यूहन्‍ना 6:14 - ह्योल्‍मो

¹⁴ येशूगी जे नाङग्‍योकी दि रोहवा याहम्‍जेन छ्येवागी छ्या़ले थोङदी मिहया़गी मासीन, “जाम्‍बुलीङला फेप्‍च्‍ये येह म़ेदी ओहराङगी रेहवा पेहक्‍योकी लुहङतेम्‍बानी तेहम्‍बा-तेहन्‍सुमॱराङ मिह-रो़हराङ गा यिहन्‍गे दुबा!”

यूहन्‍ना 6:14 ပူးပေါင်းရင်းမြစ်များ

मत्ती 11:3

खुङया़ ओहङदी येशूला दि ल़ेहमु म़ेदी स्‍युहसीन, “ङ्यिहगी रेहवा पेहक्‍योगी थार्पा नाङगेन्‍गी क्‍याहल्‍बु राहङराङ यिहम्‍बानी ङ्यिहगी लेहमेन सुज्‍यीगी लाहम ता कोहएँ?”

मत्ती 21:11

मिह मिह-माहङगी ल़ेहन क्‍याहप्‍सीन, “दि खोनी गालील साने़की नासरतले फेप नाङग्‍योकी लुहङतेम्‍बा येशू यिहम्‍बा।”

लूका 24:19

येशूगी खुङ ङ्यी़ला, “च्‍यि ताम?” सुङदी टी़ह नाङसीन ओहजेला खुङ ङ्यी़गी, “नासरतगी येशूगी तेहन्‍दाला, येशू लुहङतेम्‍बा येहकें, ओहले किन्‍ज्‍यो दाङ मिह थाम्‍ज्‍यीगी दिनला ओङ छ्यिम्‍बुगी छ्या़ले जे नाङगे दाङ ज्‍यिबुराङ या़हबु सुङदेन नाङगेन्‍गी लुहङतेम्‍बा यिहन्‍गे।

लूका 7:16

येशूगी याहम्‍जेम्‍बागी छ्या़ले थोङदी मिह थाम्‍ज्‍यीराङ ह्‍अ ल़ेहसीन। ओहले किन्‍ज्‍योला ज्‍यिक्‍पा पेहती त़ेरा फुल्‍दी मासीन “ज्‍यिबुराङ चा़ छ्यिम्‍बुगी लुहङतेम्‍बा च्‍यी़ ओहराङगी पाहरक्‍यीलाॱआङ फेप नाङसीन दु, ओहले किन्‍ज्‍यो राहङगी मिहया़ला थार च्‍य़ूज्‍येला फेप नाङग्‍यो यिहन!”

यूहन्‍ना 1:21

ओहजेला खुङया़गी यूहन्‍नाला दि ल़ेहमु म़ेदी टी़हसीन, “आहन्‍डा यिहन्‍सीमाना ख्‍ये सु यिहम्‍बा ले? च्‍यि ख्‍ये एलिया यिहम्‍बा?” यूहन्‍नागी मासीन, “अहँ, ङाह मिहन।” “आहना ख्‍ये ओ़ह लुहङतेम्‍बा यिहम्‍बा ले?” यूहन्‍नागी मासीन, “मिहम्‍बा!”

यूहन्‍ना 11:27

ओहले मार्थागी येशूला स्‍युहसीन, “लाहसो लाह चो़वो, राहङराङ जाम्‍बुलीङला फेप नाङगेन्‍गी किन्‍ज्‍योगी स़ेबु मास्‍यीका यिहम्‍बा म़ेदी ङाह यिह छ्य़ेगे।”

यूहन्‍ना 2:11

मिहरोगी याहम्‍जेन छ्येवागी ताक्‍छेनया़ नाहङला दि तोहङस्‍यो ताक्‍छेन यिहम्‍बा। दि येशूगी गालील साने़की काना माएँ क्‍याहसाला जे नाङसीन। दि ल़ेहमु जेती मिहरोगी राहङगी ज़िज्‍यिद तेन नाङसीन, ओहले मिहरोकी स्‍याहप्‍च्‍यीया़गी मिहरो थो़ला यिह छ्य़ेसीन।

यूहन्‍ना 4:19

ओ़ह पी़हमीगी येशूला स्‍युहसीन, “लाहसो लाह, राहङनी लुहङतेम्‍बा गा यिहन्‍गे दुबा।

यूहन्‍ना 4:25

ओहले ओ़ह पी़हमीगी स्‍युहसीन, “ङाहला क्‍यी़ह येह, थार्पा नाङगेन्‍गी मास्‍यीका फेप नाङज्‍ये येह, ओहले मिहरो फेप फान्‍ज्‍यो मिहरोगीॱराङ ङ्यिहला थाम्‍ज्‍यीराङ केच्‍याया़ स्‍य़े नाङज्‍ये येह।”

यूहन्‍ना 4:42

ओहले खुङया़गी ओ़ह पी़हमीला मासीन, “ता़ह ख्‍येगी स्‍य़ेक्‍यो तामगी च्‍यी़राङ पेहती ङ्यिहगी यिह छ्य़ेक्‍यो मिहम्‍बा, यिहॱनाङ ङ्यिह राहङगीराङ मिहरोगी सुङदेन ङ्यिहन्‍ग्‍यो सोङबे तेहम्‍बा-तेहन्‍सुमॱराङ मिहरो जाम्‍बुलीङगी मिहया़ला थार्पा थोप च्‍य़ू नाङगेन्‍दी यिहम्‍बा दु म़ेदी ङ्यिहगी ङोह स्‍य़ेदी येह।”

यूहन्‍ना 6:2

ओहले मिहया़ बुङजी क्‍याहप्‍ती येशूगी तिङ ङ्यादी ओहङसीन च्‍यिबेमाना येशूगी नेहपाया़ला याहम्‍जेन छ्येवा जेती टा़ह च्‍य़ू नाङगेन खुङया़गी थोङदी येहकें।

यूहन्‍ना 6:26

ओहले येशूगी खुङया़ला सुङ नाङसीन, “तेहम्‍बाराङ ङाह ख्‍याया़ला माएँ, ख्‍यागी ताक्‍छेनया़ थोङग्‍यो सोङबे मिहम्‍बा, यिहॱनाङ साह ख़ूएँ थु खुरा साहक्‍यो सोङबे गा ख्‍यागी ङाहला छोल्‍ग्‍यो यिहन।

यूहन्‍ना 6:30

ओ़ह सोङबे खुङया़गी येशूला स्‍युहसीन, “ङ्यिहगी राहङला यिह-छ्य़े पेहच्‍येला राहङगी ङ्यिहला काहन्‍डुमु ताक्‍छेनया़ तेन नाङगे ले? केरे तेन नाङदोङ ले?

यूहन्‍ना 7:40

दि केच्‍या थे़गे लाहला मिहया़गी मासीन, “तेहम्‍बा-तेहन्‍सुमॱराङ दि मिह नि मिहया़गी रेहवा पेहक्‍योकी लुहङतेम्‍बा गा यिहन्‍गे दुबा।”

ल़ेह-पेन 7:37

ओ़ह मोशागीराङ इस्राएलीया़ला, ‘किन्‍ज्‍योगी ख्‍याराङ आदा-नो़हया़गी पाहरक्‍यीले ङाह ल़ेहमुराङ लुहङतेम्‍बा च्‍यी़ ख्‍याया़साला ताङ नाङज्‍ये येह’ म़ेदी मासीन।