यूहन्‍ना 8:20 - ह्योल्‍मो

²⁰ दि स्‍याहल येशूगी छ्योखाङला डेल्‍बा फुल्‍गेन्‍गी काहम येहकेन ग्‍या़ला लोप नाङगेमु सुङ नाङसीन। ओहले येशूला सुज्‍यीगीॱआङ माहजु़ङ, च्‍यिबेमाना येशूगी ती़हजी तोहरोङॱआङ माहलेप येहकें।

यूहन्‍ना 8:20 ပူးပေါင်းရင်းမြစ်များ

मत्ती 26:55

ओ़ह तिङले येशूगी राहङला ज़ुङज्‍ये म़ेदी ओहङग्‍यो मिहया़ला सुङ नाङसीन, “च्‍यि ङाह च्‍याहक्‍पा यिहम्‍बा म़ेदी ने़उ दुबा? ङाहला ज़ुङज्‍ये म़ेदी प्रेहका दाङ पादाङ थो़दी ओहङग्‍यो? ङ्यिहमा-टाहङमाराङ छ्योखाङला तेहती ङाहगी मिहया़ला लोप्‍च्‍युङ तेर्केमु के लेह ख्‍याया़गी ङाहला ज़ुङ माहयोहङ!

मत्ती 27:6

पूजाहारी छ्यिम्‍बुया़गी ओ़ह टाङगा ती़हदी मासीन, “दिनी ठा़गी टाङगा यिहम्‍बा, दि टाङगाला छ्योखाङगी टाङगा ङ्याम्‍बु से़ज्‍ये या़हबु मेहयोहङगे” म़ेदी मासीन।

मर्कूस 12:41

येशूगी छ्योखाङला डेल्‍बा फुल्‍गे काहम पोहला ज़्‍य़ूदी मिहया़गी डेल्‍बा फुल्‍ग्‍यो ज़ी़ नाङसीन। छ्युक्‍पु मिहया़गी डेल्‍बा माहङबुराङ फुल्‍सीन।

मर्कूस 12:43

ओहले येशूगी राहङगी स्‍याहप्‍च्‍यीया़ला क़े क्‍याहप नाङदी, “तेहम्‍बाराङ ङाह ख्‍याला माएँ, दि प्राङबु ह्‍युग्‍मोगी लेहमेनया़गी म़ेदी डेल्‍बा माहङबुराङ फुल्‍सीन।

लूका 20:19

छ्य़े-ठिमकी लोबेन दाङ पूजाहारी छ्यिम्‍बुया़गी येशूगी ओ़ह पे खुङया़गी तेहन्‍दालाराङ सुङ नाङग्‍यो यिहन म़ेदी ह्‍अ के़हदी येशूला ओ़हजेलाराङ ज़ुङज्‍ये म़ेदी साम्‍लु ताङसीन। यिहॱनाङ, खुङया़ मिह मिह-माहङया़ला थोङदी ज्‍यी़सीन।

लूका 21:1

ओहले येशूगी छ्योखाङ नाहङला फार छुर ज़ी़ नाङगेमु मिह छ्युक्‍पुया़गी डेल्‍बा फुल्‍गेन काहमला डेल्‍बा फुल तेहक्‍यो ज़ी़ नाङसीन।

यूहन्‍ना 10:39

खुङया़गी येहपाराङ येशूला ज़ुङज्‍ये छोल्‍सीन यिहॱनाङ येशू खुङ यिहन्‍ज्‍यु क्‍यो़दी थेन्‍दी फेप नाङसीन।

यूहन्‍ना 2:4

ओहले दि सेन नाङदी येशूगी आमाला सुङ नाङसीन, “आमा, ङाहगी च्‍यि पेह कोहकें म़ेदी राहङगी ङाहला सुङ माहनाङ, च्‍यिबेमाना ङाहगी ती़हजी नाहरे थु लेप्‍ती म़ेह।”

यूहन्‍ना 7:14

छ्येपा छ़ूदी फ़ेचे डोएँमु येशू छ्योखाङ नाहङला फेप्‍ती सुङ ख्‍येप्‍टा नाङज्‍ये छ़ूसीन।

यूहन्‍ना 7:30

ओ़ह सोङबे खुङया़गी येशूला ज़ुङज्‍ये छोल्‍सीन, यिहॱनाङ सुज्‍यीगीॱआङ येशूला लाहक्‍पा माहक्‍याहप, च्‍यिबेमाना येशूकी ती़हजी तोहरोङॱआङ लेप्‍ती म़ेहबा येहकें।

यूहन्‍ना 7:44

खुङया़ नाहङगी काहजे मिहगी येशूला ज़ुङज्‍ये छोल्‍सीन यिहॱनाङ सुज्‍यीगीॱआङ येशूला लाहक्‍पा माहताङ।

यूहन्‍ना 7:8

ख्‍याराङ ओ़ह छ्येपाला सोङ, ङाह मेहन्‍डो। च्‍यिबेमाना ङाहती ती़हजी लेप सिहन्‍दी म़ेह।”

यूहन्‍ना 8:2

ओहले नाहङबार च्‍युङ नाहम्‍सीमुॱराङ येशू छ्योखाङला लो़हदी फेप नाङसीन। ओहले मिह माहङबुराङ येशूसाला जोम ओहङसीन। ओहले येशू ओ़हला ज्‍यू़दे मिहया़ला सुङ ख्‍येप्‍टा नाङज्‍ये छ़ूसीन।

यूहन्‍ना 8:59

ओ़हजेलाराङ खुङगी येशूला क्‍याहप्‍च्‍ये म़ेदी तोह तुहसीन, यिहॱनाङ येशू खाजुम्‍बाला छ्योखाङले थेन्‍दी फेप नाङसीन।