यूहन्‍ना 6:40 - ह्योल्‍मो

⁴⁰ च्‍यिबेमाना ङाहती याहपकी थु-सेम दिराङ यिहन: स़ेबुला ताएँ दाङ खोला यिह छ्य़ेगे थाम्‍ज्‍यीगी था़ म़ेहबा मिहली ज़ाङबु ज्‍योर ख़ूज्‍यु, ओहले ङाहगी खोला तिङस्‍यो ती़हजीला सोम्‍बो ज़ोज्‍ये येह।”

यूहन्‍ना 6:40 ပူးပေါင်းရင်းမြစ်များ

मत्ती 10:15

तेहम्‍बाराङ ङाहगी ख्‍याया़ला माएँ, ठिम ताङ नाङगेन ङ्यिहमाला ओ़ह क्‍याहसाकी मिहया़गी तुहक्‍पु म़ेदीनी सदोम दाङ गमोरा क्‍याहसाकी मिहया़गी तुहक्‍पु गा ना़ खू़-दाङ ओहङज्‍ये येह।”

मत्ती 25:46

ओहले खुङया़गीदी नाहम्‍स्‍यी किन्‍दुॱराङ ङ्य़ेहबा खुर कोहच्‍ये येह, यिहॱनाङ टाहङबु मिहया़गीदी नाहमॱआङ मिहस्‍यीएँगी मिहली ज़ाङबु ज्‍योर्च्‍ये येह।”

मर्कूस 16:16

यिह-छ्य़े पेहती बप्‍तिस्‍मा लेहन्‍गेनया़गी थार्पा ज्‍योर्च्‍ये येह। यिहॱनाङ यिह-छ्य़े मेहबेकेनया़ला किन्‍ज्‍योगी ङ्य़ेहबा नाङज्‍ये येह।

लूका 2:30

च्‍यिबे मासीमाना, राहङगी ताङ नाङग्‍योकी थार्पा नाङगेन्‍दीला ङाह राहङगी मी़गीराङ थोङ ङ्युहङसीन।

यूहन्‍ना 1:14

ओहले सुङगी मिहगी मिहली नोम्‍दी ङ्यिहगी पाहरक्‍यीला ज़्‍य़ू नाङसीन। मिहरो काटीन दाङ तेहन्‍दामकी काहङदे येहकें। ङ्यिहगी मिहरोगी ज़िज्‍यिद थोङसीन। ओहले ओ़ह ज़िज्‍यिदती याहपकी च्‍यिमे च्‍यी़राङ स़ेबुदी यिहन्‍गे।

यूहन्‍ना 10:28

ङाह खुङया़ला था़ म़ेहबागी मिहली ज़ाङबु तेर्कें। ओहले खुङया़ नाहमॱआङ तोङदी डोज्‍ये म़ेह, ओहले सुज्‍यीगीॱआङ खुङया़ला ङाह लाहक्‍पाले फ्रो़दी ख्‍येर ख़ूज्‍ये म़ेह।

यूहन्‍ना 11:24

ओहले मार्थागी येशूला स्‍युहसीन, “यिहन्‍ज्‍येनी यिहम्‍बा चो़वो, जाम्‍बुलीङगी तिङस्‍यो ङ्यिहमाला स्‍यिक्‍यो मिहया़ थाम्‍ज्‍यीराङ सोम्‍बो लो़हगेमु खोॱआङ सोम्‍बो लो़हज्‍ये येह माएँ ताम ङाहला क्‍यी़ह येह।”

यूहन्‍ना 11:25

ओहले येशूगी मोहला सुङ नाङसीन, “स्‍यिक्‍योया़ला सोम्‍बो लो़ह च्‍य़ूगे दाङ मिहली ज़ाङबु तेर्केन्‍दी ङाहराङ यिहन। ङाहला यिह छ्य़ेगेया़ स्‍यिॱना़ङ खो सोम्‍बो लो़हज्‍ये येह।

यूहन्‍ना 12:45

ओहले ङाहला थोङगेन्‍दीगी ङाहला ताङ नाङगेन्‍दीॱलाङ थोङगे।

यूहन्‍ना 12:50

किन्‍ज्‍योगी कागी था़ म़ेहबा मिहली ज़ाङबु नाङगेन म़ेदी ङाहला क्‍यी़ह येह। ओ़ह सोङबे ङाहगी च्‍यि ताम माॱनाङ ओ़ह याहपगी सुङ नाङग्‍योकी स्‍याहल च्‍यी़राङ माएँ।”

