यूहन्‍ना 6:53 - ह्योल्‍मो

⁵³ येशूगी खुङया़ला सुङ नाङसीन, “तेहम्‍बाराङ, ङाह ख्‍याया़ला माएँ, ख्‍यागी मिहगी स़ेबुदी ज़ुबु मेहसाहसीमाना ओहले खोगी ठा़ मिहथुङसीन माना, ख्‍याया़ ङ्याम्‍बु मिहली मेहयोहङगे।

यूहन्‍ना 6:53 ပူးပေါင်းရင်းမြစ်များ

मत्ती 18:3

सुङ नाङसीन, “तेहम्‍बाराङ ङाह ख्‍याया़ला माएँ, राहङगी सेम ग्‍युर्ती दि पेहजा ल़ेहमु मेहयोङसीमाना ख्‍याया़ च्‍यि पेहतीॱआङ स्‍यिहङगामकी क्‍याहल्‍सीला स्‍य़ूह ङ्युहङज्‍ये म़ेह।

मत्ती 5:18

तेहम्‍बाराङ ङाह ख्‍याया़ला माएँ, नाम दाङ जाम्‍बुलीङ तोङदी माहकाहल थु किन्‍ज्‍योगी नाङग्‍यो छ्य़े-ठिम नाहङगी फेमा म़ेदी फेमा स्‍याहलया़ॱआङ तेहन्‍दा डुप्‍च्‍ये येहबा।

मत्ती 8:20

येशूगी खोला ल़ेहन क्‍याहप नाङसीन, “ते़, लिहन्‍दीया़दी यिहप्‍केन्‍गी फुक्‍पा येह, च्‍याह-च्‍यिहवाया़दी छाङ येह, यिहॱनाङ मिहगी स़ेबुदीनी गो़ ज़्‍या़सा ग्‍या़ च्‍यिॱआङ म़ेह!”

लूका 13:3

ङाहगी ख्‍याला माएँ, ओ़ह ल़ेहमु मिहम्‍बा, यिहॱनाङ ख्‍याया़गी सेमगी स्‍या़बा मेहबेसीमाना ख्‍या थाम्‍ज्‍यीराङ ओ़ह ल़ेहमुराङ पेहती तोङदी डोज्‍ये येह।

लूका 13:5

ओ़ह ल़ेहमु मिहम्‍बा, ङाहगी ख्‍याला माएँ, ख्‍याया़गी सेमगी स्‍या़बा पेहती तिहक्‍पा मेहपाङसीमानानी ख्‍याॱआङ थाम्‍ज्‍यीराङ तोङदी डोज्‍ये येह!”

यूहन्‍ना 13:8

ओहले पत्रुसगी स्‍युहसीन, “राहङगी ङाहती काङबा नाहमॱआङ ठु नाङज्‍ये म़ेह।” ओहले येशूगी खोला सुङ नाङसीन, “ङाहगी ख्‍येगी काङबा मिहठुनानी, ख्‍ये ङाहती ओहङ मी़हखुएँ।”

यूहन्‍ना 15:4

ङाह ङ्याम्‍बु तेह, ओहले ङाह ख्‍या ङ्याम्‍बु तेहच्‍ये येह। पे यिहॱना़: कुहन्‍डुम तोहङबो ङ्याम्‍बु याहल्‍गा ज्‍यार्ती तेहना मिहम्‍बा खो राहङगीराङ कुहन्‍डुम या़ह मी़हखुएँ, ओ़हठीॱराङ ख्‍या ङाह ङ्याम्‍बु मेहतेहसीमाना ख्‍याया़गीॱआङ सेदो या़ह मी़हखुएँ।

यूहन्‍ना 3:3

ओहले येशूगी खोला सुङ नाङसीन, “तेहम्‍बाराङ ङाह ख्‍येला माएँ, साम्‍बा पेहती माहक्‍ये थु सुज्‍यीगीॱआङ किन्‍ज्‍योगी क्‍याहल्‍सी थोङ मी़हखुएँ।”

