24 ङाहगी ख्याया़ला मासीन, ‘ख्याया़ राहङगी तिहक्पाला स्यिज्ये येह’ च्यिबेमाना ‘ङाह ओ़हदीॱराङ यिहन’ म़ेदी ख्याया़गी यिह मे़हछ्येसीमाना ख्या राहङगी तिहक्पाला स्यिज्ये येह।”
च्यिबेमाना मिह माहङबुराङ ‘थार्पा नाङगेन मास्यीका ङाहराङ यिहम्बा’ म़ेदी ङाहगी मिहनला ओहङज्ये येह ओहले मिह माहङबुलाराङ फिर्च्या लाहम ङो़ले ठिच्ये येह।”
मिह माहङबुराङ ङाहगी मिहनला ‘ङाहराङ मास्यीका यिहन’ म़ेदी ओहङज्ये येह ओहले मिह माहङबुलाराङ गो़ कोर्च्ये येह।
यिह-छ्य़े पेहती बप्तिस्मा लेहन्गेनया़गी थार्पा ज्योर्च्ये येह। यिहॱनाङ यिह-छ्य़े मेहबेकेनया़ला किन्ज्योगी ङ्य़ेहबा नाङज्ये येह।
ओहले येशूगी सुङ नाङसीन, “जेम्बु पेहतोङ, सुज्यीगीॱआङ ख्याला गो़ कोर माहङ्युहङज्यु च्यिबेमाना मिह माहङबुगीराङ ङाहगी मिहन तेन्दी, ‘ङाहराङ थार्पा थोप च्य़ूगेन्गी मास्यीका यिहम्बा।’ ओहले, ‘काल्बा तोङगेन ती़हजी ता़हनी लेप्च्येराङ पेहसीन’ म़ेदी मा ओहङज्ये येह। खुङगी तिङ ङ्यादी माहन्डो।
दि केच्या तेहन्दा डुप्के म़ेदी तोहङलेराङ ङाह ख्याया़ला ताहन्दा माएँराङ येह, ओ़ह केच्या तेहन्दा डुप्केमु ङाह ओ़हदीॱराङ यिहन म़ेदी ख्याया़गी यिह-छ्य़े ख़ूज्यु।
का़हन्दीगी किन्ज्योकी स़ेबुला यिह छ्य़ेगे खोला ङ्य़ेहबा फो़ज्ये म़ेह, यिहॱनाङ यिह मेहछ्य़ेया़ला तोहङलेराङ ङ्य़ेहबा फो़ सिहन्दे येहबा, च्यिबेमाना खोगी किन्ज्योगी च्यिमे च्यी़राङ स़ेबुकी छेनला यिह छ्य़ेक्यो म़ेह।
का़हन्दीगी स़ेबुला यिह छ्य़ेगे, खो ङ्याम्बु था़ म़ेहबा मिहली ज़ाङबु ओहङगे। का़हन्दीगी स़ेबुला यिह मे़हछ्येगे, खोगी मिहली थोङज्ये म़ेह, यिहॱनाङ किन्ज्योगी थुयाल खो थो़ला बाप्च्ये येह।
येशूगी सुङ नाङसीन, “ख्ये ङ्याम्बु ताम माएँदी, ङाह ओ़हदीॱराङ यिहन।”
येशूगी खुङया़ला येहपाराङ सुङ नाङसीन, “ङाह दि ग्या़ले डोज्ये येह, ओहले ख्याया़गी ङाहला छोल्ज्ये येह, यिहॱनाङ ख्याया़ राहङगी तिहक्पाला स्यिज्ये येह। ङाह डोएँगी ग्या़ला, ख्याया़ ओहङ मी़हखु।”
खुङया़गी येशूला स्युहसीन, “राहङ सु यिहम्बा ले लाह?” ओहले येशूगी खुङया़ला सुङ नाङसीन, “ङाह ओ़हदीॱराङ यिहन, ओ़ह ङाहगी ख्याया़ला तोहङ यिहन्ज्युराङ माएँराङ येह।
ओ़ह सोङबे येशूगी सुङ नाङसीन, “ख्याया़गी मिहगी स़ेबुला क्या़दी क्याहङस्यीङला च्याङ फान्ज्यो, ङाह ओ़हदीॱराङ यिहन म़ेदी ख्याया़गी ह्अ कोहज्ये येह, ओहले ङाह राहङ ओङगी नि च्यिॱआङ पेह मी़हखु, यिहॱनाङ याहपगी लोप नाङग्योकी स्याहलया़ च्यी़राङ माएँ म़ेदी ख्याया़गी ङोह स्ये़ज्ये येह।
येशूगी खुङया़ला सुङ नाङसीन, “तेहम्बाराङ, ङाह ख्याया़ला माएँ, अब्राहाम क्येएँ म़ेदी तोहङलेराङ ङाह येहकें।”
चो़वो येशू च्यी़गी मिहम्बा लेहमेन सुगीॱआङ थार्पा थोप च्य़ू मी़हखुएँ। किन्ज्योगी येशूगी छेन मिहम्बानी जाम्बुलीङला लेहमेन च्यिॱआङ मिहन नाङदी म़ेह।”
जेम्बु पेह, ख्या ङ्याम्बु स्याहल सुङ नाङगे सुङ-क़ेला मा-लोक माहबे। च्यिबेमाना दि जाम्बुलीङला ज्यी़-ङोर नाङगेन्दीला मा-लोक पेहकेनया़ थार मा़हखु मासीमाना स्यिहङगामले माहर ज्यी़-ङोर नाङगेन्दीला मा-लोक पेहसीमाना ओहराङ काह-ठि पेहती थार ख़ूज्ये ले?
देजे छ्यिम्बु थार्पाला नोम्साङ मेहताङसीमानानी जेन काह-ठि पेहती ओहराङ थार ख़ूज्ये ले? दि थार्पा तोहङस्यो चो़वोगीॱराङ प्रा साल नाङसीन। मिहरोगी प्रा साल नाङग्योकी लुहङ ङ्यिहन्गेया़गी दि तेहम्बा यिहन म़ेदी ङ्यिहला पाङबु तेर्सीन।