यूहन्‍ना 8:11 - ह्योल्‍मो

¹¹ ओ़ह पी़हमीगी स्‍युहसीन, “लाहसो ला़ह चो़वो, ङाहला सुज्‍यीगीॱआङ ङ्य़ेहबा माहकाहल।” ओहले येशूगी सुङ नाङसीन, “ङाहॱआङ ख्‍येला ङ्य़ेहबा मेहकाल। ता़ह ख्‍ये सोङ, ओहले येहपाराङ तिहक्‍पा माहबे।”

यूहन्‍ना 8:11 ပူးပေါင်းရင်းမြစ်များ

लूका 13:3

ङाहगी ख्‍याला माएँ, ओ़ह ल़ेहमु मिहम्‍बा, यिहॱनाङ ख्‍याया़गी सेमगी स्‍या़बा मेहबेसीमाना ख्‍या थाम्‍ज्‍यीराङ ओ़ह ल़ेहमुराङ पेहती तोङदी डोज्‍ये येह।

लूका 13:5

ओ़ह ल़ेहमु मिहम्‍बा, ङाहगी ख्‍याला माएँ, ख्‍याया़गी सेमगी स्‍या़बा पेहती तिहक्‍पा मेहपाङसीमानानी ख्‍याॱआङ थाम्‍ज्‍यीराङ तोङदी डोज्‍ये येह!”

लूका 15:10

ङाहगी ख्‍याला माएँ, ओ़ह ल़ेहमुराङ पेहती राहङगी सेमगी स्‍या़बा डुप्‍के तिहक्‍च्‍येम्‍बा मेहन्‍दा च्‍यी़गी तेहन्‍दाला किन्‍ज्‍योकी स्‍यिहङगामकी स्‍याहप्‍च्‍यीया़गी दिनला काहसो पेहकें।”

लूका 15:32

ओ़ह सोङबे तिहरीङ ओहराङगी डेन से़हदी खाम्‍साङबु पेहक्‍यो ठाबेराङ यिहम्‍बा च्‍यिबे मासीमाना स्‍यिक्‍यो ओ़ह ख्‍येगी नो़ह सोम्‍बो च्‍य़ेह सिहन्‍सीन, खो तोरक्‍यो येहकें ता़हनी ज्‍योर्सीन’!”

लूका 15:7

ङाहगी ख्‍याला माएँ, स्‍या़बा डुप मेहकोहएँ क्‍याह च्‍यी़ला च्‍यी़ छ्याक्‍पा टाहङबुया़ला म़ेदी स्‍या़बा डुप्‍के तिहक्‍च्‍येम्‍बा मेहन्‍दा च्‍यी़गी तेहन्‍दाला स्‍यिहङगामला माहङबु काहसो पेहच्‍ये येह।”

लूका 5:32

ओ़ह ल़ेहमुराङ ङाह टाहङबु मिहया़ला मिहम्‍बा, तिहक्‍च्‍येम्‍बाया़ला सेमगी स्‍या़बा पेहती तिहक्‍पा पाङदोङ म़ेदी क़े क्‍याहप्‍च्‍येला ओहङग्‍यो यिहम्‍बा” म़ेदी सुङ नाङसीन।

लूका 9:56

ओहले येशू स्‍याहप्‍च्‍यीया़ ङ्याम्‍बु लेहमेन युहलला फेप नाङसीन।

यूहन्‍ना 18:36

ओहले येशूगी ल़ेहन क्‍याहप नाङसीन, “ङाहती क्‍याहल्‍सी दि जाम्‍बुलीङदी मिहन। ङाहती क्‍याहल्‍सी दि जाम्‍बुलीङदी यिहन्‍गे यिहनानी ङाहला तिङ ङ्या़गेया़गी ङाहला यहूदीया़की लाहक्‍पाले थार च्‍य़ूज्‍ये म़ेदी जिङज्‍ये येहकें। यिहॱनाङ ङाहती क्‍याहल्‍सी दि जाम्‍बुलीङदी मिहन।”

यूहन्‍ना 3:17

च्‍यिबेमाना किन्‍ज्‍योगी जाम्‍बुलीङला ङ्य़ेहबा फो़ च्‍य़ूज्‍ये म़ेदी स़ेबुला दि जाम्‍बुलीङला ताङ माहनाङ यिहॱनाङ जाम्‍बुलीङ मिहरो लाहमले थार ख़ूज्‍यु म़ेदी स़ेबुला दि जाम्‍बुलीङला ताङ नाङसीन।

यूहन्‍ना 5:14

याहम्‍बी तिङले येशूगी खोला छ्योखाङला थू़दी सुङ नाङसीन, “त़ेदोङ, ता़ह ख्‍ये टा़ह सिहन्‍दी येह। येहपाराङ तिहक्‍पा माहबे, मिहन्‍सीमाना ख्‍येला तोहङले म़ेदीॱआङ चोक्‍पा ओहङज्‍ये येह।”

यूहन्‍ना 8:15

ख्‍यागीनी मिहया़गी साम्‍लु ताङगे छ्याप्‍स्‍यी ल़ेहमु पेहती गा ठिम ताङ दु। ङाह सुॱलाङ ठिम मेहताङ।

रोमी 2:4

किन्‍ज्‍योगी ख्‍येला माहङबुराङ थुज्‍यी ज़ी़ नाङसीन ओहले मिहरोगी ख्‍येला ना़स्‍यीङ छ्यिम्‍बु जेती माहङबुराङ कू़हदी ज़्‍य़ू नाङसीन ता़ह ख्‍ये च्‍यि किन्‍ज्‍योला क्‍युक्‍टो पेहकें? किन्‍ज्‍योकी थुज्‍यीगी तिहक्‍पा पाङ च्‍य़ूदी स्‍या़बा पेह च्‍य़ूगे माएँ ताम च्‍यि ख्‍येला क्‍यी़ह म़ेहबा?

१ कोरिन्‍थी 5:12

किन्‍ज्‍योला ङोह मा़हस्‍येबाकी मिहया़ला ठिम ताङगेन ल़ेह ङाहती मिहन। यिहॱनाङ ख्‍याया़गी छेन्‍छोक नाहङगी मिहया़ला ठिम ताङॱराङ कोहएँ, मिहम्‍बा ले?

२ पत्रुस 3:15

चो़वोगी ख्‍येला तिहक्‍पालेगी थार्केन्‍गी लोहङ नाङगेमु मिहरोगी काहजे ना़स्‍यीङ छ्यिम्‍बु जे नाङबा ओ़ह टेहम्‍बा सोल। ओहराङगी ज्‍यिबुराङ च्‍याहम्‍बु नो़ह पावलगीॱआङ किन्‍ज्‍यो लाहमले ज्‍योरक्‍योकी रिहक्‍स्‍यी लाहमलेॱराङ दि थाम्‍ज्‍यी ख्‍याया़ला प्रुहक्‍यो येहकें।