यूहन्‍ना 6:37 - ह्योल्‍मो

³⁷ याहपगी नाङगे थाम्‍ज्‍यी ङाहसाला ओहङज्‍ये येह, ओहले ङाहसाला ओहङगेनया़ला ङाहगी नाहमॱआङ लो़ ताङज्‍ये म़ेह।

यूहन्‍ना 6:37 ပူးပေါင်းရင်းမြစ်များ

मत्ती 11:28

ए तुहक्‍पु दाङ तुहङालगी पेहती थाङ छ्येक्‍योया़, ङाहसाला स्‍यो, ङाह ख्‍याया़ला थाङ सो च्‍य़ूएँ।

मत्ती 24:24

च्‍यिबेमाना दि ल़ेहमु चिहन क्‍याहप्‍केन्‍गी मास्‍यीका दाङ लुहङतेम्‍बाया़ ओहङज्‍ये येह। खुङया़गी छ्यिम्‍बु-छ्यिम्‍बु ताक्‍छेनया़ दाङ याहम्‍जेम्‍बागी ल़ेहया़ तेन्‍दी ला़ खाजेबा किन्‍ज्‍योगी दाम्‍ग्‍यो मिहया़ॱलाङ गो़ कोर च्‍य़ूज्‍ये येह।”

यूहन्‍ना 17:11

ता़ह ङाह राहङसाला ओहङगेॱराङ येह। ङाह दि जाम्‍बुलीङला माहङबु ती़हजी तेहच्‍ये म़ेह, यिहॱनाङ खुङया़नी दि जाम्‍बुलीङला तेहच्‍ये येह। नाम्‍पार-ताहक्‍पा याहप, राहङगी ङाहला नाङग्‍योकी राहङगी छेनला खुङया़ला तेम्‍बु जेती ज़्‍या़ नाङदोङ, ओहले ओहराङ ल़ेहमु खुङया़ॱआङ च्‍यी़राङ डो ख़ूज्‍यु।

यूहन्‍ना 17:2

च्‍यिबेमाना राहङगी खोला मिह थाम्‍ज्‍यी थो़ला ओङ नाङदी येह, ओ़ह लाहमले याहपगी नाङग्‍यो थाम्‍ज्‍यीलाराङ खोगी था़ म़ेहबा मिहली ज़ाङबु तेर्च्‍यु।

यूहन्‍ना 17:24

ओ़ याहप, राहङगी ङाहला नाङग्‍योकी मिहया़ ङाह ङ्याम्‍बुराङ तेहती ङाहती ज़िज्‍यिद थोङ ख़ूज्‍यु म़ेदी ङाह म़ेहबा पेहकें। ओ़ह ज़िज्‍यिद जाम्‍बुलीङ छ्या़गे म़ेदी तोहङ यिहन्‍ज्‍युराङ राहङगी ङाहला चेवा जे नाङग्‍यो सोङबे राहङगी ङाहला नाङग्‍यो येहकें।

यूहन्‍ना 17:6

जाम्‍बुलीङलेगी राहङगी ङाहला नाङग्‍यो मिहया़ला ङाहगी राहङला ङोह स्‍य़े च्‍य़ूदी येह। खुङया़ राहङदी यिहन्‍गे, ओहले राहङगी खुङया़ ङाहला नाङसीन, ओहले खुङया़गी राहङगी सुङदेन ङ्यिहन्‍दी येह।

यूहन्‍ना 6:39

ङाहला ताङ नाङगे याहपकी थु-सेम दिराङ यिहम्‍बा: मिहरोगी ङाहला नाङग्‍योया़ नाहङला सुज्‍यीॱआङ तोङदी माहन्‍डोज्‍यु, यिहॱनाङ तिङस्‍यो ती़हजीला खुङया़ला सोम्‍बो ज़ो ख़ूज्‍यु।

यूहन्‍ना 6:65

ओहले येशूगी सुङ नाङसीन, “ओ़ह सोङबे ङाहगी ख्‍याया़ला माक्‍यो यिहम्‍बा, ङाहगी याहपगी ङाहसाला ओहङज्‍ये सेम माहनाङ थु सुॱआङ ङाहसाला ओहङ मी़हखुएँ।”

यूहन्‍ना 9:34

खुङया़गी खोला ल़ेहन क्‍याहप्‍ती मासीन, “ख्‍येनी तेहम्‍बाराङ तिहक्‍पाला क्‍येक्‍यो यिहम्‍बा, ओहले च्‍यि ताहन्‍दा ख्‍ये ङ्यिहला लोप्‍च्‍ये छोल्‍गे?” म़ेदी खुङया़गी खोला फिला तेन चाहङसीन।

