यूहन्‍ना 6:68 - ह्योल्‍मो

⁶⁸ ओहजेला सिमोन-पत्रुसकी मासीन, “ओ़ चो़वो ला़ह, ङ्यिह सु साला डोज्‍ये? था़ म़ेहबागी मिहली ज़ाङबु नाङगेन्‍गी सुङनी राहङ ङ्याम्‍बुराङ येहबा।

यूहन्‍ना 6:68 ပူးပေါင်းရင်းမြစ်များ

मत्ती 16:16

सिमोन-पत्रुसगी ल़ेहन क्‍याहप्‍सीन, “राहङ सोम्‍बो किन्‍ज्‍योगी स़ेबु थार्पा नाङगेन्‍गी मास्‍यीका क्‍याहल्‍बु यिहम्‍बा।”

मर्कूस 8:29

येशूगी टी़ह नाङसीन, “ओहले ख्‍यागीदी ङाहला सु यिहम्‍बा म़ेदी माएँ ले?” पत्रुसगी, “राहङ थार्पा नाङगेन्‍गी मास्‍यीका यिहम्‍बा” म़ेदी ल़ेहन क्‍याहप्‍सीन।

लूका 9:20

ओहले येहपाराङ येशूगी टी़ह नाङसीन, “ओहले ख्‍याया़गीदी ङाहला सु यिहम्‍बा माएँ ले?” “लोबेन ला़ह, राहङ किन्‍ज्‍योगी ताङ नाङग्‍योकी थार्पा थोप च्‍य़ू नाङगेन मास्‍यीका यिहम्‍बा!” म़ेदी पत्रुसगी स्‍युहसीन।

यूहन्‍ना 12:49

च्‍यिबेमाना ङाहगी राहङ लाहमलेनी च्‍यिॱआङ ताम मा़हमे, यिहॱनाङ ङाहगी च्‍यि मा कोहकें यिहम्‍बा, ओहले काह-ठि पेहती मा कोहएँ यिहम्‍बा, ओ़ह ङाहला ताङ नाङगेन याहप राहङगीराङ ङाहला का नाङग्‍यो यिहम्‍बा।

यूहन्‍ना 12:50

किन्‍ज्‍योगी कागी था़ म़ेहबा मिहली ज़ाङबु नाङगेन म़ेदी ङाहला क्‍यी़ह येह। ओ़ह सोङबे ङाहगी च्‍यि ताम माॱनाङ ओ़ह याहपगी सुङ नाङग्‍योकी स्‍याहल च्‍यी़राङ माएँ।”

यूहन्‍ना 17:8

च्‍यिबेमाना राहङगी ङाहला नाङग्‍योकी सुङदेन ङाहगी खुङया़ला तेर्ती येह, ओहले खुङया़गी ओ़ह सुङदेन ची़दे येह। ङाह तेहम्‍बाराङ याहप-साले ओहङग्‍यो यिहन म़ेदी खुङया़गी या़हबु पेहती ङोह स्‍ये़दे येह। ओहले याहपगीॱराङ ङाहला ताङ नाङग्‍यो यिहन म़ेदी खुङया़गी यिह छ्य़ेदी येह।

यूहन्‍ना 5:24

“तेहम्‍बाराङ, ङाह ख्‍याया़ला माएँ, सुगी ङाहती ताम ङ्यिहन्‍गे ओहले ङाहला ताङ नाङगेन्‍दीला यिह-छ्य़े पेहकें, खो ङ्याम्‍बु नाहमॱआङ मिहस्‍यीएँगी मिहली ज़ाङबु ओहङगे। खोला ठिम ताङज्‍ये म़ेह, यिहॱनाङ खो स्‍यिवालेगी मिहलीला स्‍य़ूह सिहन्‍दी येह।

यूहन्‍ना 6:40

च्‍यिबेमाना ङाहती याहपकी थु-सेम दिराङ यिहन: स़ेबुला ताएँ दाङ खोला यिह छ्य़ेगे थाम्‍ज्‍यीगी था़ म़ेहबा मिहली ज़ाङबु ज्‍योर ख़ूज्‍यु, ओहले ङाहगी खोला तिङस्‍यो ती़हजीला सोम्‍बो ज़ोज्‍ये येह।”

यूहन्‍ना 6:63

मिहली नाङगेन्‍दीनी थुराङ यिहन, ज़ुबु लाहमलेनी च्‍यिॱआङ खेप्‍साङ मेहयोहङगे। ङाहगी ख्‍याया़ला माक्‍योगी ताम थु दाङ मिहली यिहन।

ल़ेह-पेन 13:26

अब्राहामगी क्‍यिहकी छार्क्‍यीन, इस्राएली आदा-नो़हया़ दाङ किन्‍ज्‍योला ज्‍यिक्‍पा पेहकेन लेहमेन क्‍यिहपागी ङ्येन्‍जेन-ङ्येहवाया़ दि थार्पागी लेहङगु ओहराङ थाम्‍ज्‍यीगी तेहन्‍दाला किन्‍ज्‍योगी ताङ नाङग्‍यो यिहम्‍बा।

ल़ेह-पेन 4:12

चो़वो येशू च्‍यी़गी मिहम्‍बा लेहमेन सुगीॱआङ थार्पा थोप च्‍य़ू मी़हखुएँ। किन्‍ज्‍योगी येशूगी छेन मिहम्‍बानी जाम्‍बुलीङला लेहमेन च्‍यिॱआङ मिहन नाङदी म़ेह।”

ल़ेह-पेन 5:20

“सोङ, छ्योखाङला लाहङदी दि मिहली साम्‍बागी तेहन्‍दाला मिह थाम्‍ज्‍यीलाराङ स्‍येतोङ।”

ल़ेह-पेन 7:38

ओहले इस्राएलीया़ सीनै लाहगी चो़ला येहकेन्‍गी रिह-काम्‍बुला छो़दी तेहक्‍यो ती़हजीला मोशा खुङ ङ्याम्‍बुराङ येहकें। स्‍यिहङगामकी स्‍याहप्‍च्‍यीगी सीनै लाहला मोशा ङ्याम्‍बु स्‍याहल सुङ नाङगो येहकें ओहले स्‍यिहङगामकी स्‍याहप्‍च्‍यीगी सुङग्‍योगी स्‍याहल खोगी इस्राएलीया़ला स्‍येको येहकें।

ल़ेह-पेन 8:37

[ ओहले फिलिपगी मासीन, “सेम तिहङ यिहन्‍ज्‍युराङ यिह-छ्य़े जे नाङसीन माना राहङगी बप्‍तिस्‍मा ल़ेहन ख़ूएँ।” ओहजेला खोगी, “यिहम्‍बा, येशू मास्‍यीकाॱराङ किन्‍ज्‍योगी स़ेबु यिहन म़ेदी ङाह यिह-छ्य़े पेहके” म़ेदी ओ़ह मिहगी ल़ेहन क्‍याहप्‍सीन।]