यूहन्‍ना 7:35 - ह्योल्‍मो

³⁵ दि थे़दी यहूदी गोबाया़गी राहङ नाहङदुङ मासीन, “दि मिह का़हला डोज्‍ये छोल्‍गे यिहम्‍बा, ओहराङगी च्‍य़ेह सिहन मी़हखु म़ेदी गा माउ दु? च्‍यि दि मिह ग्रीकया़गी पाहरक्‍यीला फेतोर कोहतोर काहल्‍दी तेहक्‍योगी यहूदीया़ साला काहल्‍दी ग्रीकया़ला सुङदेन तेर्च्‍ये म़ेदी सेम पेहक्‍यो यिहम्‍बा नि?

यूहन्‍ना 7:35 ပူးပေါင်းရင်းမြစ်များ

मत्ती 12:21

ओहले थाम्‍ज्‍यी क्‍यिहपागी मिहया़गी राहङगी रेहवा मिहरोगी छेनला ज़्‍या़ज्‍ये येह।

लूका 2:32

मिह-रो़हराङ लेहमेन क्‍यिहपागी मिहया़ला राहङगी लाहम तेन नाङगेन येहसेर यिहम्‍बा, ओहले मिह-रो़हराङ राहङगी इस्राएली क्‍यिहपाया़गी तेहन्‍दाला ज़िज्‍यिद यिहम्‍बा।”

यूहन्‍ना 12:20

थार्पा छ्येपाला छ्येपा फुल्‍ज्‍ये म़ेदी डोएँ मिहया़ नाहङला लाहला ग्रीक क्‍यिहपागी मिहया़ॱआङ येहकें।

यूहन्‍ना 7:1

ओ़ह तिङले येशू गालील साने़लाराङ कोरा क्‍याहप नाङसीन, येशू यहूदीयाला फेप्‍च्‍ये थु जे माहनाङ, च्‍यिबेमाना यहूदीया़गी येशूला सेच्‍ये छोल्‍गो येहकें।

यूहन्‍ना 8:22

ओहले दि थे़दे यहूदी गोबाया़गी राहङ नाहङदुङ मासीन, “दि च्‍यि माक्‍यो यिहम्‍बा नि? खो का़हला डोएँ, ओ़ह ग्‍या़ला ओहराङ लेप मी़हखु माउ दु! दि खो राहङराङ स्‍यिज्‍ये छोल्‍ग्‍यो यिहम्‍बा नि च्‍यि यिहम्‍बा?”

ल़ेह-पेन 11:18

दि ताम थ़े फान्‍ज्‍यो चो़वो छ्येवाला यिह-छ्य़े पेहकेन्‍गी यहूदी आदा-नो़हया़गी पत्रुसला फातुर च़ूज्‍ये क्‍युर्सीन ओहले, “ता़ह किन्‍ज्‍योगी लेहमेन क्‍यिहपागी मिहया़लाॱआङ मिहलीगी तेहन्‍दाला सेमगी स्‍या़बा पेहती तिहक्‍पा पाङज्‍येला लोहङ नाङसीन दुबा” म़ेदी किन्‍ज्‍योला त़ेरा तेच्‍या फुल्‍ज्‍ये छ़ूसीन।

ल़ेह-पेन 11:20

खुङ नाहङॱलाङ रेहरे साइप्रस दाङ कुरेनी क्‍याहल-खापकी मिहया़ येहकें। ओहले खुङया़गी एन्‍टिओखिया लुहङबाला ओहङदी ग्रीक मिहया़लाॱआङ चो़वो येशूगी तेहन्‍दाला स्‍येसीन।

ल़ेह-पेन 14:1

आइकोनियन साने़ला पावल दाङ बारनाबास यहूदीया़की छो़खाङला काहल्‍दी ज्‍यिबुराङ या़हबु पेहती लोप्‍च्‍युङ तेर्सीन, ओ़हजेलाराङ यहूदीया़ दाङ ग्रीक मिहया़गी चो़वो छ्येवा येशूला सेमले खाल्‍सीन।

ल़ेह-पेन 17:4

ओहले खुङया़ नाहङला रेहरे यहूदीया़की चो़वोला सेमले खाल्‍सीन ओहले किन्‍ज्‍योगी ज्‍यिक्‍पा पेहकेन ग्रीक क्‍यिहपागी मिह माहङबुराङगी ओहले मिहन छ्यिम्‍बु थोप्‍क्‍यो पी़हमी पेहजाया़गीॱआङ चो़वोला सेमले खाल्‍दे पावल दाङ सिलास ङ्याम्‍बु काहल्‍सीन।

