यूहन्‍ना 8:2 - ह्योल्‍मो

² ओहले नाहङबार च्‍युङ नाहम्‍सीमुॱराङ येशू छ्योखाङला लो़हदी फेप नाङसीन। ओहले मिह माहङबुराङ येशूसाला जोम ओहङसीन। ओहले येशू ओ़हला ज्‍यू़दे मिहया़ला सुङ ख्‍येप्‍टा नाङज्‍ये छ़ूसीन।

यूहन्‍ना 8:2 ပူးပေါင်းရင်းမြစ်များ

मत्ती 26:55

ओ़ह तिङले येशूगी राहङला ज़ुङज्‍ये म़ेदी ओहङग्‍यो मिहया़ला सुङ नाङसीन, “च्‍यि ङाह च्‍याहक्‍पा यिहम्‍बा म़ेदी ने़उ दुबा? ङाहला ज़ुङज्‍ये म़ेदी प्रेहका दाङ पादाङ थो़दी ओहङग्‍यो? ङ्यिहमा-टाहङमाराङ छ्योखाङला तेहती ङाहगी मिहया़ला लोप्‍च्‍युङ तेर्केमु के लेह ख्‍याया़गी ङाहला ज़ुङ माहयोहङ!

लूका 21:37

ओहजे ती़हजीला येशू ङ्यिहमा-टाहङमाराङ छ्योखाङला सुङदेन नाङगो येहकें, ओहले नुहङमुदी जैतून काहङला ज़्‍य़ूज्‍येला फेप नाङगो येहकें।

लूका 21:38

ओहले मिहया़ येशूगी सुङदेन ङ्यिहन्‍ज्‍ये म़ेदी नाहम-सेमुराङ छ्योखाङला जोम ओहङगो येहकें।

लूका 4:20

ओहले येशूगी छ्य़े टिल्‍दी स्‍याहप्‍च्‍यी च्‍यी़ला नाङदी येशू ज़्‍य़ू नाङसीन। ओ़हला येहकें मिह थाम्‍ज्‍यीगी येशूला त़ेदी तेहक्‍यो येहकें।

लूका 5:3

ओहले येशू सिमोन माएँ मिहगी टुह-छ्युङला ज़्‍य़ूदी, “टुह-छ्युङ छो सुहरलेगी याहम्‍बी फाच्‍ची ख्‍येर्तोङ” म़ेदी सिमोनला सुङ नाङसीन। ओहले टुह-छ्युङलाराङ ज़्‍य़ूदी छोगी सुहरला तेहक्‍योगी मिह मिह-माहङया़ला सुङ ख्‍येप्‍टा नाङज्‍ये छ़ूसीन।

यूहन्‍ना 4:34

ओहले येशूगी खुङया़ला सुङ नाङसीन, “ङाहला ताङ नाङगेन याहपकी का दाङ मिहरोगी छ्या़ले छाङबु पेहकेन्‍दीराङ ङाहती साहप्‍च्‍या यिहम्‍बा।

यूहन्‍ना 8:20

दि स्‍याहल येशूगी छ्योखाङला डेल्‍बा फुल्‍गेन्‍गी काहम येहकेन ग्‍या़ला लोप नाङगेमु सुङ नाङसीन। ओहले येशूला सुज्‍यीगीॱआङ माहजु़ङ, च्‍यिबेमाना येशूगी ती़हजी तोहरोङॱआङ माहलेप येहकें।

यूहन्‍ना 8:3

ओहले पी़हमी च्‍यी़गी छ्येउ-छ्येंमु पेह तेहकेमु छ्य़े-ठिमकी लोबेनया़ दाङ फरिसीया़गी मोहला ज़ुङदी मिहया़गी दिनला ख्‍योङदी लाहङ च्‍य़ूसीन।

ल़ेह-पेन 5:21

ओ़ह स्‍याहल ङ्यिहन्‍दी खुङ ङाटुराङ छ्योखाङला काहल्‍दी मिहया़ला लोप्‍च्‍ये छ़ूसीन। ओहले पूजाहारी गो-छ्येवा दाङ खोगी रो़हया़गी इस्राएली गोबा थाम्‍ज्‍यीला छो़बाला क़े क्‍याहप्‍सीन। ओ़ह तिङले खुङया़गी ल़ेह-पेनया़ला चोन-खाङले तेन ख्‍येर-स्‍यो म़ेदी मिहया़ला ताङ चाहङसीन।