यूहन्‍ना 7:26 - ह्योल्‍मो

²⁶ त़ेदोङ, दि मिहनी ख्‍याक-क्‍या़दी गा ताम म़े तेहकु दु, यिहॱनाङ सुज्‍यीगीॱआङ खोला च्‍यिॱआङ मेहमाएँ दु! च्‍यि दि खोराङ मास्‍यीका यिहम्‍बा म़ेदी ओहराङ गोबाया़गी तेहम्‍बा-तेहन्‍सुमॱराङ यिह-छ्य़ेबानी च्‍यि यिहम्‍बा?

यूहन्‍ना 7:26 ပူးပေါင်းရင်းမြစ်များ

मत्ती 22:16

ओहले खुङया़गी राहङगी स्‍याहप्‍च्‍यीया़ला क्‍याहल्‍बु हेरोदगी मिहया़ ङ्याम्‍बुराङ येशूसाला ताङसीन। ओहले खुङया़गी काहल्‍दी येशूला स्‍युहसीन, “लोबेन ला़ह, राहङगी तेहन्‍दामगी स्‍याहल च्‍यी़राङ सुङ नाङगे म़ेदी ङ्यिहला क्‍यी़ह येह। ओहले मिहया़ला लोप नाङगेमु राहङगी तेहम्‍बा-तेहन्‍सुम जेती किन्‍ज्‍योगी लाहम तेन नाङगे। मिहया़गी च्‍यि मारो म़ेदी राहङगी नाङदा जे मेहनाङगे। च्‍यिबेमाना राहङगी सुॱलाङ ङ्येम्‍बा-ङ्य़ेहरी जे मेहनाङगे!

लूका 23:13

ओहले पिलातसगी पूजाहारी छ्यिम्‍बुया़, पोम्‍बोया़ दाङ लुहङबागी मिहया़ला क़े क्‍याहप्‍ती मासीन,

लूका 7:30

यिहॱनाङ फरिसी दाङ छ्य़े-ठिमकी लोबेनया़गी किन्‍ज्‍योगी तेन नाङग्‍योगी लाहमला फेन मे़हथोएँ ने़दी यूहन्‍ना लाहमले बप्‍तिस्‍मा माहलेहन।

यूहन्‍ना 12:42

माहङबुराङ यहूदी गोबाया़गी येशूला यिह छ्य़ेसीन। यिहॱनाङ फरिसीया़गी ज्‍यी़सुगी पेहती खुङगी दि केच्‍या सुॱलाङ मा़हमे च्‍यिबेमाना लेहमेनगी दि ताम क्‍यी़ह ज़्‍योरक्‍यो यिहनानी खुङया़ला यहूदी छो़खाङले फिला तेन चाहङज्‍ये येहकें।

यूहन्‍ना 18:20

ओहले येशूगी खोला ल़ेहन क्‍याहप नाङसीन, “ङाहगी लुहङबा थाम्‍ज्‍यीगी दिनला मा सिहन्‍दी येह। थाम्‍ज्‍यी यहूदीया़ जोम्‍गेन्‍गी ग्‍या़ छो़खाङ दाङ छ्योखाङया़ला ङाहगी नाहम पेहॱनाङ सुङदेन तेर्ती येह। ङाहगी यिहप्‍ती-यिहप्‍ती सुङदेन तेर्ती म़ेह।

यूहन्‍ना 3:1

फरिसीया़ नाहङला निकोदेमस मिहन थो़क्‍यो मेहन्‍दा च्‍यी़ येहकें। खो यहूदी छो़बा छ्यिम्‍बु माएँ छो़बागी मिह च्‍यी़ यिहन्‍गे।

यूहन्‍ना 4:29

स्‍यो, मेहन्‍दा च्‍यी़ला त़ेदोङ!, ङाहगी पेहक्‍यो ल़ेह थाम्‍ज्‍यीराङ मिहरोगी स्‍य़े नाङसीन। नाह मिह-रो़हराङ मास्‍यीकानी मिहन?”

यूहन्‍ना 7:25

यरूशलेमगी लाहला मिहया़गी मासीन, “खुङया़गी सेच्‍ये छोल्‍ग्‍योकी मिहनी दिराङ मिहन ले?

यूहन्‍ना 7:31

यिहॱनाङ ओ़ह मिह-माहङला येहकेन्‍गी मिह माहङबुगीराङ येशूला यिह छ्य़ेसीन। खुङया़गी मासीन, “मास्‍यीका फेप नाङगेमु च्‍यि दि मिहगी पेहक्‍योगी ताक्‍छेनया़ म़ेदी माहङबु ता़स्‍यी मास्‍यीकागी जे नाङवा ले?”

यूहन्‍ना 7:48

च्‍यि ओहराङगी गोबाया़ दाङ फरिसीया़ नाहङले सुज्‍यीगीॱआङ ओ़ह मिहला यिह छ्य़ेक्‍यो येहबा ले?

यूहन्‍ना 9:22

यहूदीया़की ज्‍यी़सुगी पेहती खोती आबा-आमागी दि ल़ेहमु माक्‍यो येहकें। च्‍यिबेमाना सुगी येशूला थार्पा नाङगेन्‍गी क्‍याहल्‍बु मास्‍यीका म़ेदी लोक पेहकें, खोला छो़खाङले फिला तेन तेर कोहएँ म़ेदी यहूदीया़की तोहङलेराङ टे़ह क्‍याहप सिहन्‍दी येहकें।

ल़ेह-पेन 4:13

पत्रुस दाङ यूहन्‍ना माहङबु मा़हटाहबा मिह यिहन्‍गे यिहॱनाङ खुङ ङ्यी़गी मा़हन्‍ज्‍यीबा पेहती ताम मासीन। दि थोङदी मिह थाम्‍ज्‍यी ह्‍अ ल़ेहसीन। ओहले खुङया़गी पत्रुस दाङ यूहन्‍ना येशू ङ्याम्‍बुराङ तेहक्‍यो दु म़ेदी क्‍यी़ह ज्‍योर्सीन।

फिलिप्‍पी 1:14

ङाह चोन-खाङला छ्यिक्‍यो सोङबे माहङ-छ्येवा नो़हया़ चो़वोला सान्‍दी काहल्‍दी येह, ओहले खुङ ज्‍यिक्‍पा म़ेहबा पेहती या़हबु लेहङगु स्‍येच्‍येला स्‍युक क्‍ये़दी येह।