Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




यूहन्‍ना 6:51 - ह्योल्‍मो

51 स्‍यिहङगामले माहर ओहङग्‍योगी सोम्‍बो खुरा ङाहराङ यिहन। का़हन्‍दीगी दि खुरा साहएँ खो नाहमॱआङ स्‍यिज्‍ये म़ेह। ङाहगी जाम्‍बुलीङकी मिहया़गी मिहली ज्‍योर्च्‍यु म़ेदी तेर्च्‍ये पेहक्‍योकी खुराती ओ़ह ङाहती ज़ुबु यिहम्‍बा।”

အခန်းကိုကြည့်ပါ။ ကော်ပီ




यूहन्‍ना 6:51
30 ပူးပေါင်းရင်းမြစ်များ  

ओ़ह ल़ेहमुराङ मिहगी स़ेबुॱआङ लेहमेनलेगी स्‍याहप्‍तो ज्‍योर्च्‍येला मिहम्‍बा, यिहॱनाङ लेहमेनला स्‍याहप्‍तो स्‍य़ूहज्‍येला ओहले मिह माहङबुलाराङ थार्पा नाङज्‍ये दाङ राहङगी कुसोॱराङ नाङज्‍येला फेप नाङसीन।”


ओ़ह तिङले येशूगी खुरा ल़ेहन नाङसीन ओहले किन्‍ज्‍योला थुज्‍यी-छ्ये़ फुल्‍दी खुरा च्‍या़दी खुङया़ला नाङदी सुङ नाङसीन, “ख्‍याया़ला तेरक्‍योगी दि ङाहगी ज़ुबु यिहम्‍बा। ता़ह यिहन्‍ज्‍यु ङाहला टेहम्‍बा साल्‍ज्‍येला दि ल़ेहमु पेहती सोह।”


ओहले सुङगी मिहगी मिहली नोम्‍दी ङ्यिहगी पाहरक्‍यीला ज़्‍य़ू नाङसीन। मिहरो काटीन दाङ तेहन्‍दामकी काहङदे येहकें। ङ्यिहगी मिहरोगी ज़िज्‍यिद थोङसीन। ओहले ओ़ह ज़िज्‍यिदती याहपकी च्‍यिमे च्‍यी़राङ स़ेबुदी यिहन्‍गे।


नाहङबार च्‍युङ यूहन्‍नागी येशूला राहङ ङो़ले फेप्‍केनॱराङ जेक्‍यो थोङदी मासीन, “त़ेदोङ, जाम्‍बुलीङकी तिहक्‍पा क्‍या़दी नोम फेप नाङगे किन्‍ज्‍योकी ल़ूह स्‍ये़बु!


ओहले ङाहला यिह छ्य़ेदी थार फान्‍ज्‍यो खो येहपाराङ नाहमॱआङ स्‍यिज्‍ये म़ेह। च्‍यि ख्‍ये दि तामला यिह छ्य़ेगे?”


स्‍यिहङगामलेगी फेप नाङगे मिहगी स़ेबु च्‍यी़ मिहम्‍बानी लेहमेन सुज्‍यीॱआङ स्‍यिहङगामला काहल्‍दी म़ेह।


मोशागी रिह-काम्‍बुला पितलगी प्रुहलला क्‍या़क्‍यो ल़ेहमुराङ मिहगी स़ेबुॱलाङ क्‍या़ कोहज्‍ये येह।


च्‍यिबेमाना किन्‍ज्‍योगी जाम्‍बुलीङला दे़ज्‍ये माहङा चेवा जे नाङसीन, मिहरोगी राहङगी च्‍यिमे च्‍यी़राङ स़ेबुॱआङ नाङसीन। किन्‍ज्‍योकी स़ेबु थो़ला यिह छ्य़ेगे सुज्‍यीॱआङ तोङदी डोज्‍ये म़ेह, यिहॱनाङ खुङया़गी था़ म़ेहबाकी मिहली ज़ाङबु ज्‍योर्च्‍ये येह।


का़हन्‍दीगी स़ेबुला यिह छ्य़ेगे, खो ङ्याम्‍बु था़ म़ेहबा मिहली ज़ाङबु ओहङगे। का़हन्‍दीगी स़ेबुला यिह मे़हछ्येगे, खोगी मिहली थोङज्‍ये म़ेह, यिहॱनाङ किन्‍ज्‍योगी थुयाल खो थो़ला बाप्‍च्‍ये येह।


“तेहम्‍बाराङ, ङाह ख्‍याया़ला माएँ, सुगी ङाहती ताम ङ्यिहन्‍गे ओहले ङाहला ताङ नाङगेन्‍दीला यिह-छ्य़े पेहकें, खो ङ्याम्‍बु नाहमॱआङ मिहस्‍यीएँगी मिहली ज़ाङबु ओहङगे। खोला ठिम ताङज्‍ये म़ेह, यिहॱनाङ खो स्‍यिवालेगी मिहलीला स्‍य़ूह सिहन्‍दी येह।


च्‍यिबेमाना किन्‍ज्‍योगी नाङगे खुरानी ओ़हदीॱराङ यिहन का़हन्‍दीगी स्‍यिहङगामले माहर फेप्‍ती जाम्‍बुलीङला मिहली नाङगे।”


ओहले येशूगी खुङया़ला सुङ नाङसीन, “मिहली ज़ाङबु तेर्केन्‍गी खुरा ङाहराङ यिहन। ङाहसाला ओहङगेनया़ नाहमॱआङ तो़ज्‍ये म़ेह, ओहले ङाहला यिह-छ्य़े पेहकेनया़ नाहमॱआङ कोम्‍ज्‍ये म़ेह।


