यूहन्‍ना 6:41 - ह्योल्‍मो

⁴¹ ओ़ह सोङबे यहूदीया़गी येशूला टा़ह पेहती राहङ नाहङदोङ ताम माज्‍ये छ़ूसीन, च्‍यिबेमाना येशूगी सुङ नाङसीन, “स्‍यिहङगामले ओहङग्‍योगी खुरा ङाहराङ यिहन।”

यूहन्‍ना 6:41 ပူးပေါင်းရင်းမြစ်များ

लूका 15:2

यिहॱनाङ फरिसीया़ दाङ छ्य़े-ठिमकी लोबेनया़गी येशूगी तेहन्‍दाला, “दि मिहगी नि तिहक्‍च्‍येम्‍बा मिहया़ला क़े क्‍याहप्‍ती खुङया़ ङ्याम्‍बुराङ तेहती साहउ दु!” म़ेदी लोहङडी पेहसीन।

लूका 19:7

ओहले येशू जखायस ङ्याम्‍बु फेप्‍कें थोङगोराङ मिहया़गी, “दि मिहनी तिहक्‍च्‍येम्‍बागी खाङबाला गा तेह डोउ दु!” म़ेदी च्‍यी़गी च्‍यी़ला मामा चासीन।

लूका 5:30

ओहले खुङ फ़ेबेॱया ङ्याम्‍बुराङ ज़्‍य़ूदी सोल छ्येकेन थोङदी फरिसी दाङ छ्य़े-ठिमकी लोबेनया़गी येशूगी स्‍याहप्‍च्‍यीया़ला, “ख्‍याया़ च्‍यिबे ठाल तुहएँ दाङ तिहक्‍च्‍येम्‍बा मिह ङ्याम्‍बुॱआङ तेहती साहएँ दाङ थुङगे?” म़ेदी टी़हसीन।

यूहन्‍ना 1:19

यरूशलेमकी यहूदी गोबाया़गी पूजाहारीया़ दाङ लेवीया़ला “यूहन्‍ना सु यिहम्‍बा नि?” म़ेदी टी़हज्‍येला खोसाला ताङसीन।

यूहन्‍ना 6:33

च्‍यिबेमाना किन्‍ज्‍योगी नाङगे खुरानी ओ़हदीॱराङ यिहन का़हन्‍दीगी स्‍यिहङगामले माहर फेप्‍ती जाम्‍बुलीङला मिहली नाङगे।”

यूहन्‍ना 6:43

येशूगी खुङया़ला सुङ नाङसीन, “ख्‍या राहङ नाहङदुङ ङाहला टा़ह पेहती ताम मा मेहकोहएँ।

यूहन्‍ना 6:48

मिहली ज़ाङबु तेर्केन्‍गी खुरा ङाहराङ यिहन।

यूहन्‍ना 6:58

स्‍यिहङगामले ओहङग्‍योगी खुरानी ख्‍यागी आख्‍ये मे़हमेया़गी साहक्‍योगी खुरा ल़ेहमु मिहम्‍बा। ओ़ह खुरा ख्‍यागी आख्‍ये मे़हमेया़गी साहसीन ओहले स्‍यिसीन। यिहॱनाङ दि खुरा साहएँया़दी नाहमॱआङ स्‍यिज्‍ये म़ेह।”

यूहन्‍ना 6:60

दि केच्‍या थे़दी येशूगी स्‍याहप्‍च्‍यीया़ नाहङला माहङबुगीराङ मासीन, “दि सुङनी ज्‍यिबुराङ का़हबु दु, दि सुगी ङ्यिहन ख़ूज्‍ये ले?”

यूहन्‍ना 6:66

ओ़ह ती़हजी यिहन्‍ज्‍यु येशूगी स्‍याहप्‍च्‍यीया़ नाहङगी माहङबुराङ स्‍याहप्‍च्‍यीया़ क्‍याहप लो़हसीन ओहले येशूला तिङ ङ्या़ज्‍ये क्‍युर्सीन।

यूहन्‍ना 7:12

मिह मिह-माहङया़गी पाहरक्‍यीला येशूगी तेहन्‍दाला माहङबुराङ लोहङडी काहल्‍सीन। लाहलागी, “खोनी मिह या़हबु यिहम्‍बा” म़ेदी माउ येहकें ओहले लाहलागीनी, “मिहम्‍बा, खोनी मिहया़ला गो़ च्‍यी़राङ कोर च्‍य़ूएँ” म़ेदी माउ येहकें।

१ कोरिन्‍थी 10:10

खुङया़ नाहङला लाहलागी दि माहयोहङ ओ़ह माहयोहङ म़ेदी माक्‍यो रोहवा ओहराङगीॱआङ माज्‍ये मेहयोहङगे। खुङया़गी ओ़ह रोहवा माक्‍यो सोङबे तोङ च्‍य़ूगे स्‍यिहङगामकी स्‍याहप्‍च्‍यीगी खुङया़ला तोङ च्‍य़ूसीन।

यहूदा 1:16

मुहर-मुहर म़ेदी तेहकेनया़, नाहमॱआङ सेन्‍दोग मेहयोहङगेया़, राहङगी सेमला ने़जेबा पेहती डोएँया़, छ्य़ेन्‍दो तेन्‍दी ताम माएँया़ ओहले राहङला खेप्‍साङ ओहङज्‍येगी तेहन्‍दाला लेहमेन मिहया़ ङ्याम्‍बु ज्‍याप्‍ला तेन्‍गेया़ दि मिहया़राङ यिहम्‍बा।