यूहन्‍ना 6:52 - ह्योल्‍मो

⁵² दि केच्‍या थे़दे यहूदीया़ राहङ नाहङदोङराङ ठाक-ठाक ठुक-ठुक काहल्‍सीन। खुङया़गी मासीन, “दि मिहगी ओहराङला काह-ठि पेहती राहङगी ज़ुबु साहज्‍येला तेर ख़ूएँ ले?”

यूहन्‍ना 6:52 ပူးပေါင်းရင်းမြစ်များ

यूहन्‍ना 1:19

यरूशलेमकी यहूदी गोबाया़गी पूजाहारीया़ दाङ लेवीया़ला “यूहन्‍ना सु यिहम्‍बा नि?” म़ेदी टी़हज्‍येला खोसाला ताङसीन।

यूहन्‍ना 10:19

दि केच्‍यागी पेहती येहपाराङ यहूदीया़की पाहरक्‍यीला ठुक्‍पा स्‍योर्सीन।

यूहन्‍ना 3:4

निकोदेमसगी येशूला मासीन, “मिह केहपु काहल सिहन फान्‍ज्‍योॱआङ येहपाराङ काह-ठि पेहते क्‍ये ख़ूएँ ले? च्‍यि खो राहङगी आमाकी फोवा नाहङला स्‍य़ूहदी क्‍ये ख़ूएँ ले?”

यूहन्‍ना 3:9

निकोदेमसकी येशूला स्‍युहसीन, “दि काह-ठि पेहती ओहङ ख़ूएँ ले?”

यूहन्‍ना 4:11

ओ़ह पी़हमीगी येशूला स्‍युहसीन, “लाहसो लाह, राहङ ङ्याम्‍बु छ्यु काङज्‍येला निक्‍यी च्‍यिॱआङ म़ेह, ओहले दि कोल्‍मुॱआङ तिहङ रिहङबु येह, ओ़ह सोङबे राहङगी का़हलेगी ओ़ह मिहली तेर्केन्‍गी छ्यु नोम फेप नाङगे ले?

यूहन्‍ना 6:41

ओ़ह सोङबे यहूदीया़गी येशूला टा़ह पेहती राहङ नाहङदोङ ताम माज्‍ये छ़ूसीन, च्‍यिबेमाना येशूगी सुङ नाङसीन, “स्‍यिहङगामले ओहङग्‍योगी खुरा ङाहराङ यिहन।”

यूहन्‍ना 6:60

दि केच्‍या थे़दी येशूगी स्‍याहप्‍च्‍यीया़ नाहङला माहङबुगीराङ मासीन, “दि सुङनी ज्‍यिबुराङ का़हबु दु, दि सुगी ङ्यिहन ख़ूज्‍ये ले?”

यूहन्‍ना 9:16

लाहला फरिसीया़गी मासीन, “ओ़ह मिह किन्‍ज्‍यो लाहमले ओहङग्‍यो मिहन, च्‍यिबेमाना खोगी थाङ सोएँ ङ्यिहमागी ठिम मी़हचीएँ दु।” यिहॱनाङ लेहमेनया़गी मासीन, “तिहक्‍च्‍येम्‍बा मिहगी काह-ठि पेहती दि ल़ेहमु याहम्‍जेन छ्येवागी ल़ेहया़ पेह ख़ूएँ ले?” दि ल़ेहमु पेहती खुङ नाहङदोङराङ ठ़ूस्‍यी काहल्‍सीन।

ल़ेह-पेन 17:32

स्‍यिक्‍यो ङो़ले मिह सोम्‍बो लाहङगे माएँ ताम थे़दी लाहलागी पावलला क़ेहमु क्‍याहप्‍ती स्‍ये़हन्‍डील पेहसीन। यिहॱनाङ लाहलागी “दि तामगी तेहन्‍दाला येहपाराङॱआङ तिङले ङ्यिहया़गी ङ्यिहन्‍ज्‍ये सेम येहबा” म़ेदी मासीन।

१ कोरिन्‍थी 2:14

का़हन्‍दी मिह यिहक्‍तेन म़ेह, खोगी किन्‍ज्‍योकी थुगी स्‍याहलया़ ल़ेहन मी़हखुएँ। च्‍यिबेमाना ओ़ह से़हया़नी खोगी तेहन्‍दाला उल्‍दुम्‍बा यिहम्‍बा ओ़ह सोङबे खोगी ओ़ह से़हया़ ङोह स्‍य़े मी़हखुएँ, च्‍यिबेमाना ओ़ह से़हया़ यिहक्‍तेन लाहमले च्‍यी़राङ ङोह स्‍य़े ख़ूएँ यिहम्‍बा।