यूहन्‍ना 7:3 - ह्योल्‍मो

³ ओ़ह सोङबे येशूगी नो़हया़गी येशूला मासीन, “दि ग्‍या़ क्‍युर ज़्‍या़दी यहूदीयाला फेप नाङदोङ, ओहले राहङगी जेती ज़्‍य़ू नाङग्‍योकी छ्या़लेया़ राहङगी स्‍याहप्‍च्‍यीया़गीॱआङ थोङज्‍यु।

यूहन्‍ना 7:3 ပူးပေါင်းရင်းမြစ်များ

मत्ती 12:46

येशूगी मिह मिह-माहङला दि स्‍याहल सुङगे सुङगेमुराङ येशूगी आमा दाङ नो़हया़ लेप्‍सीन। खुङया़ येशू ङ्याम्‍बु ताम मा कोहच्‍ये येह म़ेदी फिलाॱराङ कू़हदे तेहसीन।

मर्कूस 3:21

दि केच्‍या थे़दी येशूगी खाङबा मे़हमेया़गी येशूला लेहन्‍ज्‍येला काहल्‍सीन च्‍यिबेमाना येशू ङ्योक्‍यो यिहम्‍बा म़ेदी खुङया़ला ने़उ येहकें।

मर्कूस 3:31

ओ़ह ती़हजीलाराङ येशूगी आमा दाङ नो़हया़ लेप्‍सीन। खुङया़गी फिलाॱराङ कू़हदे येशूला क़े क्‍याहप्‍च्‍येला ताङ चाहङसीन।

लूका 8:19

ङ्यिहमा च्‍यी़ येशूगी आमा दाङ नो़हया़ येशूला थ़ू ओहङसीन। थु ओहङगेमु मिह मिह-माहङया़गी पेहती थु मा़हखु।

लूका 8:20

ओहले मिह च्‍यी़गी येशूला स्‍युहसीन, “राहङगी आमा दाङ नो़हया़ राहङला थू़ज्‍ये म़ेदी फिला क़ूह तेहती येह!”

यूहन्‍ना 2:2

येशू दाङ येशूगी स्‍याहप्‍च्‍यीया़ॱलाङ ओ़ह पा़हमाला पाहङज्‍येन क्‍याहप्‍ती येहकें।

यूहन्‍ना 6:60

दि केच्‍या थे़दी येशूगी स्‍याहप्‍च्‍यीया़ नाहङला माहङबुगीराङ मासीन, “दि सुङनी ज्‍यिबुराङ का़हबु दु, दि सुगी ङ्यिहन ख़ूज्‍ये ले?”

यूहन्‍ना 6:66

ओ़ह ती़हजी यिहन्‍ज्‍यु येशूगी स्‍याहप्‍च्‍यीया़ नाहङगी माहङबुराङ स्‍याहप्‍च्‍यीया़ क्‍याहप लो़हसीन ओहले येशूला तिङ ङ्या़ज्‍ये क्‍युर्सीन।

यूहन्‍ना 7:10

यिहॱनाङ येशूगी नो़हया़ छ्येपाला काहल फान्‍ज्‍यो सुगीॱआङ माहछोर्पा जेती मिहरोॱआङ फेप नाङसीन।

यूहन्‍ना 7:4

मिहन छ्यिम्‍बु थोप्‍च्‍ये सेम्‍बा पेहकें मिहगी नाहमॱआङ राहङगी पेहक्‍योकी ल़ेहया़ पे़हदी मे़हज्‍याएँ। ओ़ह सोङबे राहङगीॱआङ याहम्‍जेन छ्येवागी छ्या़लेया़ जे नाङगेराङ येह ओहले दि ल़ेहमु छ्या़लेया़ राहङगी मिह थाम्‍ज्‍यीला तेन नाङदोङ।”

यूहन्‍ना 7:5

च्‍यिबेमाना येशूला राहङगी नो़हया़गीॱआङ यिह मे़हछ्ये येहकें।

ल़ेह-पेन 2:14

ओहले पत्रुस ल़ेह-पेन च्‍यू़ज्‍यी ङ्याम्‍बु लाहङदी मिह थाम्‍ज्‍यीगी थे़गेन पेहती मासीन, “ए यहूदीयागी रो़हया़ दाङ यरूशलेमला ज़्‍य़ू नाङगेन्‍गी आदा-नो़हया़, देला च्‍यि काहल्‍ग्‍यो माएँ ताम ङाह ख्‍याला ङोह स्‍य़े च्‍य़ूएँ। ता़ह ङाहगी माज्‍ये पेहक्‍योगी ताम या़हबु पेहती सेन नाङदोङ।