रोमी 5:20

छ्य़े-ठिम ओहङ फान्‍ज्‍यो तिहक्‍पाॱआङ माहङबु काहल्‍सीन, यिहॱनाङ तिहक्‍पा ङ्याम्‍बुराङ किन्‍ज्‍योगी काटीनॱआङ तोहरोङ माहङरो माहङरो काहल्‍सीन।

फिलिप्‍पी 1:29

च्‍यिबेमाना मास्‍यीकाला ख्‍याया़ला दि तामॱआङ नाङदी येह, ख्‍यागी मास्‍यीकाला यिह छ्य़ेगे च्‍यी़राङ मिहम्‍बा, यिहॱनाङ मिहरोगी तेहन्‍दाला तुहक्‍पुॱआङ खुर कोहएँ।

१ तिमोथी 1:16

दि तेहन्‍दागीॱराङ मिहरोगी ङाहला थुज्‍यी ज़ी़ नाङसीन। ओहले ङाह तिहक्‍च्‍येम्‍बाया़ नाहङला थाम्‍ज्‍यी म़ेदी छ्येस्‍यो यिहन्‍दीॱआङ ङाह लाहमले येशू मास्‍यीकाकी राहङगी था़ म़ेहबाकी ना़स्‍यीङ छ्यिम्‍बु तेन नाङज्‍येला ङाहला पे ज़्‍या़ नाङसीन। दि पे, तिङले येशूला यिह छ्य़ेदी था़ म़ेहबा मिहली ज़ाङबु ज्‍योर्केया़गी तेहन्‍दाला यिहम्‍बा।

२ तिमोथी 2:19

यिहॱनाङ, किन्‍ज्‍यो राहङगी तिङ नाङग्‍योकी मिहरोकी ब्राम नाहम-माना सान्‍दीॱराङ ओहङज्‍ये येह। ओ़ह ब्रामला दि ल़ेहमु सुङदी पार क्‍याहप नाङदी येह, “चो़वोगी राहङगी क्‍यिपाया़ला ङोह ख्‍येन नाङगे,” ओहले “चो़वोकी छेन लेहन्‍गेया़गी ना थाम्‍ज्‍यीगी ल़ेह चोक्‍पाया़ ङो़ले था़-रिहङबुराङ तेहच्‍यु।”

हिब्रू 4:15

च्‍यिबेमाना ओहराङ मा-फाम्‍बु डोएँमु ओहराङगी गो-छ्येवा पूजाहारीगी ओहराङला सेम सो च्‍य़ू नाङ ख़ूएँ। ओहराङ ल़ेहमुराङ मिहरोॱआङ थाम्‍ज्‍यीराङ से़हया़ला ङ्याहम्‍छेला छ्यि नाङसीन, यिहॱनाङ मिहरोगी तिहक्‍पा च्‍यिॱआङ जे माहनाङ।

हिब्रू 7:25

ओ़ह सोङबे मिहरोला यिह छ्य़ेदी किन्‍ज्‍यो पोहला ओहङगेया़ला मिहरोगी ताहन्‍दा दाङ नाहम माॱनाङ थार्पा थोप च्‍य़ू थुप्‍कें। च्‍यिबेमाना खुङया़गी तेहन्‍दाला किन्‍ज्‍यो ङ्याम्‍बु सोल्‍वाङ ताप नाङज्‍येला मिहरो नाहम्‍स्‍यी किन्‍दु ज़्‍य़ू नाङगे।

१ यूहन्‍ना 2:19

ओ़ह टाहया़ ओहराङ नाहङलेॱराङ थेन्‍दी काहल्‍सीन, च्‍यिबेमाना खुङ ओहराङदी मिहम्‍बा यिहन्‍गे। का़हलेॱआङ खुङया़ ओहराङदी यिहम्‍बा यिहनानी खुङ ओहराङ ङ्याम्‍बुराङ तेहच्‍ये येहकें। खुङ ओहराङदी मिहम्‍बा दु म़ेदी या़हबु पेहती क्‍यी़ह ज्‍योर्च्‍येला खुङया़गी ओहराङला क्‍युर ज़्‍या़दी काहल्‍सीन।

ज्‍याल्‍गा 22:17

नाम्‍पार-ताहक्‍पा थु दाङ नामा साम्‍बागी दि ल़ेहमु सुङ नाङगु दु, “फेप नाङदोङ।” सुगी ङ्यिहन्‍गे खोगी माज्‍यु, “फेप नाङदोङ।” सु कोम्‍गे खो ओहङज्‍यु, ओहले सुगी सेम्‍बा पेहकें खोगी मिहलीगी छ्यु आहन्‍डाराङ थुङज्‍यु।