यूहन्‍ना 6:39 - ह्योल्‍मो

³⁹ ङाहला ताङ नाङगे याहपकी थु-सेम दिराङ यिहम्‍बा: मिहरोगी ङाहला नाङग्‍योया़ नाहङला सुज्‍यीॱआङ तोङदी माहन्‍डोज्‍यु, यिहॱनाङ तिङस्‍यो ती़हजीला खुङया़ला सोम्‍बो ज़ो ख़ूज्‍यु।

यूहन्‍ना 6:39 ပူးပေါင်းရင်းမြစ်များ

मत्ती 10:15

तेहम्‍बाराङ ङाहगी ख्‍याया़ला माएँ, ठिम ताङ नाङगेन ङ्यिहमाला ओ़ह क्‍याहसाकी मिहया़गी तुहक्‍पु म़ेदीनी सदोम दाङ गमोरा क्‍याहसाकी मिहया़गी तुहक्‍पु गा ना़ खू़-दाङ ओहङज्‍ये येह।”

मत्ती 18:14

ओ़ह ल़ेहमुराङ पेहती स्‍यिहङगामला ज़्‍य़ू नाङगेन ख्‍याया़गी किन्‍ज्‍यो याहपगी दि फेमाया़ नाहङला सुज्‍यीॱआङ माहतोर्च्‍यु म़ेदी थु-सेम जे नाङगे।”

लूका 12:32

“ए छ्ये़मु मिह बा़लया़, ख्‍या मा़हन्‍ज्‍यी! च्‍यिबेमाना किन्‍ज्‍योगी ख्‍याला राहङगी क्‍याहल्‍सी नाङज्‍येला काहसो जे-नाङदी येह।

यूहन्‍ना 12:48

ङाहला मा-लोक पेहकें दाङ ङाहती ताम मिहङ्यीहन्‍गेनया़ला ठिम ताङ नाङगे मेहन्‍दा च्‍यी़ ज़्‍य़ू नाङदी येह। ङाहगी माक्‍यो तामगीराङ खोला तिङस्‍यो ङ्यिहमाला ठिम ताङज्‍ये येह।

यूहन्‍ना 17:12

ङाह खुङ ङ्याम्‍बु येहकें थु राहङगी ङाहला नाङग्‍योकी राहङगी छेनला ङाहगी खुङया़ला तेम्‍बु पेहती ज़्‍या़सीन ओहले थार च्‍य़ूसीन। खुङया़ नाहङला तोङदी डो कोहएँगी पुह च्‍यी़ले ल्‍हाक्‍पु लेहमेन सुॱआङ तोङदी माहकाहल, च्‍यिबेमाना सुङरापला प्रुहक्‍योकी स्‍याहल तेहन्‍दा डुपॱराङ कोहच्‍ये येहकें।

यूहन्‍ना 17:2

च्‍यिबेमाना राहङगी खोला मिह थाम्‍ज्‍यी थो़ला ओङ नाङदी येह, ओ़ह लाहमले याहपगी नाङग्‍यो थाम्‍ज्‍यीलाराङ खोगी था़ म़ेहबा मिहली ज़ाङबु तेर्च्‍यु।

यूहन्‍ना 17:24

ओ़ याहप, राहङगी ङाहला नाङग्‍योकी मिहया़ ङाह ङ्याम्‍बुराङ तेहती ङाहती ज़िज्‍यिद थोङ ख़ूज्‍यु म़ेदी ङाह म़ेहबा पेहकें। ओ़ह ज़िज्‍यिद जाम्‍बुलीङ छ्या़गे म़ेदी तोहङ यिहन्‍ज्‍युराङ राहङगी ङाहला चेवा जे नाङग्‍यो सोङबे राहङगी ङाहला नाङग्‍यो येहकें।

यूहन्‍ना 17:6

जाम्‍बुलीङलेगी राहङगी ङाहला नाङग्‍यो मिहया़ला ङाहगी राहङला ङोह स्‍य़े च्‍य़ूदी येह। खुङया़ राहङदी यिहन्‍गे, ओहले राहङगी खुङया़ ङाहला नाङसीन, ओहले खुङया़गी राहङगी सुङदेन ङ्यिहन्‍दी येह।

यूहन्‍ना 17:9

खुङया़गी तेहन्‍दाला ङाह सोल्‍वाङ ताप्‍केराङ येह। ङाह जाम्‍बुलीङगी तेहन्‍दालानी सोल्‍वाङ मेहताप, यिहॱनाङ याहपगी ङाहला नाङग्‍यो मिहया़गी तेहन्‍दाला च्‍यी़राङ ङाह सोल्‍वाङ ताप्‍कें च्‍यिबेमाना खुङ राहङदीराङ यिहन।

यूहन्‍ना 18:9

“राहङगी ङाहला नाङग्‍योया़ नाहङला मेहन्‍दा च्‍यी़ॱआङ तोर च्‍य़ूदी म़ेह” म़ेदी मिहरोगी सुङ नाङग्‍योकी स्‍याहल तेहन्‍दा डुप्‍च्‍यु म़ेदी दि काहल्‍ग्‍यो यिहम्‍बा।

