‍बा ले?”

यूहन्‍ना 8:48 ပူးပေါင်းရင်းမြစ်များ

मत्ती 10:25

ओ़ह सोङबे स्‍याहप्‍च्‍यी राहङगी लोबेनचेबाॱराङ, ओहले योक्‍पु राहङगी ताहक्‍पुजेबाराङ काहल्‍ग्‍योगी तेहन्‍दाला सेम लो तेहमु पेहच्‍यु। का़हलेॱआङ खुङगी खाङबागी ताहक्‍पुलाॱराङ ती़ह गो-छ्येवा बालजिबुल म़ेदी मासीमानानी खोगी खाङबा मे़हमेया़लानी तोहरोङ च्‍यि मारो?” म़ेदी येशूगी सुङ नाङसीन।

मत्ती 10:5

येशूगी ओ़ह ल़ेह-पेन च्‍यिङ्यी़ला दि ल़ेहमु सुङदी ताङ नाङसीन, “ख्‍याया़ लेहमेन क्‍यिहपागी मिहया़साला ओहले सामरियागी क्‍याहसाया़ला माहन्‍डो।

मत्ती 11:18

“कुहन्‍डुमगी निङगु मिहथुङगे दाङ ङ्युङने तेहकेन्‍गी यूहन्‍ना ओहङसीन, खोला ख्‍याया़गी ल्‍हेन्‍डी स्‍युहक्‍यो मिह म़ेदी मासीन।

मत्ती 12:24

दि ताम थे़दी फरिसीया़गी मासीन, “दि मिहगीनी ल्‍हेन्‍डीया़की क्‍याहल्‍बु बालजिबुलगी ओङगी पेहती गा ल्‍हेन्‍डीया़ला तेन्‍गे।”

मत्ती 12:31

ओ़ह सोङबे ङाह ख्‍याया़ला माएँ, मिहया़गी पेहक्‍योगी तिहक्‍पा थाम्‍ज्‍यीराङ ओहले किन्‍ज्‍योला टाह पेहती पेहक्‍योकी स्‍ये़हन्‍डीलदी कोहङदा ज्‍योर्च्‍ये येह यिहॱनाङ नाम्‍पार-ताहक्‍पा थुला टाह पेहती पेहक्‍योकी स्‍ये़हन्‍डीलदी कोहङदा नाङज्‍ये म़ेह।

मत्ती 15:7

ए यिहन्‍दो तेन्‍गेनया़! यशैया लुहङतेम्‍बागी सुङ नाङग्‍योकी दि स्‍याहल ख्‍याया़ ङ्याम्‍बु ठाबे डी़गे–

यूहन्‍ना 1:19

यरूशलेमकी यहूदी गोबाया़गी पूजाहारीया़ दाङ लेवीया़ला “यूहन्‍ना सु यिहम्‍बा नि?” म़ेदी टी़हज्‍येला खोसाला ताङसीन।

यूहन्‍ना 10:20

खुङया़ नाहङला माहङबुराङगी दि ल़ेहमु माएँराङ येहकें, “दि मिहला ल्‍हेन्‍डी स्‍युहक्‍यो सोङबे खो ङ्योम्‍बा काहल्‍ग्‍यो दुबा। ख्‍या दि मिहगी ताम च्‍यिबे ङ्यिहन्‍गे?”

यूहन्‍ना 13:13

ख्‍याया़गी ङाहला लोबेन दाङ चो़वो म़ेदी माएँ, ओ़ह ख्‍यागी ठाबेराङ माक्‍यो यिहम्‍बा च्‍यिबेमाना ङाह ओ़हदीॱराङ यिहन।

यूहन्‍ना 4:9

ओहले सामरी पी़हमीगी मासीन, “राहङ यहूदी यिहन्‍देॱआङ काह-ठि पेहती ङाह सामरी पी़हमीगी लाहक्‍पालेगी छ्यु छ्य़े थुप ख़ूएँ ले?” (च्‍यिबेमाना सामरिया फेमा क्‍यिहपागी मिहया़ यिहन्‍गे सोङबे यहूदीया़ खुङ ङ्याम्‍बु डोलु-तेहलु मेहबे येहकें।)

यूहन्‍ना 7:20

मिह मिह-माहङया़गी मासीन, “ख्‍येला ल्‍हेन्‍डी स्‍य़ूहसीन दु, ख्‍येला सुगी सेच्‍ये छोल्‍बा?”

यूहन्‍ना 8:22

ओहले दि थे़दे यहूदी गोबाया़गी राहङ नाहङदुङ मासीन, “दि च्‍यि माक्‍यो यिहम्‍बा नि? खो का़हला डोएँ, ओ़ह ग्‍या़ला ओहराङ लेप मी़हखु माउ दु! दि खो राहङराङ स्‍यिज्‍ये छोल्‍ग्‍यो यिहम्‍बा नि च्‍यि यिहम्‍बा?”

यूहन्‍ना 8:52

ओहले यहूदीया़गी मासीन, “ता़हनी ङ्यिहगी तेहम्‍बाराङ ङोह स्‍य़ेसीन, ख्‍येलानी ल्‍हेन्‍डीराङ स्‍य़ूहक्‍यो दुबा! अब्राहाम स्‍यिसीन, लुहङतेम्‍बाया़ॱआङ स्‍यिसीन, यिहॱनाङ ख्‍येगी माएँ, ‘ङाहगी सुङदेन ङ्यिहन्‍गेया़ नाहमॱआङ स्‍यि कोहज्‍ये म़ेह।’

रोमी 15:3

च्‍यिबेमाना मास्‍यीकागीॱआङ राहङला क़ेहनाङ लाहङ च्‍य़ूगेन्‍की छ्या़लेया़ जे माहनाङ। ओ़हठीॱराङ सुङरापलाॱआङ दि ल़ेहमु प्री़हदी येहबा, “राहङला स्‍ये़हन्‍डील पेहकेनया़की स्‍ये़हन्‍डील ङाह थो़ला बाप्‍ती येह।”

हिब्रू 13:13

ओ़ह सोङबे ओहराङॱआङ पा़ल फिला येशूसाला डो, ओहले मिहया़गी येशूला आब्रु तेन्‍ग्‍यो ओहराङगीॱआङ ना़दोङ।

याकूब 2:19

किन्‍ज्‍योनी च्‍यी़मे च्‍यी़राङ येह म़ेदी ख्‍यागी यिह छ्य़ेगे। ओ़ह या़हबु यिहम्‍बा। ओ़हदीनी ल्‍हेन्‍डीया़गीॱआङ यिह छ्य़ेगे, ओहले ज्‍यी़दी दार्कें!