यूहन्‍ना 8:34 - ह्योल्‍मो

³⁴ ओहले येशूगी खुङया़ला सुङ नाङसीन, “तेहम्‍बाराङ, ङाह ख्‍याया़ला माएँ, तिहक्‍पा पेहकेन मिह थाम्‍ज्‍यी तिहक्‍पागी योक्‍पु यिहम्‍बा।

यूहन्‍ना 8:34 ပူးပေါင်းရင်းမြစ်များ

मत्ती 5:18

तेहम्‍बाराङ ङाह ख्‍याया़ला माएँ, नाम दाङ जाम्‍बुलीङ तोङदी माहकाहल थु किन्‍ज्‍योगी नाङग्‍यो छ्य़े-ठिम नाहङगी फेमा म़ेदी फेमा स्‍याहलया़ॱआङ तेहन्‍दा डुप्‍च्‍ये येहबा।

यूहन्‍ना 3:3

ओहले येशूगी खोला सुङ नाङसीन, “तेहम्‍बाराङ ङाह ख्‍येला माएँ, साम्‍बा पेहती माहक्‍ये थु सुज्‍यीगीॱआङ किन्‍ज्‍योगी क्‍याहल्‍सी थोङ मी़हखुएँ।”

ल़ेह-पेन 8:23

च्‍यिबेमाना ङ्यिहगी ल़ेह पेहक्‍यो थोङदी ख्‍येगी सेम छी़उ दुबा, ओहले ख्‍येगी सेम तिहक्‍पाला छ्यिक्‍यो दुबा!”

रोमी 6:12

ओ़ह सोङबे ख्‍या राहङ ज़ुबुकी योक्‍पु माहन्‍डोज्‍यु म़ेदी ख्‍यादी स्‍यिदी डोएँ ज़ुबुला तिहक्‍पागी ओङ छ्य़े मा़हच्‍यु। मिहन्‍सीमाना ख्‍यागी ज़ुबुकी चोक्‍पा सेम्‍बाया़ पेहच्‍ये येह।

रोमी 6:16

ख्‍ये का़हन्‍दीगी का ची़गे ख्‍ये खोदीॱराङ योक्‍पु डोएँ। तिहक्‍पाकी योक्‍पु पेहती का ङ्यिहन्‍सीन माना ख्‍या स्‍यिज्‍ये येह यिहॱनाङ किन्‍ज्‍योकी का ङ्यिहन्‍सीमाना ओ़हदीगी ख्‍याला टाहङदेनकी लाहम ङो़ले ठिच्‍ये येह।

रोमी 6:6

ओहराङला दि क्‍यी़हराङ येह, तिहक्‍पागी ओङ छ्य़े तेहक्‍योकी मिहली तोङज्‍यु म़ेदी, ओहले ता़ह यिहन्‍ज्‍यु ओहराङ तिहक्‍पाकी योक्‍पु माहन्‍डोज्‍यु म़ेदी ओहराङगी तोहङमागी मिहली मास्‍यीका ङ्याम्‍बुराङ क्‍याहङस्‍यीङला च्‍याङ सिहन्‍दी येह।

रोमी 7:14

छ्य़े-ठिम यिहक्‍तेन यिहम्‍बा म़ेदीनी ओहराङला क्‍यी़हराङ येह, यिहॱनाङ ङाहती यिहक्‍तेन मिहम्‍बा ओहले ङाह तिहक्‍पाकी योक्‍पु काहल्‍दी चोङ सिहन्‍दी येह।

रोमी 7:25

येशू मास्‍यीका ओहराङ चो़वो लाहमलेॱराङ ङाह किन्‍ज्‍योला थुज्‍यी-छ्ये़ फुल्‍गे। ओ़ह सोङबे ङाह राहङगी सेमगीनी किन्‍ज्‍योकी छ्य़े-ठिमला स्‍याहप्‍तो स्‍युहएँ, यिहॱनाङ ङाहती तिहक्‍पाकी पेहताङ लाहमले ङाहगी तिहक्‍पाकी छ्य़े-ठिमला स्‍याहप्‍तो स्‍युहएँ।

रोमी 8:21

ङ्यिहमा च्‍यी़ किन्‍ज्‍योगी छ्या़ च्‍य़ू नाङग्‍योगी रेबेॱराङ स़ेहया़ राहङदीराङ तोङदी डोएँकी ताहमलेगी ताङज्‍ये येह, ओहले खोगीॱआङ किन्‍ज्‍योकी छार्क्‍यीनगी ज़िज्‍यिदकी राहङवाङ नाहङला स्‍य़ूह ङ्युहङज्‍ये येह।

एफिसी 2:2

ओ़ह ती़हजीला ख्‍याया़ दि जाम्‍बुलीङकी छ्यालुला त़ेदी राहङगी डोलु-तेहलु पेहको येहकें ओहले नामला ओङ छ्य़ेगे ताहक्‍पुला ची़उ येहकें। किन्‍ज्‍योला मी़हचीगे मिहया़ला खोगीराङ ताहन्‍दा राहङगी ओङ चो़ला ज़्‍या़दी येहबा।

तीतस 3:3

च्‍यिबेमाना तोहङले ओहराङॱआङ उल्‍दुम्‍बा येहकें, माक्‍यो ताम मिहङ्यीहन्‍गेनदी येहकें, आला ख्‍याम्‍दी येहकें, नामे नाजोकी डे़छ्या दाङ ङ्याहम्‍साङ खाम्‍साङकी योक्‍पु काहल्‍दी येहकें, मिहला सेम चोक्‍पा च्‍याङदी ठादो पेहती राहङगी मिहजी ताङगो येहकें, मिहया़गी ओहराङला ङ्येन्‍ज्‍येन पेहको येहकें ओहले ओहराङगीॱआङ मिहया़ला ङ्येन्‍ज्‍येनॱराङ पेहको येहकें।

२ पत्रुस 2:19

खुङया़गी ख्‍याया़ला ना थाम्‍ज्‍यीगी पे-ठिमया़लेगी खा फे़ तेर्के म़ेदी ताहम्‍ज्‍या ज़्‍या़गे, यिहॱनाङ खुङ राहङ मानादी तोङदी डोएँगी योक्‍पु काहल सिहन्‍ग्‍यो ओहङगे, च्‍यिबेमाना का़हन्‍दी से़हगी मिहला क्‍याहल ख़ूएँ ओ़ह से़हगीॱराङ खोला योक्‍पु ज़ोएँ यिहम्‍बा।