ओ़ह सोङबे यहूदीया़गी येशूला टा़ह पेहती राहङ नाहङदोङ ताम माज्‍ये छ़ूसीन, च्‍यिबेमाना येशूगी सुङ नाङसीन, “स्‍यिहङगामले ओहङग्‍योगी खुरा ङाहराङ यिहन।”


तेहम्‍बाराङ ङाह ख्‍याया़ला माएँ, का़हन्‍दीगी ङाहला यिह छ्य़ेगे खो ङ्याम्‍बु था़ म़ेहबा मिहली ज़ाङबु येह।


मिहली ज़ाङबु तेर्केन्‍गी खुरा ङाहराङ यिहन।


यिहॱनाङ का़हन्‍दीगी स्‍यिहङगामले ओहङग्‍योगी खुरा साहएँ खो नाहमॱआङ स्‍यिज्‍ये म़ेह।


सुङरापगी सुङ नाङग्‍यो ल़ेहमुराङ ‘सुगी ङाहला यिह छ्य़ेगे ओहले थुङगे, खोगी सेम तिहङ यिहन्‍ज्‍युराङ सोम्‍बो छ्यु क्‍येज्‍युया़ क्‍ये़दी तेहच्‍ये येह’।”


येशू मास्‍यीका लाहमले किन्‍ज्‍योगी मिह थाम्‍ज्‍यीला येहपाराङ थिन च्‍य़ू नाङगेराङ येह। किन्‍ज्‍योगी खुङया़गी तिहक्‍पाया़ च्‍यिॱआङ टाहङजी ज़्‍या़ माहनाङ, यिहॱनाङ खुङया़ला किन्‍ज्‍यो ङ्याम्‍बु थिन च्‍य़ूएँ ठालगी लेहङगु मिहरोगी ङ्यिहला चि क्‍याहप नाङसीन।


मास्‍यीकाला तिहक्‍पाराङ म़ेहबा येहकें, यिहॱनाङ किन्‍ज्‍योगी मास्‍यीका लाहमले ओहराङला मिहरो दिनला ठाबे सी़ह ख़ूज्‍यु म़ेदी मास्‍यीका थो़ला ओहराङगी तिहक्‍पाया़ ज़्‍या़ नाङसीन।


ख्‍याया़गी मिहली चेवाकी काहङग्‍यो ओहङ कोहएँ। काह-ठि पेहती मास्‍यीकागीॱआङ ओहराङ ङ्याम्‍बु चेवा जे नाङबा, ओहले किन्‍ज्‍योकी तेहन्‍दाला टिहमा स्‍यिहम्‍बु खाएँगी डेल्‍बा दाङ मार्च्‍ये जेती राहङगी राहङला ओहराङगी तेहन्‍दाला फुल नाङसीन।


क्‍येप-ख्‍योवाया़, मास्‍यीकागी राहङगी छेन्‍छोककी तेहन्‍दाला कुसो नाङदी चेवा जे नाङग्‍यो ल़ेहमुराङ राहङ-राहङगी पी़हमीया़ला चेवा पेहतोङ।


येशू मास्‍यीकागी ओहराङला तिहक्‍पा ना थाम्‍ज्‍यीले थार च्‍य़ू नाङज्‍येला, टाहङबु ज़ो़-नाङज्‍येला, राहङदीराङ मिहया़ ज़ो़-नाङज्‍येला, या़हबु ल़ेहया़ पेहच्‍येला स्‍युक क्‍ये च्‍य़ूज्‍येला मिहरोगी राहङकी मिहलीॱराङ च्‍यिहम्‍बा ताङ नाङसीन।


येशू टोहङ नाङदी ओहराङगी तेहन्‍दाला मिहली तेर्केन्‍गी लाहम साम्‍बा च्‍यी़ ज़ो नाङसीन ओहले मिहरोगी कुसो लाहमले चा़ छ्यिम्‍बु नाम्‍पार-ताहक्‍पा ग्‍या़ला क्‍याहप्‍क्‍योकी योल्‍बा ओहराङगी तेहन्‍दाला खा फे़ नाङसीन।


चो़वो साला स्‍यो। मिहरोनी सोम्‍बो तोह-पा़रा यिहम्‍बा। मिहया़गी मिहरोला मा-लोक पेहक्‍यो येहकें, यिहॱनाङ किन्‍ज्‍योगी ज़ी़लुलानी मिहरो दाम नाङग्‍यो दाङ ज्‍यिबुराङ चा़ छ्यिम्‍बु ज़्‍य़ू नाङदी येह।


मिहरो ओहराङगी तिहक्‍पा ता़ह च्‍य़ू नाङज्‍येलाॱराङ टोहङ नाङग्‍यो यिहम्‍बा। ओहराङ च्‍यी़गी तेहन्‍दाला मिहम्‍बा, यिहॱनाङ जाम्‍बुलीङगी मिह थाम्‍ज्‍यीगी तेहन्‍दाला यिहम्‍बा।


ओहराङगी किन्‍ज्‍योला चेवा पेहक्‍यो सोङबे मिहम्‍बा, यिहॱनाङ मिहरोगी ओहराङला चेवा जे नाङग्‍यो सोङबे, ओहराङगी तिहक्‍पागी तेहन्‍दाला कुसो नाङज्‍येला मिहरोगी राहङगी स़ेबुला ताङ नाङसीन। चेवा माक्‍योदी दिराङ यिहम्‍बा।


किन्‍ज्‍यो याहपगी राहङगी स़ेबुला जाम्‍बुलीङला थार्पा नाङज्‍येला ताङ नाङग्‍यो ङ्यिहगी थोङसीन ओहले ताहन्‍दा ङ्यिह दिगी पाङबु तेर्के।


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