यूहन्‍ना 7:29 - ह्योल्‍मो

²⁹ यिहॱनाङ ङाहगी मिहरोला ङोह स्‍य़ेएँ, च्‍यिबेमाना ङाह मिहरो लाहमले ओहङग्‍यो यिहम्‍बा, ओहले मिहरोगीॱराङ ङाहला ताङ नाङग्‍यो यिहम्‍बा।”

यूहन्‍ना 7:29 ပူးပေါင်းရင်းမြစ်များ

मत्ती 11:27

ङाहगी किन्‍ज्‍यो याहपगी ङाहला थाम्‍ज्‍यीराङ से़हया़ चि क्‍याहप नाङदी येह। किन्‍ज्‍यो याहपगी मिहम्‍बा लेहमेन सुगीॱआङ स़ेबुला ङोह मे़हस्‍येएँ ओहले स़ेबुगी मिहम्‍बा लेहमेन सुगीॱआङ किन्‍ज्‍यो याहपला ङोह मे़हस्‍येएँ। यिहॱनाङ स़ेबुगी ङोहस्‍यी ताङ तेर नाङग्‍योया़गीदी किन्‍ज्‍यो याहपला ङोह स्‍य़ेएँ।

यूहन्‍ना 1:18

किन्‍ज्‍योला सुगीॱआङ नाहमॱआङ थोङदी म़ेह, यिहॱनाङ किन्‍ज्‍यो याहप ङ्याम्‍बु ज़्‍य़ू नाङगेन च्‍यिमे च्‍यी़राङ स़ेबु किन्‍ज्‍योगी मिहरोला तेन नाङदी येह।

यूहन्‍ना 13:3

याहपगी थाम्‍ज्‍यीराङ से़हया़ मिहरोगी छ्या़ला नाङदी येह, ओहले मिहरो किन्‍ज्‍यो लाहमलेॱराङ फेप नाङग्‍यो यिहम्‍बा, ओहले किन्‍ज्‍यो सालाराङ फेप नाङगेराङ येह माएँ स्‍याहल येशूला थुयी़ येहकें।

यूहन्‍ना 17:18

राहङगी ङाहला जाम्‍बुलीङला ताङ नाङग्‍यो ल़ेहमु ङाहगीॱआङ खुङया़ला जाम्‍बुलीङला ताङदी येह।

यूहन्‍ना 6:46

किन्‍ज्‍योला सु मिह च्‍यी़गीॱआङ थोङदी म़ेह, किन्‍ज्‍यो याहप लाहमले फेप नाङगेन्‍दीगी च्‍यी़राङ मिहरोला थोङदी येहबा।

यूहन्‍ना 8:55

ख्‍याया़गी याहपला ङोह स्‍य़ेदी म़ेह, यिहॱनाङ ङाहगी याहपला ङोह स्‍य़ेएँ। का़हलेॱआङ ङाहगी याहपला ङोह मे़हस्‍येएँ म़ेदी माक्‍यो येहनानी ङाहॱआङ ख्‍या ल़ेहमुराङ स्‍योप्‍केर थेन्‍ज्‍ये येहकें। यिहॱनाङ ङाह याहपला ङोह स्‍य़ेएँ ओहले याहपगी सुङ नाङग्‍यो स्‍याहलया़ ङ्यिहन्‍गे।

१ यूहन्‍ना 1:2

ओ़ह मिहली ताहन्‍दा फेप नाङसीन, ओहले ङ्यिहगी थोङसीन, ङ्यिह दिगी पाङबु येहॱराङ येह। ताहन्‍दा ङ्यिह ख्‍याया़ला ओ़ह था़ म़ेहबा मिहलीगी तेहन्‍दाला स्‍येको येहबा। याहप ङ्याम्‍बु च्‍यी़राङ था़ म़ेहबा मिहली येहकें, ओहले ओ़ह मिहली ओहराङ साला फेप नाङसीन।

१ यूहन्‍ना 4:14

किन्‍ज्‍यो याहपगी राहङगी स़ेबुला जाम्‍बुलीङला थार्पा नाङज्‍येला ताङ नाङग्‍यो ङ्यिहगी थोङसीन ओहले ताहन्‍दा ङ्यिह दिगी पाङबु तेर्के।

१ यूहन्‍ना 4:9

किन्‍ज्‍योगी ओहराङला दि ल़ेहमु जेती चेवा जे नाङसीन– मिहरोगी राहङगी स़ेबु लाहमले ओहराङगी था़ म़ेहबाकी मिहली ज्‍योर ख़ूज्‍यु सुङदी मिहरोगी राहङगी च्‍यी़मे च्‍यी़राङ स़ेबुला दि जाम्‍बुलीङला ताङ नाङसीन।