यूहन्‍ना 6:33 - ह्योल्‍मो

³³ च्‍यिबेमाना किन्‍ज्‍योगी नाङगे खुरानी ओ़हदीॱराङ यिहन का़हन्‍दीगी स्‍यिहङगामले माहर फेप्‍ती जाम्‍बुलीङला मिहली नाङगे।”

यूहन्‍ना 6:33 ပူးပေါင်းရင်းမြစ်များ

यूहन्‍ना 13:3

याहपगी थाम्‍ज्‍यीराङ से़हया़ मिहरोगी छ्या़ला नाङदी येह, ओहले मिहरो किन्‍ज्‍यो लाहमलेॱराङ फेप नाङग्‍यो यिहम्‍बा, ओहले किन्‍ज्‍यो सालाराङ फेप नाङगेराङ येह माएँ स्‍याहल येशूला थुयी़ येहकें।

यूहन्‍ना 16:28

ङाह याहप लाहमले दि जाम्‍बुलीङला ओहङसीन, ओहले ता़ह येहपाराङ ङाह दि जाम्‍बुलीङला क्‍युर ज़्‍या़दी याहप्‍च्‍येन आबासाला डोॱराङ येह।”

यूहन्‍ना 17:8

च्‍यिबेमाना राहङगी ङाहला नाङग्‍योकी सुङदेन ङाहगी खुङया़ला तेर्ती येह, ओहले खुङया़गी ओ़ह सुङदेन ची़दे येह। ङाह तेहम्‍बाराङ याहप-साले ओहङग्‍यो यिहन म़ेदी खुङया़गी या़हबु पेहती ङोह स्‍ये़दे येह। ओहले याहपगीॱराङ ङाहला ताङ नाङग्‍यो यिहन म़ेदी खुङया़गी यिह छ्य़ेदी येह।

यूहन्‍ना 3:13

स्‍यिहङगामलेगी फेप नाङगे मिहगी स़ेबु च्‍यी़ मिहम्‍बानी लेहमेन सुज्‍यीॱआङ स्‍यिहङगामला काहल्‍दी म़ेह।

यूहन्‍ना 6:32

ओहले येशूगी खुङया़ला सुङ नाङसीन, “तेहम्‍बाराङ, ङाह ख्‍याया़ला माएँ, ख्‍याया़ला स्‍यिहङगामलेगी खुरा तेर्केन्‍दी मोशागी मिहन, यिहॱनाङ स्‍यिहङगामलेगी ख्‍याया़ला तेहन्‍दामगी खुरा नाङगेन्‍दी ङाहगी याहप यिहम्‍बा।

यूहन्‍ना 6:38

च्‍यिबेमाना ङाह राहङगी सेमला ऩेक्‍योगी तामया़ छाङबु पेहच्‍येला स्‍यिहङगामले माहर ओहङग्‍यो मिहन, यिहॱनाङ ङाहला ताङ नाङगेन्‍दीती थु-सेम छाङबु पेहच्‍येला ङाह ओहङग्‍यो यिहम्‍बा।

यूहन्‍ना 6:41

ओ़ह सोङबे यहूदीया़गी येशूला टा़ह पेहती राहङ नाहङदोङ ताम माज्‍ये छ़ूसीन, च्‍यिबेमाना येशूगी सुङ नाङसीन, “स्‍यिहङगामले ओहङग्‍योगी खुरा ङाहराङ यिहन।”

यूहन्‍ना 6:48

मिहली ज़ाङबु तेर्केन्‍गी खुरा ङाहराङ यिहन।

यूहन्‍ना 6:50

यिहॱनाङ का़हन्‍दीगी स्‍यिहङगामले ओहङग्‍योगी खुरा साहएँ खो नाहमॱआङ स्‍यिज्‍ये म़ेह।

यूहन्‍ना 6:58

स्‍यिहङगामले ओहङग्‍योगी खुरानी ख्‍यागी आख्‍ये मे़हमेया़गी साहक्‍योगी खुरा ल़ेहमु मिहम्‍बा। ओ़ह खुरा ख्‍यागी आख्‍ये मे़हमेया़गी साहसीन ओहले स्‍यिसीन। यिहॱनाङ दि खुरा साहएँया़दी नाहमॱआङ स्‍यिज्‍ये म़ेह।”

यूहन्‍ना 8:42

येशूगी खुङया़ला सुङ नाङसीन, “तेहम्‍बाराङ, ख्‍यागी याहप किन्‍ज्‍यो यिहन्‍गे यिहनानी ख्‍याया़गी ङाहला चेवा पेहच्‍ये येहकें, च्‍यिबेमाना ङाह किन्‍ज्‍यो लाहमले थेन्‍दी ओहङसीन ओहले ङाह ताहन्‍दा देला येहबा। ङाहला ओहङज्‍ये सेम क़ेदी ङाह ओहङग्‍यो मिहन, यिहॱनाङ याहपगी ङाहला ताङ नाङसीन।

१ तिमोथी 1:15

येशू मास्‍यीका तिहक्‍च्‍येम्‍बाया़लाॱराङ थार च्‍य़ू नाङज्‍येला दि जाम्‍बुलीङला फेप नाङग्‍यो यिहम्‍बा, दि सुङ मिह थाम्‍ज्‍यीगी ची़ कोहकेन्‍गी तेहन्‍दामकी ताम यिहम्‍बा। ओहले तिहक्‍च्‍येम्‍बाया़ नाहङला ङाह थाम्‍ज्‍यी म़ेदी छ्येस्‍यो यिहम्‍बा।