यूहन्‍ना 3:36

का़हन्‍दीगी स़ेबुला यिह छ्य़ेगे, खो ङ्याम्‍बु था़ म़ेहबा मिहली ज़ाङबु ओहङगे। का़हन्‍दीगी स़ेबुला यिह मे़हछ्येगे, खोगी मिहली थोङज्‍ये म़ेह, यिहॱनाङ किन्‍ज्‍योगी थुयाल खो थो़ला बाप्‍च्‍ये येह।

यूहन्‍ना 3:5

येशूगी ल़ेहन क्‍याहप नाङसीन, “तेहम्‍बाराङ ङाह ख्‍येला माएँ, छ्यु दाङ थु लाहमले माहक्‍ये थु सुज्‍यीॱआङ किन्‍ज्‍योगी क्‍याहल्‍सीला स्‍य़ूह ख़ूज्‍ये म़ेह।

यूहन्‍ना 6:47

तेहम्‍बाराङ ङाह ख्‍याया़ला माएँ, का़हन्‍दीगी ङाहला यिह छ्य़ेगे खो ङ्याम्‍बु था़ म़ेहबा मिहली ज़ाङबु येह।

यूहन्‍ना 6:51

स्‍यिहङगामले माहर ओहङग्‍योगी सोम्‍बो खुरा ङाहराङ यिहन। का़हन्‍दीगी दि खुरा साहएँ खो नाहमॱआङ स्‍यिज्‍ये म़ेह। ङाहगी जाम्‍बुलीङकी मिहया़गी मिहली ज्‍योर्च्‍यु म़ेदी तेर्च्‍ये पेहक्‍योकी खुराती ओ़ह ङाहती ज़ुबु यिहम्‍बा।”

यूहन्‍ना 6:55

च्‍यिबेमाना ङाहगी ज़ुबु तेहम्‍बाराङ साहएँ स़ेह यिहम्‍बा ओहले ङाहती ठा़ तेहम्‍बाराङ थुङगे स़ेह यिहम्‍बा।

यूहन्‍ना 6:62

ओ़ह ल़ेहमु यिहन्‍सीमाना मिहगी स़ेबुला खो तोहङले का़हला येहकें ओ़ह ग्‍या़लाराङ लो़हदी डोएँ ख्‍याया़गी थोङसीमानानी च्‍यि पेहकें?

१ यूहन्‍ना 5:12

किन्‍ज्‍योगी स़ेबु येहकें ङ्याम्‍बु मिहली ओहङगे, किन्‍ज्‍योगी स़ेबु म़ेहबा ङ्याम्‍बु मिहली मेहयोहङगे।

ज्‍याल्‍गा 2:17

सुती नाम्‍ज्‍यो येहबा खोगी ङ्यिहन्‍ज्‍यु, किन्‍ज्‍योकी थुगी छेन्‍छोकया़ला च्‍यि सुङ नाङगेराङ येहबा! सुगी क्‍याहल्‍गे, ङाह खुङया़ला पे़हदी ज़्‍या़क्‍योगी मन्‍न तेर्च्‍ये येह। ङाह खुङला तोह कार्पु च्‍यी़ॱआङ तेर्के, ओ़ह तोह कार्पुला मिहन साम्‍बा च्‍यी़ प्री़हदी येहबा। दि तोह कार्पु ज्‍योर्केया़गी मिहम्‍बा लेहमेन सुगीॱआङ ह्‍अ मेहकोहएँ।’”

ज्‍याल्‍गा 2:7

सुती नाम्‍ज्‍यो येहबा खोगी ङ्यिहन्‍ज्‍यु, किन्‍ज्‍योकी थुगी छेन्‍छोकया़ला च्‍यि सुङ नाङगेराङ येहबा। सुगी क्‍याहल्‍गे ओ़हदीला ङाह किन्‍ज्‍योकी स्‍यिहङगामकी क्‍याहल्‍सीला येहकेन्‍की मिहली तेर्के तोहङबोकी सेदो साहज्‍येला तेर्च्‍ये येह।’”