15 ख्यागीनी मिहया़गी साम्लु ताङगे छ्याप्स्यी ल़ेहमु पेहती गा ठिम ताङ दु। ङाह सुॱलाङ ठिम मेहताङ।
ओहले येशूगी, “नो़ह, ख्यागी फास्यी कोहज्येला ङाहला सुगी दि ओङ तेर्पा?” म़ेदी सुङ नाङसीन।
सुगी ङाहती ताम ङ्यिहन्गे, ओहले ओ़ह मी़हचीगे, ङाह खोला ठिम मेहताङ। च्यिबेमाना ङाह जाम्बुलीङला ठिम ताङज्येला ओहङग्यो मिहन, यिहॱनाङ जाम्बुलीङला थार च्य़ूज्येला ओहङग्यो यिहम्बा।
ओहले येशूगी ल़ेहन क्याहप नाङसीन, “ङाहती क्याहल्सी दि जाम्बुलीङदी मिहन। ङाहती क्याहल्सी दि जाम्बुलीङदी यिहन्गे यिहनानी ङाहला तिङ ङ्या़गेया़गी ङाहला यहूदीया़की लाहक्पाले थार च्य़ूज्ये म़ेदी जिङज्ये येहकें। यिहॱनाङ ङाहती क्याहल्सी दि जाम्बुलीङदी मिहन।”
च्यिबेमाना किन्ज्योगी जाम्बुलीङला ङ्य़ेहबा फो़ च्य़ूज्ये म़ेदी स़ेबुला दि जाम्बुलीङला ताङ माहनाङ यिहॱनाङ जाम्बुलीङ मिहरो लाहमले थार ख़ूज्यु म़ेदी स़ेबुला दि जाम्बुलीङला ताङ नाङसीन।
ख्यागी मिहला ठिम ताङगेमु मिहगी खा त़ेदी मिहम्बा, यिहॱनाङ तेहन्दाम च्यि यिहम्बा ओ़हला ते़बे ठिम टाहङबु पेहती ताङदोङ।”
ओ़ह पी़हमीगी स्युहसीन, “लाहसो ला़ह चो़वो, ङाहला सुज्यीगीॱआङ ङ्य़ेहबा माहकाहल।” ओहले येशूगी सुङ नाङसीन, “ङाहॱआङ ख्येला ङ्य़ेहबा मेहकाल। ता़ह ख्ये सोङ, ओहले येहपाराङ तिहक्पा माहबे।”
ओ़ह सोङबे लेहमेनला फातुर च़ूगे ए रो़ह, ख्ये सु यिहॱनाङ, ख्येला तेलेन तेन्गे ग्या़ॱराङ म़ेह, च्यिबेमाना ख्येगी लेहमेनला च्यि तामला फातुर च़ूगे, ओ़ह तामलाॱराङ ख्येॱलाङ ङ्य़ेहबा फो़ज्ये येह, च्यिबेमाना ख्ये फातुर च़ूगेन्दीगीॱआङ ओ़ह ल़ेहराङ पेहकें।
यिहक्तेन मिहगी थाम्ज्यीराङ तामया़ या़हबु दाङ चोक्पा च्यि यिहम्बा दु म़ेदी ङ्याहम च्ये ख़ूएँ, यिहॱनाङ खोलाती सुज्यीगीॱआङ ङ्याहम च्ये मी़हखुएँ।
ता़ह यिहन्ज्यु ङ्यिह सुॱलाङ मिहगी फि ङो़ले च्यी़राङ मेहताएँ। ती़हजी च्यी़ला ङ्यिहगी मास्यीकाला मिहला ल़ेहमु पेहती ताक्यो येहकें, यिहॱनाङ ता़ह यिहन्ज्यु मिहरोला ओ़हठी पेहती ताज्ये म़ेह।
च्यि ख्यागी राहङ नाहङदोङराङ ङ्येम्बा-ङ्य़ेहरी माहबे ले? च्यि ख्या सेम चोक्पा थो़दी फिच्र्या ठिम ताङगेन्गी ठिम-पेनया़ माहकाहल ले?