Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




यूहन्‍ना 8:47 - ह्योल्‍मो

47 किन्‍ज्‍योकी छार्क्‍यीनया़गी किन्‍ज्‍योगी स्‍याहलया़ ङ्यिहन्‍गे, यिहॱनाङ ख्‍याया़ किन्‍ज्‍योगी छार्क्‍यीन मिहम्‍बा सोङबे ख्‍यागी किन्‍ज्‍योगी स्‍याहल मिहङ्यीहन्‍गे।”

အခန်းကိုကြည့်ပါ။ ကော်ပီ




यूहन्‍ना 8:47
17 ပူးပေါင်းရင်းမြစ်များ  

ङाहला मा-लोक पेहकें दाङ ङाहती ताम मिहङ्यीहन्‍गेनया़ला ठिम ताङ नाङगे मेहन्‍दा च्‍यी़ ज़्‍य़ू नाङदी येह। ङाहगी माक्‍यो तामगीराङ खोला तिङस्‍यो ङ्यिहमाला ठिम ताङज्‍ये येह।


ओहले पिलातसगी येशूला टी़हसीन, “च्‍यि ख्‍ये क्‍याहल्‍बुराङ यिहम्‍बा ले?” ओहले येशूगी ल़ेहन क्‍याहप नाङसीन, “ङाह क्‍याहल्‍बु यिहन म़ेदीनी राहङगीराङ सुङ नाङगु दु। ङाह दिगी तेहन्‍दालाराङ क्‍येक्‍यो यिहम्‍बा, ओहले दिगी तेहन्‍दालाराङ तेहन्‍दामकी पाङबु तेर्च्‍येला ङाह दि जाम्‍बुलीङला ओहङग्‍यो यिहम्‍बा। तेहन्‍दामला यिह छ्य़ेगे थाम्‍ज्‍यीगी ङाहती ताम ङ्यिहन्‍गे।”


तेहम्‍बाराङ ङाह ख्‍याला माएँ, ओ़ह ती़हजी ओहङगेॱराङ येह, ओहले ओ़ह ती़हजीदी ताहन्‍दाॱराङ यिहन, दि ती़हजीला स्‍यिक्‍यो मिहया़गी किन्‍ज्‍योकी स़ेबुगी सुङ-क़े थे़ज्‍ये येह ओहले ङ्यिहन्‍गेया़ थार्च्‍ये येह।


ओहले येशूगी सुङ नाङसीन, “ओ़ह सोङबे ङाहगी ख्‍याया़ला माक्‍यो यिहम्‍बा, ङाहगी याहपगी ङाहसाला ओहङज्‍ये सेम माहनाङ थु सुॱआङ ङाहसाला ओहङ मी़हखुएँ।”


ख्‍या अब्राहामगी छार्क्‍यीन यिहन म़ेदी ङाहला क्‍यी़ह येह। यिहॱनाङ ख्‍या ङाहला सेच्‍ये छोल्‍गे च्‍यिबेमाना ख्‍याला ङाहती ताम या़हबु मे़हनेगे।


ङाहगी माक्‍यो ताम ख्‍याया़गी च्‍यिबे ह्‍अ मेहकोहएँ? च्‍यिबेमाना ङाहगी माक्‍यो ताम ख्‍याया़गी ङ्यिहन मी़हखुएँ!


ङाह तेहन्‍दामकी ताम माएँ, यिहॱनाङ ख्‍यागी ङाहला यिह मे़हछ्ये दु।


किन्‍ज्‍योकी छार्क्‍यीन सु यिहम्‍बा, ओहले ती़ह गो-छ्येवाकी छार्क्‍यीन सु यिहम्‍बा माएँदी ओहराङगी दि ल़ेहमु पेहती ह्‍अ कोह ख़ूएँ– किन्‍ज्‍योकी ज़ी़लुला काहदी मिहगी राहङगी डोलु-तेहलु टाहङबु मेहबेकें ओहले किन्‍ज्‍योला यिह-छ्य़े पेहक्‍यो आदा-नो़ह दाङ आज्‍यी-नुहमुया़ला चेवा मेहबेकें खो किन्‍ज्‍योकी छार्क्‍यीन मिहम्‍बा।


येशूॱराङ मास्‍यीका यिहन म़ेदी यिह छ्य़ेगे थाम्‍ज्‍यी किन्‍ज्‍योगी छार्क्‍यीनया़ यिहम्‍बा। ओहले सुगी किन्‍ज्‍यो याहपला चेवा पेहकेन खोगी राहङगी छार्क्‍यीनॱलाङ चेवा पेहकें।


मास्‍यीकाकी लुहङ म़ेदी फिगी लेहमेन ताम ङ्यिहन्‍दी डोएँ मिहया़ ङ्याम्‍बु किन्‍ज्‍यो ज़्‍य़ू मेहनाङगे। यिहॱनाङ मास्‍यीकाकी लुहङ ङ्यिहन्‍गे मिह ङ्याम्‍बुदी याहप दाङ स़ेबु ङ्यिकाराङ ज़्‍य़ू नाङगे।


ए ङाहगी च्‍याहम्‍बु नो़ह, चोक्‍पा तामया़ला पे ताॱराङ माहता, यिहॱनाङ या़हबु तामया़ला पे त़ेदोङ। का़हन्‍दीगी या़हबु पेहकें, ओ़ह किन्‍ज्‍योदी यिहम्‍बा, ओहले का़हन्‍दीगी चोक्‍पा पेहकें, खोगी किन्‍ज्‍योला ङोह स्‍य़ेक्‍यो मेहयोहङगे।


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