यूहन्‍ना 6:65 - ह्योल्‍मो

⁶⁵ ओहले येशूगी सुङ नाङसीन, “ओ़ह सोङबे ङाहगी ख्‍याया़ला माक्‍यो यिहम्‍बा, ङाहगी याहपगी ङाहसाला ओहङज्‍ये सेम माहनाङ थु सुॱआङ ङाहसाला ओहङ मी़हखुएँ।”

यूहन्‍ना 6:65 ပူးပေါင်းရင်းမြစ်များ

मत्ती 13:11

येशूगी खुङया़ला सुङ नाङसीन, “त़ेदोङ, किन्‍ज्‍योगी क्‍याहल्‍सीला नाहङ-तामया़ ख्‍याया़ला ह्‍अ कोह च्‍य़ूक्‍यो येह, यिहॱनाङ खुङया़लादी ह्‍अ कोह च्‍य़ूदी म़ेह।

यूहन्‍ना 10:16

ओहले ङाहती लेहमेन ल़ूहया़ॱआङ येहबा, खुङ दि कोहरेदी मिहन। खुङया़ॱलाङ ङाहगी ख्‍योङ कोहच्‍ये येह ओहले खुङया़गी ङाहगी क़े थे़ज्‍ये येह, ओहले ल़ूह थाम्‍ज्‍यी ल़ूह बा़ल च्‍यी़राङ ओहङज्‍ये येह। ओहले ङाह खुङया़गी च्‍यिमे च्‍यी़राङ कोहरोवा ओहङज्‍ये येह।

यूहन्‍ना 3:27

ओहले यूहन्‍नागी ल़ेहन क्‍याहप्‍ती मासीन, “स्‍यिहङगामले माहनाङ थु मिहगी च्‍यिॱआङ ज्‍योर मी़हखुएँ।

यूहन्‍ना 6:37

याहपगी नाङगे थाम्‍ज्‍यी ङाहसाला ओहङज्‍ये येह, ओहले ङाहसाला ओहङगेनया़ला ङाहगी नाहमॱआङ लो़ ताङज्‍ये म़ेह।

फिलिप्‍पी 1:29

च्‍यिबेमाना मास्‍यीकाला ख्‍याया़ला दि तामॱआङ नाङदी येह, ख्‍यागी मास्‍यीकाला यिह छ्य़ेगे च्‍यी़राङ मिहम्‍बा, यिहॱनाङ मिहरोगी तेहन्‍दाला तुहक्‍पुॱआङ खुर कोहएँ।

१ तिमोथी 1:14

किन्‍ज्‍योगी ङाहला ओहराङ चो़वोकी काटीन माहङबुराङ नाङग्‍यो सोङबे मास्‍यीका येशू लाहमले ङाहला तेहपा दाङ चेवा जे नाङसीन।

२ तिमोथी 2:25

ओहले टाह पेहकेनया़ला खोगी स्‍यिहवा पेहती या़हबु लाहमला ॱठि ख़ूएँदी ओहङ कोहकें। ओ़हठी यिहन्‍सीमाना च्‍यी़राङ किन्‍ज्‍योगी खुङया़ला स्‍या़बा पेहकेन दाङ तेहन्‍दामकी स्‍याहल ङोह स्‍य़े ख़ूएँगी सेम नाङज्‍ये येह,

हिब्रू 12:2

ओहराङ यिह-छ्य़ेला छ़ू नाङगे दाङ छाङबु जे नाङगेन्‍गी येशूला ओहराङगी त़ेदी तेहतोङ। राहङ आब्रु डोएँगी तामला येशूगी च्‍यिॱआङ नाङदा जे माहनाङ यिहॱनाङ मिहरोगी तिहङला ओहङगेन्‍गी सेम काहसोगी तेहन्‍दाला क्‍याहङस्‍यीङगी तुहक्‍पु खुर नाङसीन, ओहले मिहरो किन्‍ज्‍योगी ज़्‍य़ू-ठिकी योबा ङो़ले ज़्‍य़ू नाङसीन।