यूहन्‍ना 6:38 - ह्योल्‍मो

³⁸ च्‍यिबेमाना ङाह राहङगी सेमला ऩेक्‍योगी तामया़ छाङबु पेहच्‍येला स्‍यिहङगामले माहर ओहङग्‍यो मिहन, यिहॱनाङ ङाहला ताङ नाङगेन्‍दीती थु-सेम छाङबु पेहच्‍येला ङाह ओहङग्‍यो यिहम्‍बा।

यूहन्‍ना 6:38 ပူးပေါင်းရင်းမြစ်များ

मत्ती 20:28

ओ़ह ल़ेहमुराङ मिहगी स़ेबुॱआङ लेहमेनलेगी स्‍याहप्‍तो ज्‍योर्च्‍येला मिहम्‍बा, यिहॱनाङ लेहमेनला स्‍याहप्‍तो स्‍य़ूहज्‍येला ओहले मिह माहङबुलाराङ थार्पा नाङज्‍ये दाङ राहङगी कुसोॱराङ नाङज्‍येला फेप नाङसीन।”

यूहन्‍ना 3:13

स्‍यिहङगामलेगी फेप नाङगे मिहगी स़ेबु च्‍यी़ मिहम्‍बानी लेहमेन सुज्‍यीॱआङ स्‍यिहङगामला काहल्‍दी म़ेह।

यूहन्‍ना 3:17

च्‍यिबेमाना किन्‍ज्‍योगी जाम्‍बुलीङला ङ्य़ेहबा फो़ च्‍य़ूज्‍ये म़ेदी स़ेबुला दि जाम्‍बुलीङला ताङ माहनाङ यिहॱनाङ जाम्‍बुलीङ मिहरो लाहमले थार ख़ूज्‍यु म़ेदी स़ेबुला दि जाम्‍बुलीङला ताङ नाङसीन।

यूहन्‍ना 3:31

याहरले फेप नाङगेन्‍दी थाम्‍ज्‍यी म़ेदी चा़ छ्यिम्‍बु येह। जाम्‍बुलीङला क्‍येक्‍योगी मिहया़ जाम्‍बुलीङदीराङ ओहङगे ओहले जाम्‍बुलीङगी तामया़ॱराङ माएँ। यिहॱनाङ स्‍यिहङगामले फेप्‍केन्‍दी थाम्‍ज्‍यी म़ेदी चा़ छ्यिम्‍बु ज़्‍य़ू नाङदी येह।

यूहन्‍ना 4:34

ओहले येशूगी खुङया़ला सुङ नाङसीन, “ङाहला ताङ नाङगेन याहपकी का दाङ मिहरोगी छ्या़ले छाङबु पेहकेन्‍दीराङ ङाहती साहप्‍च्‍या यिहम्‍बा।

यूहन्‍ना 5:19

येशूगी खुङया़ला सुङ नाङसीन, “तेहम्‍बाराङ ङाह ख्‍याया़ला माएँ, स़ेबु राहङगीनी च्‍यिॱआङ पेह मी़हखुएँ, यिहॱनाङ याहपगी च्‍यि जे नाङग्‍यो थोङगे ओ़ह च्‍यी़राङ पेहकें, च्‍यिबेमाना याहपगी च्‍यि जे नाङगे, स़ेबुगीॱआङ ओहराङ पेहकें।

यूहन्‍ना 5:30

“ङाह राहङगीनी च्‍यिॱआङ पेह मी़हखु, काह-ठि ङाहगी थे़गे, ओ़हठीॱराङ ङाह ठिम ताङगे, ओहले ङाहगी ताङग्‍यो ठिम ठाबे सी़हजे येह, च्‍यिबेमाना ङाह राहङगी सेमला ने़क्‍यो ल़ेहमु मिहम्‍बा, यिहॱनाङ ङाहला ताङ नाङगेन याहपकी थुला ठुङग्‍यो ल़ेहमुराङ ल़ेह पेहकें।”

यूहन्‍ना 6:29

ओहले येशूगी खुङया़ला सुङ नाङसीन, “किन्‍ज्‍योगी थु-सेम जे नाङगेन्‍दी दिराङ यिहम्‍बा: किन्‍ज्‍योगी ताङ नाङग्‍योकी स़ेबुला ख्‍याया़गी यिह छ्य़ेदोङ।”

यूहन्‍ना 6:33

च्‍यिबेमाना किन्‍ज्‍योगी नाङगे खुरानी ओ़हदीॱराङ यिहन का़हन्‍दीगी स्‍यिहङगामले माहर फेप्‍ती जाम्‍बुलीङला मिहली नाङगे।”

यूहन्‍ना 6:42

खुङया़गी मासीन, “च्‍यि दि योसेफकी पुह, येशू मिहन ले? च्‍यि खोगी आबा, आमाला ओहराङगी ङोह मे़हस्‍येएँ ले? ताहन्‍दा दि खोगी काह-ठि पेहती ‘ङाह स्‍यिहङगामले ओहङग्‍यो यिहम्‍बा’ म़ेदी मा ख़ूएँ?”

यूहन्‍ना 6:57

सोम्‍बो ज़्‍य़ू नाङगेन याहपगी ङाहला ताङ नाङसीन ओहले ङाह मिहरो लाहमलेॱराङ सोम्‍बो येह, ओ़हठीॱराङ पेहती ङाहला साहएँदीॱआङ ङाह लाहमलेॱराङ सोम्‍बो ओहङज्‍ये येह।

रोमी 15:3

च्‍यिबेमाना मास्‍यीकागीॱआङ राहङला क़ेहनाङ लाहङ च्‍य़ूगेन्‍की छ्या़लेया़ जे माहनाङ। ओ़हठीॱराङ सुङरापलाॱआङ दि ल़ेहमु प्री़हदी येहबा, “राहङला स्‍ये़हन्‍डील पेहकेनया़की स्‍ये़हन्‍डील ङाह थो़ला बाप्‍ती येह।”

एफिसी 4:9

ता़ह दि “मिहरो याहर फेप नाङसीन” म़ेदी माक्‍योगी तेहन्‍दादी च्‍यि यिहम्‍बा ले? दिगी तेहन्‍दा तोहङस्‍यो मिहरो माहर फेप्‍ते जाम्‍बुलीङकी तिहङ रिहङबु ग्‍या़ला फेप नाङसीन म़ेदी माक्‍यो यिहम्‍बा।

हिब्रू 5:8

मास्‍यीका किन्‍ज्‍योगी स़ेबु यिहन्‍गे यिहॱनाङ राहङगी खुरक्‍यो तुहक्‍पुया़ लाहमले मिहरोगी राहङ याहपकी काया़ ची़ज्‍ये लोप नाङसीन।