यूहन्‍ना 7:18 - ह्योल्‍मो

¹⁸ का़हन्‍दीगी राहङ ङो़ले ताम माएँ, ओ़हदीगी राहङदीराङ चा़ छ्यिम्‍बु छोल्‍गे, माॱनाङ का़हन्‍दीगी राहङला ताङ नाङग्‍योदीला चा़ पेहच्‍ये छोल्‍गे, ओ़हदी तेहम्‍बा यिहन, ओहले खोला च्‍यिॱआङ क्‍येन म़ेह।

यूहन्‍ना 7:18 ပူးပေါင်းရင်းမြစ်များ

मत्ती 6:9

यिहॱनाङ ख्‍याया़गीदी दि ल़ेहमु म़ेदी सोल्‍वाङ ताप्‍तोङ–” “ओ़ स्‍यिहङगामला ज़्‍य़ू नाङगेन ङ्यिहगी याहप्‍च्‍येन आबा, राहङगी छेन नाम्‍पार-ताहक्‍पा ओहङज्‍यु।

यूहन्‍ना 11:4

दि लेहङगु सेन्‍दी येशूगी सुङ नाङसीन, “लाजरस ने़हदी येहॱनाङ ओ़ह नाहजागी खोला स्‍यिवाला मे़हक्‍याल्‍गे, यिहॱनाङ दि किन्‍ज्‍योगी ज़िज्‍यिदगी तेहन्‍दाला यिहम्‍बा दि लाहमलेॱराङ किन्‍ज्‍योगी स़ेबुला ज़िज्‍यिद ओहङज्‍यु।”

यूहन्‍ना 12:28

ओ़ याहप, राहङगी छेनला ज़िज्‍यिद-च्‍येन छ्यिम्‍बु ज़ो नाङदोङ।” ओहजेला स्‍यिहङगामले दि ल़ेहमु सुङ-क़े थ़ेसीन “ङाहगी ज़िज्‍यिद लेहन्‍दी येह ओहले येहपाराङॱआङ लेहन्‍ज्‍ये येह।”

यूहन्‍ना 12:43

खुङया़गी किन्‍ज्‍यो लाहमले म़ेदीॱआङ मिहया़गी क्‍या़क्‍योदी या़हबु ने़उ येहकें।

यूहन्‍ना 5:41

“ङाहला मिहया़गी ची़नाङ पेहच्‍यु माएँ ङाहती सेम्‍बा म़ेह।

यूहन्‍ना 8:54

ओहले येशूगी सुङ नाङसीन, “का़हलेॱआङ ङाहगी राहङगी राहङलाराङ क्‍या़ज्‍ये छोल्‍सीन माना ओ़ह स्‍यिती काम्‍बु डोएँ। ङाहला क्‍या़ नाङगेन्‍दीनी याहपॱराङ यिहन। ओहले ओ़ह याहपलाराङ ख्‍यागी ‘ङ्यिहती किन्‍ज्‍यो’ म़ेदी माएँ।

१ थेसलोनिकी 2:6

मास्‍यीकाकी ल़ेह-पेन यिहन्‍गे सोङबे ङ्यिहगी ख्‍या फ़ेबे-म़ेहमेॱया थो़ला ओङ छ्य़े ख़ूज्‍ये येहकें। यिहॱनाङ ङ्यिहला मिहया़गी ची़नाङ पेहच्‍यु म़ेदी ङ्यिहगी माहछोल, ख्‍या लाहमलेॱआङ छोल्‍दी म़ेह ओहले लेहमेन मिह लाहमलेॱआङ छोल्‍दी म़ेह।

१ पत्रुस 4:11

लुहङ तेर्केन्‍की काबाप ज़्‍योरक्‍यो मिहगी किन्‍ज्‍यो लाहमलेॱराङ लुहङ तेर्च्‍यु। स्‍याहप्‍तो स्‍युहएँ मिहगी किन्‍ज्‍योगी ओङ लाहमले स्‍याहप्‍तो स्‍युहज्‍यु। ओ़ह ल़ेहमु पेहती ल़ेह थाम्‍ज्‍यीला येशू मास्‍यीका लाहमले किन्‍ज्‍योलाॱराङ ज़िज्‍यिद ओहङज्‍यु। मिह-रो़हलाॱराङ ज़िज्‍यिद दाङ ओङ नाहम्‍स्‍यी किन्‍दु ओहङज्‍यु! आमेन।

१ यूहन्‍ना 2:29

मास्‍यीका टाहङबु येह म़ेदी ख्‍याया़ला क्‍यी़हराङ येह। ओ़ह सोङबे किन्‍ज्‍योगी दिनला ठाबे सी़हएँगी ल़ेह पेहकें मिहया़ च्‍यी़राङ मिहरोगी छार्क्‍यीनया़ ओहङज्‍ये येह माएँ तामॱआङ ख्‍याया़ला क्‍यी़हराङ येह।