यूहन्‍ना 6:46 - ह्योल्‍मो

⁴⁶ किन्‍ज्‍योला सु मिह च्‍यी़गीॱआङ थोङदी म़ेह, किन्‍ज्‍यो याहप लाहमले फेप नाङगेन्‍दीगी च्‍यी़राङ मिहरोला थोङदी येहबा।

यूहन्‍ना 6:46 ပူးပေါင်းရင်းမြစ်များ

मत्ती 11:27

ङाहगी किन्‍ज्‍यो याहपगी ङाहला थाम्‍ज्‍यीराङ से़हया़ चि क्‍याहप नाङदी येह। किन्‍ज्‍यो याहपगी मिहम्‍बा लेहमेन सुगीॱआङ स़ेबुला ङोह मे़हस्‍येएँ ओहले स़ेबुगी मिहम्‍बा लेहमेन सुगीॱआङ किन्‍ज्‍यो याहपला ङोह मे़हस्‍येएँ। यिहॱनाङ स़ेबुगी ङोहस्‍यी ताङ तेर नाङग्‍योया़गीदी किन्‍ज्‍यो याहपला ङोह स्‍य़ेएँ।

लूका 10:22

“ङाहती याहपगी ङाहला थाम्‍ज्‍यीराङ चि क्‍याहप नाङदी येह। स़ेबु सु यिहम्‍बा म़ेदी याहपगी मिहम्‍बा, लेहमेन सुगीॱआङ ङोह मे़हस्‍येएँ। ओ़ह ल़ेहमुराङ, स़ेबु दाङ खोगी तेन्‍ग्‍योकी मिहया़गी च्‍यी़राङ याहपला ङोह स्‍य़ेएँ लेहमेन सुगीॱआङ याहपला ङोह मे़हस्‍येएँ” म़ेदी येशूगी सुङ नाङसीन।

यूहन्‍ना 1:18

किन्‍ज्‍योला सुगीॱआङ नाहमॱआङ थोङदी म़ेह, यिहॱनाङ किन्‍ज्‍यो याहप ङ्याम्‍बु ज़्‍य़ू नाङगेन च्‍यिमे च्‍यी़राङ स़ेबु किन्‍ज्‍योगी मिहरोला तेन नाङदी येह।

यूहन्‍ना 14:7

ख्‍याया़गी ङाहला ङोह स्‍य़ेक्‍यो यिहन्‍नानी ङाहती याहपलाॱआङ ङोह स्‍ये़ज्‍ये येहकें। ता़ह यिहन्‍ज्‍यु ख्‍याया़गी ङाहती याहपला ङोह स्‍य़ेदी येह, च्‍यिबेमाना ख्‍याया़गी मिहरोला थोङ सिहन्‍दी येह।”

यूहन्‍ना 15:24

लेहमेन सुज्‍यीगीॱआङ माहबेबाकी याहम्‍जेन छ्येवागी ल़ेहया़ ङाहगी खुङया़की पाहरक्‍यीला माहबेबा यिहनानी खुङला तिहक्‍पाकी ङ्य़ेहबा फो़ज्‍ये म़ेहबा येहकें। यिहॱनाङ, ता़ह ङाहगी पेहक्‍यो दि ल़ेह थाम्‍ज्‍यी खुङया़गी थोङ सिहन्‍दी येह यिहॱनाङ खुङगी ङाह दाङ ङाहती याहपला ङ्येन्‍ज्‍येन पेहकें।

यूहन्‍ना 5:37

ङाहला ताङ नाङगेन याहप राहङगीराङ ङाहगी तेहन्‍दाला पाङबु नाङदी येह। मिहरोगी सुङ-क़े ख्‍याया़गी नाहमॱआङ थे़दे म़ेह, ओहले मिहरोगी कुसोला नाहमॱआङ थोङदी म़ेह।

यूहन्‍ना 7:29

यिहॱनाङ ङाहगी मिहरोला ङोह स्‍य़ेएँ, च्‍यिबेमाना ङाह मिहरो लाहमले ओहङग्‍यो यिहम्‍बा, ओहले मिहरोगीॱराङ ङाहला ताङ नाङग्‍यो यिहम्‍बा।”

यूहन्‍ना 8:19

खुङया़गी येशूला स्‍युहसीन, “ख्‍येती याहप का़हला येहबा ले?” येशूगी सुङ नाङसीन, “ख्‍याया़गी नाह ङाहला ङोह स्‍य़ेगे नाह ङाहती याहपला। ख्‍याया़गी ङाहला ङोह स्‍य़ेक्‍यो येहसीमानानी ङाहती याहपॱलाङ ङोह स्‍ये़ज्‍ये येहकें।”

यूहन्‍ना 8:55

ख्‍याया़गी याहपला ङोह स्‍य़ेदी म़ेह, यिहॱनाङ ङाहगी याहपला ङोह स्‍य़ेएँ। का़हलेॱआङ ङाहगी याहपला ङोह मे़हस्‍येएँ म़ेदी माक्‍यो येहनानी ङाहॱआङ ख्‍या ल़ेहमुराङ स्‍योप्‍केर थेन्‍ज्‍ये येहकें। यिहॱनाङ ङाह याहपला ङोह स्‍य़ेएँ ओहले याहपगी सुङ नाङग्‍यो स्‍याहलया़ ङ्यिहन्‍गे।

कलस्‍सी 1:15

ओहराङ मी़गी थोङ मी़हखुएँ किन्‍ज्‍योकी ङ्य़ेहरीला थोङ ख़ूएँ जेती मास्‍यीका ज़्‍य़ू नाङदी येह। ना थाम्‍ज्‍यीराङ छ्या़क्‍यो से़हया़ नाहङला मास्‍यीका थाम्‍ज्‍यी म़ेदी छ्येस्‍यो यिहम्‍बा।

१ तिमोथी 6:16

नाहमॱआङ टोहङ मेहनाङगेन्‍दीनी किन्‍ज्‍यो च्‍यी़राङ यिहम्‍बा ओहले मिहरो सुॱआङ लेप मी़हखुएँगी क्‍या-साङेला ज़्‍य़ू नाङगे। मिहरोला सुज्‍यीगीॱआङ नाहरे थु थोङदी म़ेह ओहले थोङॱआङ मी़हखुएँ। नाहम माॱनाङ ज़्‍य़ू नाङगेन्‍गी ओङ दाङ चा़ मिहरो ङ्याम्‍बुराङ ज़्‍य़ू नाङज्‍यु। आमेन।

१ यूहन्‍ना 4:12

किन्‍ज्‍योला सुगीॱआङ नाहमॱआङ थोङदी म़ेह। यिहॱनाङ ओहराङगी च्‍यी़गी च्‍यी़ला चेवा पेहसीमाना किन्‍ज्‍यो ओहराङ नाहङलाराङ ज़्‍य़ू नाङगे, ओहले ओहराङ लाहमले किन्‍ज्‍योगी चेवा छाङबु डोएँ।