यूहन्‍ना 5:28

दि तामला ख्‍या ह्‍अ मा़हलेह, च्‍यिबेमाना ती़हजी ओहङगेॱराङ येह, ओहजेला तुहर्साला येहकें थाम्‍ज्‍यीगी मिहकी स़ेबुगी क़े थे़ज्‍ये येह,

यूहन्‍ना 6:37

याहपगी नाङगे थाम्‍ज्‍यी ङाहसाला ओहङज्‍ये येह, ओहले ङाहसाला ओहङगेनया़ला ङाहगी नाहमॱआङ लो़ ताङज्‍ये म़ेह।

यूहन्‍ना 6:40

च्‍यिबेमाना ङाहती याहपकी थु-सेम दिराङ यिहन: स़ेबुला ताएँ दाङ खोला यिह छ्य़ेगे थाम्‍ज्‍यीगी था़ म़ेहबा मिहली ज़ाङबु ज्‍योर ख़ूज्‍यु, ओहले ङाहगी खोला तिङस्‍यो ती़हजीला सोम्‍बो ज़ोज्‍ये येह।”

यूहन्‍ना 6:44

ङाहला ताङ नाङगेन याहपगी ङाहसाला ओहङज्‍ये सेम मेहनाङसीनमाना सुॱआङ ङाहसाला ओहङ मी़हखुएँ, ङाहसाला ओहङगेया़ला ङाह जाम्‍बुलीङकी तिङस्‍यो ती़हजीला सोम्‍बो ज़ोज्‍ये येह।

यूहन्‍ना 6:54

ङाहगी ज़ुबु साहएँ दाङ ठा़ थुङगेन ङ्याम्‍बु था़ म़ेहबा मिहली ओहङगे, ओहले तिङस्‍यो ती़हजीला ङाहगी खोला सोम्‍बो ज़ोज्‍ये येह।

रोमी 8:11

का़हलेॱआङ येशूला टोहङग्‍योलेगी सोम्‍बो ज़्‍याङ च्‍य़ू नाङगेन किन्‍ज्‍योगी थु ख्‍या ङ्याम्‍बुॱआङ ज़्‍य़ू नाङसीन मानानी, मास्‍यीका येशूला टोहङग्‍योलेगी सोम्‍बो ज़्‍याङ च्‍य़ू नाङगेन्‍दीगीराङ ख्‍या ङ्याम्‍बु ज़्‍य़ू नाङगेन मिहरोगी थु लाहमले ख्‍यादी स्‍यिदी डोएँ ज़ुबुलाॱआङ मिहली नाङज्‍ये येह।

१ कोरिन्‍थी 6:14

किन्‍ज्‍योगी राहङगी ओङगी जेती चो़वोला सोम्‍बो ज़्‍याङ च्‍य़ू नाङसीन, ओहले ओहराङॱलाङ मिहरोगी ओङगी जेती सोम्‍बो ज़ो नाङज्‍ये येह।

२ तिमोथी 2:19

यिहॱनाङ, किन्‍ज्‍यो राहङगी तिङ नाङग्‍योकी मिहरोकी ब्राम नाहम-माना सान्‍दीॱराङ ओहङज्‍ये येह। ओ़ह ब्रामला दि ल़ेहमु सुङदी पार क्‍याहप नाङदी येह, “चो़वोगी राहङगी क्‍यिपाया़ला ङोह ख्‍येन नाङगे,” ओहले “चो़वोकी छेन लेहन्‍गेया़गी ना थाम्‍ज्‍यीगी ल़ेह चोक्‍पाया़ ङो़ले था़-रिहङबुराङ तेहच्‍यु।”

याकूब 5:15

तेहपा पेहती ताप्‍क्‍यो सोल्‍वाङगी नेहपा थार च्‍य़ूज्‍ये येह ओहले चो़वोगी खोला टा़ह च्‍य़ू नाङज्‍ये येह, ओहले का़हलेॱआङ खोगी तिहक्‍पा पेहक्‍यो येहसीमाना चो़वोगी खोला कोहङदा नाङज्‍ये येह।

१ पत्रुस 1:5

तिङमा ती़हजीला ओहङज्‍ये पेहक्‍योगी थार्पागी तेहन्‍दाला ख्‍या तेहपा लाहमले किन्‍ज्‍योगी ओङ लाहमले जेम्‍बु जेती ज़्‍या़ नाङदी येह।

यहूदा 1:1

ङाह येशू मास्‍यीकाकी लाबु, याकूबकी नो़ह यहूदा लाहमले– पाहङज्‍येन क्‍याहप्‍क्‍योया़, पे यिहॱना़ किन्‍ज्‍यो याहपकी चेवा जे नाङग्‍योया़ दाङ येशू मास्‍यीकाकी जेम्‍बु जेती ज़्‍या़ नाङग्‍योया़ला दि यिहगी प्रुहएँॱराङ येहबा।