ल़ेह-पेन 18:4

ओहले पावल थाङ सोएँ ङ्यिहमा-टाहङमाराङ यहूदीया़की छो़खाङला काहल्‍दी यहूदी दाङ ग्रीक क्‍यिहपागी मिहया़ ङ्याम्‍बु चो़वो येशूगी तेहन्‍दाला ताम मामा चेउ येहकें ओहले खुङया़ला प्रा साल तेर्च्‍ये छोल्‍गो येहकें।

ल़ेह-पेन 21:21

‘ता़ह यिहन्‍ज्‍यु मोशागी छ्य़े-ठिम ङ्यिहन मेहकोएँ ओहले पेहजाया़गी स्‍या-ताक पेह मेहकोएँ ओहले यहूदी ठिमया़ ची़ मेहकोहएँ’ म़ेदी ख्‍येगी लेहमेन क्‍यिहपाया़गी पाहरक्‍यीला तेहकेन्‍गी यहूदीया़ला लोप्‍को येहबा लो माएँ ताम खुङया़गी थ़े सिहन्‍दी येह।

ल़ेह-पेन 22:21

ओहले चो़वोगी सुङ नाङसीन, ‘ख्‍ये सोङ, ङाहगी ख्‍येला लेहमेन क्‍यिहपागी मिहया़साला था़-रिहङबु रिहङबु थु ताङज्‍ये येह’!”

रोमी 1:16

या़हबु लेहङगु स्‍येच्‍येला ङाह ङोह मेहछाएँ। च्‍यिबेमाना यिह-छ्य़े मिह थाम्‍ज्‍यीगी तेहन्‍दाला, दि थार्पा तेर्केन्‍गी किन्‍ज्‍योकी ओङ यिहम्‍बा, तोहङस्‍यो यहूदी क्‍यिहपाया़की तेहन्‍दाला ओहले लेहमेन क्‍यिहपाया़गी तेहन्‍दालाॱआङ।

एफिसी 3:8

मास्‍यीकाकी नाम्‍पार-ताहक्‍पा मिहया़ नाहङला ङाह थाम्‍ज्‍यी म़ेदी फेनराङ मे़हथोएँ येहॱनाङ मिहकी नावागी ङोहॱराङ स्‍य़े मी़हखुएँ मिहरोकी क्‍युहकी या़हबु लेहङगु लेहमेन क्‍यिहपाकी मिहया़ला स्‍येकेन्‍गी काटीन किन्‍ज्‍योगी ङाहला नाङसीन।

कलस्‍सी 1:27

खुङया़ला मिह थाम्‍ज्‍यीगी तेहन्‍दाला छ्यिम्‍बु तिहङ-रिहङबुगी तेहन्‍दा खा फे़ तेर्केन किन्‍ज्‍योकी राहङगी ज़ोक्‍योकी च्‍याहम्‍दा यिहम्‍बा। तिहङ-रिहङबुगी ताम दिराङ यिहम्‍बा, मास्‍यीका ख्‍या ङ्याम्‍बु ज़्‍य़ू नाङदी येहबा। दिगी तेहन्‍दा किन्‍ज्‍योगी ज़िज्‍यिदला ख्‍यागी बो ज्‍योर्च्‍ये येह।

१ तिमोथी 2:7

ओ़ह सोङबे ङाहगी लेहमेन क्‍यिहपागी मिहया़ला तेहपा दाङ तेहन्‍दामला लुहङ प्रा-साल्‍ज्‍येला चो़वोगी ङाहला ल़ेह-पेन दाङ लोबेन ज़ो नाङसीन। ङाहगी तेहम्‍बाराङ माक्‍यो यिहम्‍बा, स्‍योप क्‍याहप्‍ती म़ेह।

२ तिमोथी 1:11

ओ़ह या़हबु लेहङगु स्‍येच्‍येलाॱराङ किन्‍ज्‍योगी ङाहला या़हबु लेहङगु स्‍येकेन्‍गी मिह, ल़ेह-पेन दाङ लोबेन ज़ो नाङसीन।

याकूब 1:1

किन्‍ज्‍यो दाङ चो़वो येशू मास्‍यीकाला स्‍याहप्‍तो स्‍युहएँगी स्‍याहप्‍च्‍यी ङाह याकूबगी दि यिहगी जाम्‍बुलीङगी माहङबु ग्‍या़ ग्‍या़ला फेतोर कोहतोर काहल्‍ग्‍यो इस्राएलगी छाङ च्‍यिङ्यी़ला प्रुहउ येहबा। ख्‍या थाम्‍ज्‍यीला ङाहती टास्‍यी-देले येहबा।

१ पत्रुस 1:1

येशू मास्‍यीकाकी ल़ेह-पेन ङाह पत्रुस लाहमले पोन्‍टस, गलातीया, कापाडोकिया, एशिया दाङ बिथिनिया साने़या़ला राहङगी क्‍याहल-खाप यिहन्‍ज्‍यु काहल्‍दी फेतोर कोहतोर काहल्‍ग्‍योया़ला,