यूहन्‍ना 8:31 - ह्योल्‍मो

³¹ येशूगी राहङ थो़ला यिह छ्य़ेगेन यहूदीया़ला सुङ नाङसीन, “ख्‍यागी ङाहती सुङदेन ची़दी तेहसीन माना ख्‍या तेहम्‍बाराङ ङाहती स्‍याहप्‍च्‍यी यिहम्‍बा।

यूहन्‍ना 8:31 ပူးပေါင်းရင်းမြစ်များ

मत्ती 24:13

यिहॱनाङ तिङ थु थिर पेहती तेहकेनया़दी थार्च्‍ये येह।

यूहन्‍ना 1:47

येशूगी नथानेलला राहङ ङो़ले ओहङगेॱराङ पेहक्‍यो ज़ी़दी खोगी तेहन्‍दाला सुङ नाङसीन, “त़ेदोङ, खो तेहम्‍बा-तेहन्‍सुमॱराङ इस्राएली यिहन, खोला च्‍यिॱआङ क्‍येन म़ेह।”

यूहन्‍ना 2:2

येशू दाङ येशूगी स्‍याहप्‍च्‍यीया़ॱलाङ ओ़ह पा़हमाला पाहङज्‍येन क्‍याहप्‍ती येहकें।

यूहन्‍ना 6:55

च्‍यिबेमाना ङाहगी ज़ुबु तेहम्‍बाराङ साहएँ स़ेह यिहम्‍बा ओहले ङाहती ठा़ तेहम्‍बाराङ थुङगे स़ेह यिहम्‍बा।

यूहन्‍ना 8:36

ओ़ह सोङबे स़ेबुगी ख्‍याया़ला योक्‍पुलेगी खा फे़ नाङसीन माना ख्‍याया़ तेहम्‍बाराङ राहङवाङ ओहङज्‍ये येह।

ल़ेह-पेन 13:43

छो़बा सिहन फान्‍ज्‍यो यहूदीया़ दाङ यहूदी छ्य़े पेहकें लेहमेन क्‍यिहपागी माहङबुराङ मिहया़ पावल दाङ बारनाबासकी तिङदा तिङ काहल्‍सीन। पावल दाङ बारनाबासकी खुङया़ ङ्याम्‍बु ताम म़ेदी “राहङ फ़ेबेॱया नाहम माॱनाङ किन्‍ज्‍योगी काटीनला ज्‍यू़दोङ म़ेदी स्‍युहसीन।”

ल़ेह-पेन 14:22

ओहले खुङ ङ्यी़गी ओ़ह ग्‍या़ला येहकेन्‍गी चो़वो छ्येवागी स्‍याहप्‍च्‍यीया़ला यिह-छ्य़ेला सान्‍दी ज़ोएँॱराङ किन्‍ज्‍योला यिह छ्य़ेदी तेहच्‍येला स्‍युक क्‍ये च्‍य़ूसीन। सेमले खाल्‍दी थिक-चि पेहती तेहच्‍येला आ़र क्‍ये च्‍य़ूसीन। किन्‍ज्‍योगी क्‍याहल्‍सीला लेप्‍कें म़ेदी तोहङले ओहराङगी माहङबुराङ तुहक्‍पु खुर कोहज्‍ये येह म़ेदी लोप्‍ताम क्‍याहप्‍सीन।

ल़ेह-पेन 26:22

यिहॱनाङ, ताहन्‍दा थु किन्‍ज्‍योगी ङाहला रो़हराम जे नाङदेराङ येह। ओ़ह सोङगोराङ ङाह देला येहकेन्‍गी छ्यिम्‍बु छ्ये़मु थाम्‍ज्‍यीलाराङ किन्‍ज्‍योगी तेहन्‍दाला लाहङदी स्‍येकेराङ येह। लुहङतेम्‍बाया़ दाङ मोशागी ङे़स्‍यी स्‍य़ेदी नाङग्‍योकी लुहङ म़ेदी ल्‍हाक्‍पुनी ङाहगी लेहमेन च्‍यिॱआङ म़ेदी म़ेह।

रोमी 11:22

ओ़ह सोङबे किन्‍ज्‍योकी निङज्‍यी दाङ मिहरोकी थु सान्‍दीला ख्‍यागी साम्‍लु ताङदोङ। तोङदी डोएँया़गी तेहन्‍दाला मिहरोगी राहङगी थु सान्‍दी जे नाङगे ओहले मिहरोगी निङज्‍यी चो़ला तेहकेया़लाती मिहरोगी निङज्‍यी जे नाङगे, मिहन्‍सीमानानी ख्‍याया़ॱलाङ तुप्‍ती क्‍युर नाङज्‍ये येह।

रोमी 2:7

या़हबु ल़ेहया़ पेहती ज़िज्‍यिद, चा दाङ था़ म़ेहबाकी मिहली ज़ाङबु छोल्‍गेया़ला किन्‍ज्‍योगी था़ म़ेहबाकी मिहली ज़ाङबु नाङज्‍ये येह।