यूहन्‍ना 14:17

मिहरो तेहन्‍दामकी थु यिहन। यिहॱनाङ जाम्‍बुलीङगी मिहरोला लोक पेह मी़हखुएँ च्‍यिबेमाना दि जाम्‍बुलीङगी मिहरोला नाह थोङगे नाह ङोह स्‍य़ेगे। यिहॱनाङ ख्‍यागी मिहरोला ङोह स्‍य़ेएँ, च्‍यिबेमाना मिहरो ख्‍या ङ्याम्‍बु ज़्‍य़ू नाङगे, ओहले मिहरो ख्‍याया़गी पाहरक्‍यीला ज़्‍य़ू नाङज्‍ये येह।

यूहन्‍ना 14:19

ता़ह ङ्यिहमा तोबा तिङले जाम्‍बुलीङगी ङाहला नाहमॱआङ थोङज्‍ये म़ेह, यिहॱनाङ ख्‍याया़गी ङाहला थोङज्‍ये येह। ङाह सोम्‍बो यिहन्‍गे सोङबे ख्‍याया़ॱआङ सोम्‍बो ओहङज्‍ये येह।

यूहन्‍ना 17:2

च्‍यिबेमाना राहङगी खोला मिह थाम्‍ज्‍यी थो़ला ओङ नाङदी येह, ओ़ह लाहमले याहपगी नाङग्‍यो थाम्‍ज्‍यीलाराङ खोगी था़ म़ेहबा मिहली ज़ाङबु तेर्च्‍यु।

यूहन्‍ना 3:36

का़हन्‍दीगी स़ेबुला यिह छ्य़ेगे, खो ङ्याम्‍बु था़ म़ेहबा मिहली ज़ाङबु ओहङगे। का़हन्‍दीगी स़ेबुला यिह मे़हछ्येगे, खोगी मिहली थोङज्‍ये म़ेह, यिहॱनाङ किन्‍ज्‍योगी थुयाल खो थो़ला बाप्‍च्‍ये येह।

यूहन्‍ना 4:14

यिहॱनाङ का़हन्‍दीगी ङाहगी तेर्केन्‍गी छ्यु थुङगे खो नाहमॱआङ कोम्‍ज्‍ये म़ेह च्‍यिबेमाना ङाहगी तेर्केन्‍गी छ्यु खो नाहङला नाहम्‍माॱनाङ क्‍ये़दी तेहकेन्‍गी छ्यु क्‍येज्‍यु ओहङज्‍ये येह ओहले दिगी खोला था़ म़ेहबा मिहली ज़ाङबु तेर्च्‍ये येह।”

यूहन्‍ना 5:24

“तेहम्‍बाराङ, ङाह ख्‍याया़ला माएँ, सुगी ङाहती ताम ङ्यिहन्‍गे ओहले ङाहला ताङ नाङगेन्‍दीला यिह-छ्य़े पेहकें, खो ङ्याम्‍बु नाहमॱआङ मिहस्‍यीएँगी मिहली ज़ाङबु ओहङगे। खोला ठिम ताङज्‍ये म़ेह, यिहॱनाङ खो स्‍यिवालेगी मिहलीला स्‍य़ूह सिहन्‍दी येह।

यूहन्‍ना 6:27

तोङदी डोएँगी खुराकी तेहन्‍दाला तुहक्‍पु माहबे, यिहॱनाङ था़ म़ेहबा मिहली ज़ाङबु तेर्केन खुराकी तेहन्‍दाला तुहक्‍पु पेहतोङ, ओ़ह ख्‍याया़ला मिहगी स़ेबुगी नाङज्‍ये येह। च्‍यिबेमाना किन्‍ज्‍यो याहपगी स़ेबु थो़ला राहङदी पार क्‍याहप नाङदी येह।”

यूहन्‍ना 6:39

ङाहला ताङ नाङगे याहपकी थु-सेम दिराङ यिहम्‍बा: मिहरोगी ङाहला नाङग्‍योया़ नाहङला सुज्‍यीॱआङ तोङदी माहन्‍डोज्‍यु, यिहॱनाङ तिङस्‍यो ती़हजीला खुङया़ला सोम्‍बो ज़ो ख़ूज्‍यु।

यूहन्‍ना 6:44

ङाहला ताङ नाङगेन याहपगी ङाहसाला ओहङज्‍ये सेम मेहनाङसीनमाना सुॱआङ ङाहसाला ओहङ मी़हखुएँ, ङाहसाला ओहङगेया़ला ङाह जाम्‍बुलीङकी तिङस्‍यो ती़हजीला सोम्‍बो ज़ोज्‍ये येह।

