यूहन्‍ना 7:31 - ह्योल्‍मो

³¹ यिहॱनाङ ओ़ह मिह-माहङला येहकेन्‍गी मिह माहङबुगीराङ येशूला यिह छ्य़ेसीन। खुङया़गी मासीन, “मास्‍यीका फेप नाङगेमु च्‍यि दि मिहगी पेहक्‍योगी ताक्‍छेनया़ म़ेदी माहङबु ता़स्‍यी मास्‍यीकागी जे नाङवा ले?”

यूहन्‍ना 7:31 ပူးပေါင်းရင်းမြစ်များ

मत्ती 12:23

दि थोङदी मिह थाम्‍ज्‍यीराङ याहम्‍जेनज्‍यी ने़दी दि ल़ेहमु म़ेदी ताम माज्‍ये छ़ूसीन, “च्‍यि मिह-रो़हराङ दाऊदगी स़ेबु, थार्पा नाङगेन्‍गी क्‍याहल्‍बु यिहम्‍बानी?”

लूका 8:13

ओहले तोहरो खाया़ला लेप्‍क्‍योगी सेनगी तेहन्‍दादी च्‍यि यिहम्‍बा मासीमाना, लाहलागी सुङदेन ङ्यिहन्‍दी क़ेहनाङ पेहती यिह छ्य़ेगे। यिहॱनाङ खुङ चार्ङ्यी म़ेहबागी तोहङबो ल़ेहमुराङ यिहम्‍बा, खुङगी ङ्यिहमा तोबा च्‍यी़राङ किन्‍ज्‍योला यिह-छ्य़े पेहकें, ओहले च्‍यि रोहवा का़हबु ओहङसीमाना किन्‍ज्‍योलेगी तेहपा लो़हएँ।

यूहन्‍ना 11:45

मरियम साला ओहङग्‍योकी माहङबुराङ यहूदीया़गी येशूगी जे नाङग्‍योकी छ्या़लेया़ थोङदी यिह छ्य़ेसीन।

यूहन्‍ना 12:11

च्‍यिबेमाना लाजरस सोम्‍बो काहल्‍ग्‍यो सोङगोराङ यहूदीया़ नाहङगी माहङबुराङ मिहया़ खा फ़ेदी येशूला यिह छ्य़ेज्‍ये छ़ूक्‍यो येहकें।

यूहन्‍ना 12:42

माहङबुराङ यहूदी गोबाया़गी येशूला यिह छ्य़ेसीन। यिहॱनाङ फरिसीया़गी ज्‍यी़सुगी पेहती खुङगी दि केच्‍या सुॱलाङ मा़हमे च्‍यिबेमाना लेहमेनगी दि ताम क्‍यी़ह ज़्‍योरक्‍यो यिहनानी खुङया़ला यहूदी छो़खाङले फिला तेन चाहङज्‍ये येहकें।

यूहन्‍ना 2:11

मिहरोगी याहम्‍जेन छ्येवागी ताक्‍छेनया़ नाहङला दि तोहङस्‍यो ताक्‍छेन यिहम्‍बा। दि येशूगी गालील साने़की काना माएँ क्‍याहसाला जे नाङसीन। दि ल़ेहमु जेती मिहरोगी राहङगी ज़िज्‍यिद तेन नाङसीन, ओहले मिहरोकी स्‍याहप्‍च्‍यीया़गी मिहरो थो़ला यिह छ्य़ेसीन।

यूहन्‍ना 3:2

ओहले कुहङमु च्‍यी़ खो येशूसाला ओहङदी मासीन, “लोबेन ला़ह, ङ्यिहला क्‍यी़ह येह राहङ किन्‍ज्‍यो लाहमले ङ्यिहला लोप्‍च्‍येला फेप नाङग्‍यो यिहम्‍बा, च्‍यिबेमाना किन्‍ज्‍यो राहङ ङ्याम्‍बु ज़्‍य़ू माहनाङबा यिहनानी राहङगी जे नाङग्‍यो ल़ेहमु दि याहम्‍जेम्‍बागी ताक्‍छेनया़ सुज्‍यीगीॱआङ पेह मी़हखुएँ।”

यूहन्‍ना 4:29

स्‍यो, मेहन्‍दा च्‍यी़ला त़ेदोङ!, ङाहगी पेहक्‍यो ल़ेह थाम्‍ज्‍यीराङ मिहरोगी स्‍य़े नाङसीन। नाह मिह-रो़हराङ मास्‍यीकानी मिहन?”

यूहन्‍ना 4:39

“ङाहगी च्‍यि पेहपा मिहरोगी ङाहला थाम्‍ज्‍यीराङ स्‍य़े नाङसीन” माएँ ताम ओ़ह पी़हमीगी पाङबु तेरक्‍यो सोङबे ओ़ह ग्‍या़गी माहङबुराङ सामरियागी येशूला सेमले खाल्‍सीन।

यूहन्‍ना 6:2

ओहले मिहया़ बुङजी क्‍याहप्‍ती येशूगी तिङ ङ्यादी ओहङसीन च्‍यिबेमाना येशूगी नेहपाया़ला याहम्‍जेन छ्येवा जेती टा़ह च्‍य़ू नाङगेन खुङया़गी थोङदी येहकें।

यूहन्‍ना 7:26

त़ेदोङ, दि मिहनी ख्‍याक-क्‍या़दी गा ताम म़े तेहकु दु, यिहॱनाङ सुज्‍यीगीॱआङ खोला च्‍यिॱआङ मेहमाएँ दु! च्‍यि दि खोराङ मास्‍यीका यिहम्‍बा म़ेदी ओहराङ गोबाया़गी तेहम्‍बा-तेहन्‍सुमॱराङ यिह-छ्य़ेबानी च्‍यि यिहम्‍बा?

यूहन्‍ना 9:16

लाहला फरिसीया़गी मासीन, “ओ़ह मिह किन्‍ज्‍यो लाहमले ओहङग्‍यो मिहन, च्‍यिबेमाना खोगी थाङ सोएँ ङ्यिहमागी ठिम मी़हचीएँ दु।” यिहॱनाङ लेहमेनया़गी मासीन, “तिहक्‍च्‍येम्‍बा मिहगी काह-ठि पेहती दि ल़ेहमु याहम्‍जेन छ्येवागी ल़ेहया़ पेह ख़ूएँ ले?” दि ल़ेहमु पेहती खुङ नाहङदोङराङ ठ़ूस्‍यी काहल्‍सीन।

ल़ेह-पेन 8:13

ओहले सिमोनगीॱआङ यिह-छ्य़े पेहसीन ओहले खोगीॱआङ बप्‍तिस्‍मा लेहन्‍सीन। ओहले ओ़ह यिहन्‍ज्‍यु खो फिलिप ङ्याम्‍बु-ङ्याम्‍बु डोज्‍ये छ़ूसीन। फिलिपकी पेहकेन्‍गी याहम्‍जेम्‍बा ल़ेहया़ दाङ ताक्‍छेनया़ थोङदी खो ज्‍यिबुराङ ह्‍अ ल़ेहउ येहकें।

याकूब 2:26

ओहराङगी ज़ुबु, नाम्‍स्‍यीले खा फ़ेगेमु स्‍यिक्‍यो ओहङगे ओ़हठीॱराङ पेहती तेहपाॱआङ ल़ेह यिहन्‍ज्‍यु खा फ़ेगेमु स्‍यिक्‍यो ओहङगे।