यूहन्‍ना 5:45 - ह्योल्‍मो

⁴⁵ ङाहगी ख्‍याया़ला याहपकी दिनला फातुर च़ूगे म़ेदी ख्‍याया़गी सेमला मा़हने। ख्‍याया़गी रेहवा पेहक्‍योगी मोशागीराङ ख्‍याया़ला फातुर च़ूज्‍ये येह।

यूहन्‍ना 5:45 ပူးပေါင်းရင်းမြစ်များ

लूका 16:29

ओहले अब्राहामगी सुङ नाङसीन, ‘खुङ ङ्याम्‍बु मोशागी नाङग्‍यो छ्य़े-ठिम दाङ लुहङतेम्‍बाया़गी नाङग्‍यो छ्य़े येहॱराङ येह। खुङया़गी ओ़ह ङ्यिहन्‍ज्‍यु।’

यूहन्‍ना 12:48

ङाहला मा-लोक पेहकें दाङ ङाहती ताम मिहङ्यीहन्‍गेनया़ला ठिम ताङ नाङगे मेहन्‍दा च्‍यी़ ज़्‍य़ू नाङदी येह। ङाहगी माक्‍यो तामगीराङ खोला तिङस्‍यो ङ्यिहमाला ठिम ताङज्‍ये येह।

यूहन्‍ना 7:19

च्‍यि मोशागी ख्‍याया़ला छ्य़े-ठिम नाङग्‍यो मिहम्‍बा ले? यिहॱनाङ ख्‍या सुज्‍यीगीॱआङ ओ़ह छ्य़े-ठिम मी़हचीएँ दु। ख्‍याया़गी ङाहला च्‍यिबे सेच्‍ये छोल्‍गे?”

यूहन्‍ना 8:9

दि स्‍याहल थे़दे खुङया़ तोहङस्‍यो के़हङगेनया़ यिहन्‍ज्‍यु छ़ूदी पेहजाया़ थु राहप-ताङ रिहम्‍बा पेहती ओ़ह ग्‍या़ले थेन्‍दी काहल्‍सीन। ओहले येशू दाङ ओ़ह पी़हमी च्‍यी़राङ ओ़हला लिहसीन, ओहले ओ़ह पी़हमी येशूगी दिनला लाहङदी तेहसीन।

रोमी 2:12

किन्‍ज्‍योगी नाङग्‍यो छ्य़े-ठिम माहन्‍ज्‍योर्पाला सु सुगी तिहक्‍पा पेहपा, खुङ ओ़ह छ्य़े-ठिम माहन्‍ज्‍योर्पालाॱराङ तोङदी डोज्‍ये येह। ओहले छ्य़े-ठिम चो़ला तेहतीॱआङ तिहक्‍पा पेहकेनया़ला छ्य़े-ठिम लाहमलेॱराङ ठिम ताङज्‍ये येह।

गलाती 3:10

छ्य़े-ठिमकी ल़ेहया़ थो़ला यिह छ्य़ेगे मिह थाम्‍ज्‍यीला मे़मु सू़हदे येहबा, च्‍यिबेमाना छ्य़ेला दि ल़ेहमु प्री़हदे येहबा, “छ्य़े-ठिमला प्रुहक्‍योकी थाम्‍ज्‍यीराङ काया़ मी़हचीगे दाङ मिहङ्यीहन्‍गे मिह थाम्‍ज्‍यीला मे़मु सू़हज्‍ये येह।”