यूहन्‍ना 6:54

ङाहगी ज़ुबु साहएँ दाङ ठा़ थुङगेन ङ्याम्‍बु था़ म़ेहबा मिहली ओहङगे, ओहले तिङस्‍यो ती़हजीला ङाहगी खोला सोम्‍बो ज़ोज्‍ये येह।

यूहन्‍ना 8:56

ख्‍यागी चावा अब्राहामगी ङाह ओहङगेन्‍गी ङ्यिहमा ताज्‍येला ज्‍यिबुराङ सेम्‍बा पेहती येहकें, ओहले खोगी थोङदी ज्‍यिबुराङ क़ेहनाङ पेहसीन।”

रोमी 5:21

ओ़ह ती़हजीला तिहक्‍पागी स्‍यिवा लाहमले मिहया़ थो़ला ओङ छ्य़ेक्‍यो ल़ेहमु ताहन्‍दा किन्‍ज्‍योकी काटीनगी ओङ छ्ये़गेॱराङ येहबा। दि काटीनगी पेहतीराङ ओहराङला किन्‍ज्‍योगी दिनला टाहङबु सी़ह च्‍य़ू नाङसीन ओहले ओहराङ चो़वो येशू मास्‍यीका लाहमले ओहराङला था़ म़ेहबा मिहली ज्‍योर्ती येहबा।

रोमी 6:23

च्‍यिबेमाना तिहक्‍पागी ले़गादी स्‍यिवा यिहम्‍बा, यिहॱनाङ किन्‍ज्‍योगी आहन्‍डाराङ नाङग्‍यो काबाप मास्‍यीका येशू ओहराङ चो़वोला था़ म़ेहबागी मिहली ज़ाङबु यिहम्‍बा।

२ कोरिन्‍थी 4:6

“ना़-जुबेला क्‍या-साङेगी येहपा छ्याज्‍यु” म़ेदी सुङ नाङगेन्‍गी किन्‍ज्‍योॱराङ, ताहन्‍दा ओहराङगी सेम नाहङला येहपा छ्या़दे येहबा, ओ़ह लाहमले पेहती किन्‍ज्‍योगी ज़िज्‍यिदकी येहन्‍देनगी क्‍या-साङे मास्‍यीकागी स्‍याहल्‍दोङला येहपा छ्या़ ख़ूज्‍यु।

हिब्रू 11:1

तेहपा पेहकेन म़ेदी माक्‍यो तामगी तेहन्‍दादी च्‍यि यिहम्‍बा मासीमाना रेहवा पेहक्‍योकी तामला सेम तेहमु पेहती तेहकें दाङ मी़गी माहथोङबाकी से़हला सेम तिहङ यिहन्‍ज्‍युराङ यिह-छ्य़े पेहकें यिहम्‍बा।

हिब्रू 11:27

तेहपा लाहमलेॱराङ खोगी क्‍याहल्‍बुगी थुयाललाॱआङ नाङदा माहबेबा पेहती मिश्र क्‍याहल-खापले थेन्‍दी काहल्‍सीन ओहले थोङ मी़हखुएँ किन्‍ज्‍योला थोङग्‍यो ल़ेहमुराङ पेहती खोगी सिपाज्‍यीॱआङ क्‍याहप लो़हदी मा़हते।

१ पत्रुस 1:8

ख्‍यागी येशू मास्‍यीकाला थोङग्‍यो मे़हॱनाङ मिहरोला चेवा पेहकें। मिहरोला ख्‍यागी ताहन्‍दा थोङ मी़हखुएँ, यिहॱनाङ ख्‍यागी मिहरोला यिह-छ्य़े पेहकें। ओहले स्‍येॱराङ मी़हखुएँगी ज़िज्‍यिद छ्यिम्‍बु काहसोगी ख्‍याया़गी सेम काहङदी येह।

१ यूहन्‍ना 2:25

ओहले मास्‍यीकागी ओहराङ ङ्याम्‍बु ज़्‍या़ नाङग्‍योकी ताहम्‍ज्‍यादी था़ म़ेहबा मिहली यिहम्‍बा।

यहूदा 1:21

राहङला किन्‍ज्‍योगी चेवाला ज़्‍या़दोङ ओहले नाहमॱआङ मिहस्‍यीएँगी मिहली ज़ाङबु नाङगेन चो़वो येशू मास्‍यीकाकी थुज्‍यीला कू़हदे तेहतोङ।