यूहन्‍ना 7:33 - ह्योल्‍मो

³³ येशूगी सुङ नाङसीन, “तोहरोङॱआङ ङ्यिहमा तोबा थु ङाह ख्‍या ङ्याम्‍बुराङ तेहच्‍ये येह, ओ़ह तिङले ङाहला ताङ नाङगे याहप साला ङाह लो़हदी डोज्‍ये येह।

यूहन्‍ना 7:33 ပူးပေါင်းရင်းမြစ်များ

मर्कूस 16:19

स्‍याहप्‍च्‍यीया़ ङ्याम्‍बु दि ल़ेहमु पेहती स्‍याहल सुङ फान्‍ज्‍यो किन्‍ज्‍योगी चो़वो येशूला स्‍यिहङगामला नोम फेप्‍सीन ओहले मिहरो किन्‍ज्‍योगी योबा ङो़ले ज़्‍य़ू नाङसीन।

यूहन्‍ना 13:1

थार्पा छ्येपा लेप्‍कें म़ेदी तोहङले दि जाम्‍बुलीङला क्‍युर ज़्‍या़दी याहप्‍च्‍येन आबासाला फेप नाङगे मिहरोगी ती़हजी लेप सिहन्‍सीन माएँ स्‍याहल येशूला थुयी़ येहकें। ओहले जाम्‍बुलीङला येहकेन्‍गी राहङगी मिहया़ला चेवा जे-नाङदी मिहरोगी खुङया़ला तिङस्‍यो ती़हजी थुराङ चेवा जे नाङसीन।

यूहन्‍ना 13:3

याहपगी थाम्‍ज्‍यीराङ से़हया़ मिहरोगी छ्या़ला नाङदी येह, ओहले मिहरो किन्‍ज्‍यो लाहमलेॱराङ फेप नाङग्‍यो यिहम्‍बा, ओहले किन्‍ज्‍यो सालाराङ फेप नाङगेराङ येह माएँ स्‍याहल येशूला थुयी़ येहकें।

यूहन्‍ना 13:33

ए ङाहगी पेहजाया़, ता़हनी ङाह ख्‍या ङ्याम्‍बु ङ्यिहमा तोबा थु च्‍यी़राङ लिहच्‍ये येह। ख्‍याया़गी ङाहला छोल्‍ज्‍ये येह, ओहले ङाहगी यहूदी गोबाया़ला माक्‍यो ल़ेहमुराङ ख्‍याया़ॱलाङ माएँ ‘ङाह का़हला डोॱराङ येहबा, ओ़हला ख्‍याया़ ओहङ ख़ूज्‍ये म़ेह।’

यूहन्‍ना 14:12

तेहम्‍बाराङ ङाह ख्‍याया़ला माएँ, सुगी ङाहला यिह छ्य़ेगे, खोगी ङाहगी पेहक्‍यो ल़ेहमु ल़ेहया़ पेहच्‍ये येह, ओहले ओ़ह म़ेदीॱआङ छ्यिम्‍बु ल़ेहया़ पेहच्‍ये येह, च्‍यिबेमाना ङाह याहप्‍च्‍येन आबासाला डोॱराङ येह।

यूहन्‍ना 14:19

ता़ह ङ्यिहमा तोबा तिङले जाम्‍बुलीङगी ङाहला नाहमॱआङ थोङज्‍ये म़ेह, यिहॱनाङ ख्‍याया़गी ङाहला थोङज्‍ये येह। ङाह सोम्‍बो यिहन्‍गे सोङबे ख्‍याया़ॱआङ सोम्‍बो ओहङज्‍ये येह।

यूहन्‍ना 14:28

ङाहगी ख्‍याया़ला ‘ङाह डोॱराङ येह, ओहले ख्‍यासाला ओहङगे’ म़ेदी माक्‍यो ख्‍याया़गी थ़े सिहन्‍दी येहबा। ख्‍याया़गी ङाहला चेवा पेहक्‍यो यिहनानी ङाह याहप्‍च्‍येन आबासाला डोॱराङ येह माएँ थे़गेमु ख्‍या क़ेहनाङ पेहच्‍ये येहकें, च्‍यिबेमाना याहप ङाह म़ेदी चा़ छ्यिम्‍बु ज़्‍य़ू नाङदी येह।

यूहन्‍ना 16:10

टाहङदेनगी तेहन्‍दाला, च्‍यिबेमाना ङाह याहप्‍च्‍येन आबासाला डोएँ, ओहले ख्‍यागी ङाहला येहपाराङ थोङज्‍ये म़ेह।

यूहन्‍ना 16:28

ङाह याहप लाहमले दि जाम्‍बुलीङला ओहङसीन, ओहले ता़ह येहपाराङ ङाह दि जाम्‍बुलीङला क्‍युर ज़्‍या़दी याहप्‍च्‍येन आबासाला डोॱराङ येह।”

यूहन्‍ना 16:5

ता़ह ङाह, ङाहला ताङ नाङगेन्‍दी साला डोॱराङ येह, यिहॱनाङ ‘राहङ का़हला फेप नाङगेराङ येहबा लाह?’ म़ेदी ख्‍या सुज्‍यीगीॱआङ ङाहला मा़हटीह

यूहन्‍ना 17:11

ता़ह ङाह राहङसाला ओहङगेॱराङ येह। ङाह दि जाम्‍बुलीङला माहङबु ती़हजी तेहच्‍ये म़ेह, यिहॱनाङ खुङया़नी दि जाम्‍बुलीङला तेहच्‍ये येह। नाम्‍पार-ताहक्‍पा याहप, राहङगी ङाहला नाङग्‍योकी राहङगी छेनला खुङया़ला तेम्‍बु जेती ज़्‍या़ नाङदोङ, ओहले ओहराङ ल़ेहमु खुङया़ॱआङ च्‍यी़राङ डो ख़ूज्‍यु।

यूहन्‍ना 17:13

यिहॱनाङ ता़हनी ङाह राहङसाला ओहङगेॱराङ येह। खुङया़गी सेम ङाहती काहसोगी काहङ्येॱराङ काहङ ख़ूज्‍यु म़ेदी ङाह दि केच्‍याया़ जाम्‍बुलीङला येहकेमुराङ माएँराङ येह।

यूहन्‍ना 20:17

ओहले येशूगी मोहला सुङ नाङसीन, “ङाहला मा़हदे, च्‍यिबेमाना ङाह ताहन्‍दा थु याहप्‍च्‍येन आबासाला काहल्‍दी म़ेह। यिहॱनाङ ङाहती नो़हया़साला काहल्‍दी म़े तेर, ‘ङाहती याहप दाङ ख्‍यागी याहप, ओहले ङाहती किन्‍ज्‍यो दाङ ख्‍यागी किन्‍ज्‍यो साला ङाह डोॱराङ येह’।”

यूहन्‍ना 9:4

ङ्यिहमा येहकेमुराङ ङाहला ताङ नाङगेन याहपकी छ्या़लेया़ ओहराङगी पेह कोहकें। ता़ह ना़-जुबे डोज्‍ये पेहती येह ओहले ना़-जुबे काहल फान्‍ज्‍योनी सुगीॱआङ ल़ेह पेह मी़हखुएँ।