कलस्‍सी 1:23

तेहम्‍बाराङ ख्‍याया़ राहङगी तेहपाला सान्‍दी दाङ थिक-चि पेहती तेहतोङ। ख्‍याया़गी रेहवा पेहक्‍यो या़हबु लेहङगुला क्‍युरॱराङ माहक्‍युर। दि या़हबु लेहङगुॱराङ थाम्‍ज्‍यी लुहङबाकी मिहया़ला प्रा साल्‍दी येह। दि या़हबु लेहङगु स्‍येच्‍येलाॱराङ ङाह पावल योक्‍पु काहल्‍सीन।

१ तिमोथी 2:15

यिहॱनाङ पी़हमी-पेहजा स्‍यिहवा पेहती तेहपा, चेवा दाङ नाम्‍पार-ताहक्‍पा पेहती तेहसीमाना पेहजा क्‍येएँ ती़हजीला मोहला थार च्‍य़ू नाङज्‍ये येह।

१ तिमोथी 4:16

राहङगी तेहन्‍दाला ओहले राहङगी लुहङगी तेहन्‍दाला जेम्‍बु पेहती तेह। दि तामया़ला तिङ ङ्या़दीॱराङ तेह। दि ल़ेहमु पेहसीमाना ख्‍ये दाङ ख्‍येगी ताम ङ्यिहन्‍गे ख्‍या ङ्यिकागीराङ थार्पा ज्‍योर्च्‍ये येह।

२ तिमोथी 3:14

यिहॱनाङ ख्‍येगी लोप्‍क्‍यो दाङ निङ थाक्‍पा यिहन्‍ज्‍युराङ म़ेहबा पेहक्‍योकी दि तामया़ला क्‍याप्‍तीॱराङ तेहतोङ।

हिब्रू 3:14

तोहङस्‍यो ओहराङगी मास्‍यीकाला यिह छ्य़ेगेमु पेहक्‍योगी म़ेहबा तिङ थुराङ सान्‍दी पेहती ज़ुङदी ज़्‍या़सीन माना, ओहराङ मास्‍यीका ङ्याम्‍बु च्‍यी़ काहल्‍दी येह।

हिब्रू 8:9

खुङया़गी आख्‍ये मे़हमेया़ ङ्याम्‍बु ङाहगी ताहम्‍ज्‍या ज़्‍या़क्‍यो ल़ेहमु दि ओहङज्‍ये म़ेह, ङाहगी खुङला लाहक्‍पाला ज़ुङदी मिश्र क्‍याहल-खाप यिहन्‍ज्‍यु तेन्‍दी ख्‍योङग्‍यो येहकें। चो़वो छ्येवागी सुङ नाङसीन, खुङ ङाहगी ताहम्‍ज्‍याला थिक-चि पेहती माहतेह, ओ़ह सोङबे ङाहगी खुङया़ला नाङदा माहबे।

याकूब 1:25

यिहॱनाङ का़हन्‍दीगी, मिहया़ला ना थाम्‍ज्‍यीले खा फ़ेगेन याहङ-ताहक्‍पा ठिम ङो़ले राहङ मी़ क्‍या़दी ताएँ ओहले ची़गे, ङ्यिहन्‍दी टेहम्‍बा च्‍येहके मिहम्‍बा ल़ेहॱआङ पेहकें, खोगी राहङ ल़ेहला मेलाम ज्‍योर्च्‍ये येह।

१ यूहन्‍ना 2:19

ओ़ह टाहया़ ओहराङ नाहङलेॱराङ थेन्‍दी काहल्‍सीन, च्‍यिबेमाना खुङ ओहराङदी मिहम्‍बा यिहन्‍गे। का़हलेॱआङ खुङया़ ओहराङदी यिहम्‍बा यिहनानी खुङ ओहराङ ङ्याम्‍बुराङ तेहच्‍ये येहकें। खुङ ओहराङदी मिहम्‍बा दु म़ेदी या़हबु पेहती क्‍यी़ह ज्‍योर्च्‍येला खुङया़गी ओहराङला क्‍युर ज़्‍या़दी काहल्‍सीन।

१ यूहन्‍ना 2:24

ओ़ह सोङबे ख्‍याया़गी छ़ूगे यिहन्‍ज्‍युराङ थे़दे ओहङग्‍योकी लुहङया़ राहङगी सेमला ज़्‍या़दोङ। ख्‍यागी थे़क्‍योकी लुहङया़ राहङगी सेमला ज़्‍या़क्‍यो येहसीमाना ख्‍या किन्‍ज्‍यो याहप दाङ स़ेबु ङ्याम्‍बुराङ ओहङज्‍ये येह।

२ यूहन्‍ना 1:9

मास्‍यीकाकी लुहङ म़ेदी फिगी लेहमेन ताम ङ्यिहन्‍दी डोएँ मिहया़ ङ्याम्‍बु किन्‍ज्‍यो ज़्‍य़ू मेहनाङगे। यिहॱनाङ मास्‍यीकाकी लुहङ ङ्यिहन्‍गे मिह ङ्याम्‍बुदी याहप दाङ स़ेबु ङ्यिकाराङ ज़्‍य़ू नाङगे।