21 येशूगी खुङया़ला येहपाराङ सुङ नाङसीन, “ङाह दि ग्या़ले डोज्ये येह, ओहले ख्याया़गी ङाहला छोल्ज्ये येह, यिहॱनाङ ख्याया़ राहङगी तिहक्पाला स्यिज्ये येह। ङाह डोएँगी ग्या़ला, ख्याया़ ओहङ मी़हखु।”
ता़ह ङाह ख्येला माएँ, नाहम थु ख्येगी ‘चो़वो छ्येवागी छेनला फेप नाङगेन्दी काहजे सोनाम-साक्पु’ म़ेदी मा़हमे थु ख्येगी ङाहला थोङज्ये म़ेह।”
“ओ़ह तिङले खोगी राहङगी योमा ङो़ले तेहक्यो मिहया़ला दि ल़ेहमु सुङ नाङज्ये येह, ‘ए किन्ज्योगी मे़मु सू़हक्यो मिहया़, देलेगी ग्यो़बाराङ थेन्दी सोङ! ती़ह गो-छ्येवा दाङ खोगी स्याहप्च्यीया़गी तेहन्दाला ठाबे पेह ज़्या़क्यो नाहमॱआङ मिहस्यीएँगी मेहला सोङ!
ओहले खुङया़गीदी नाहम्स्यी किन्दुॱराङ ङ्य़ेहबा खुर कोहच्ये येह, यिहॱनाङ टाहङबु मिहया़गीदी नाहमॱआङ मिहस्यीएँगी मिहली ज़ाङबु ज्योर्च्ये येह।”
मिहरो काहन्डुमु छ्याप्स्यी जेती टोहङ कोहएँ यिहम्बा, ओ़ह ता़स्यी नाङज्येला मिहरोगी दि ल़ेहमु सुङ नाङग्यो येहकें।
येशूगी खुङया़ला सुङ नाङसीन, “क्या-साङे तोहरोङॱआङ तोबा थु ख्याया़गी पाहरक्यीलाराङ तेहच्ये येह। क्या-साङे ख्या ङ्याम्बु लिहकें थु राहङगी लाहमला स्य़ूहदोङ मिहन्सीमाना ना़-जुबेगी ख्याया़ला उप्च्ये येह। ना़-जुबेला डोएँया़गी राहङ का़हला डोॱराङ येहबा म़ेदी क्यी़ह मेहन्ज्योर्कें।
ए ङाहगी पेहजाया़, ता़हनी ङाह ख्या ङ्याम्बु ङ्यिहमा तोबा थु च्यी़राङ लिहच्ये येह। ख्याया़गी ङाहला छोल्ज्ये येह, ओहले ङाहगी यहूदी गोबाया़ला माक्यो ल़ेहमुराङ ख्याया़ॱलाङ माएँ ‘ङाह का़हला डोॱराङ येहबा, ओ़हला ख्याया़ ओहङ ख़ूज्ये म़ेह।’
ओहजेला ख्याया़गी ङाहला छोल्ज्ये येह, यिहॱनाङ ख्याया़गी ङाहला च्य़ेह सिहन्ज्ये म़ेह ओहले ङाह डोएँगी ग्या़ला ख्याया़ ओहङ मी़हखु।”
‘ख्यागी ङाहला छोल्ज्ये येह, यिहॱनाङ च्य़ेह सिहन्ज्ये म़ेह’ च्यिबेमाना ‘ङाह डोएँगी ग्या़ला ख्याया़ ओहङ मी़हखु’ म़ेदी गा माउ दु। दि च्यि माज्ये छोल्ग्यो यिहम्बा नि स्युस्ये?”
ङाहगी ख्याया़ला मासीन, ‘ख्याया़ राहङगी तिहक्पाला स्यिज्ये येह’ च्यिबेमाना ‘ङाह ओ़हदीॱराङ यिहन’ म़ेदी ख्याया़गी यिह मे़हछ्येसीमाना ख्या राहङगी तिहक्पाला स्यिज्ये येह।”
तोहङले ख्याया़गी किन्ज्योकी काया़ माहङ्यीहम्बा सोङबे ओहले तिहक्पा च्यी़राङ तिहक्पा पेहक्यो सोङबे ख्याया़ किन्ज्योकी ज़ी़दाङला स्यि सिहन्ग्यो येहकें।