यूहन्‍ना 5:4 - ह्योल्‍मो

⁴ च्‍यिबे मासीमाना, नाहम-नाहम चो़वोगी स्‍याहप्‍च्‍यी च्‍यी़ माहर फेप्‍ती कोल्‍मुगी छ्यु युङ नाङगो येहकें। ओहले छ्यु युहङ फान्‍ज्‍यो तोहङस्‍यो छ्यु नाहङला स्‍य़ूहगेन नेहपादी काहन्‍डुमु नाहजा क्‍याहप्‍क्‍यो येहॱनाङ टा़हउ येहकें।]

यूहन्‍ना 5:4 ပူးပေါင်းရင်းမြစ်များ

मत्ती 11:12

बप्‍तिस्‍मा तेर्केन यूहन्‍नागी ती़हजी यिहन्‍ज्‍यु नाहरे थु किन्‍ज्‍योगी क्‍याहल्‍सी स्‍युक छ्यिम्‍बु पेहती तोहङला डोॱराङ येहबा, ओहले टाह पेहकेनया़गीदी ओ़ह थो़ला उर्चु पेहती क्‍याहल्‍ज्‍ये छोल्‍गेराङ येहबा।

मत्ती 6:33

यिहॱनाङ तोहङले किन्‍ज्‍योगी क्‍याहल्‍सी छोल्‍दोङ ओहले किन्‍ज्‍योगी काया़ डुप्‍तोङ ओहले किन्‍ज्‍योगी दि थाम्‍ज्‍यीराङ ख्‍याया़ला पा़हदी नाङज्‍ये येह।

लूका 13:24

ओहले येशूगी सुङ नाङसीन, “स्‍याहङ फेमागी कोह लाहमले नाहङला स्‍य़ूहज्‍येला निङरु पेहतोङ। ङाहगी ख्‍याला माएँ, मिह माहङबुराङ ओ़ह स्‍याहङ फेमागी कोह लाहमले नाहङला स्‍य़ूहज्‍ये छोल्‍ज्‍ये येह, यिहॱनाङ स्‍य़ूह ख़ूज्‍ये म़ेह।

लूका 16:16

ओहले येहपाराङ, बप्‍तिस्‍मा तेर्केन यूहन्‍नागी ती़हजी थु मोशागी नाङग्‍यो छ्य़े-ठिम दाङ लुहङतेम्‍बाया़गी तेहन्‍दाला ख्‍येप्‍टा ताङसीन। ओहलेगी छुरॱताप किन्‍ज्‍योगी क्‍याहल्‍सीगी लेहङगु या़हबु स्‍ये यिहन्‍ज्‍यु मिहया़ किन्‍ज्‍योगी क्‍याहल्‍सी नाहङला स्‍य़ूहज्‍येला स्‍युक पेहकेन राङ येह।

यूहन्‍ना 5:3

ओहले ओ़ह तेहरीला मी़ मेहथोङगेनया़, काङबा कुच्‍याया़ ओहले काङबा लाहक्‍पा स्‍योरक्‍योगी नेहपाया़ माहङबुराङ तेहक्‍यो ओहङगो येहकें। [खुङ नाहम छोगी छ्यु युहङवा म़ेदी कू़हदे तेहको येहकें।

यूहन्‍ना 5:5

ओहले ओ़ह छो सुहरला ने़हदी लोह सो-क्‍ये़ह काहल्‍ग्‍योगी नेहपा च्‍यी़ येहकें।

यूहन्‍ना 5:7

ओ़ह नेहपागी स्‍युहसीन, “लाहसो लाह, छ्यु युहङगेमु ङाहला छ्यु नाहङला क्‍याल तेर्केन ङाहती मिह सुज्‍यीॱआङ म़ेह। ओहले ङाहराङ डोज्‍ये छोल्‍गेमुनी लेहमेन मिह तोहङले काहल सिहन्‍ग्‍यो ओहङगे।”

१ कोरिन्‍थी 6:11

ख्‍या नाहङला लाहला ओ़ह ल़ेहमुराङ येहकें, यिहॱनाङ ताहन्‍दा चो़वो येशू मास्‍यीका लाहमले ख्‍याया़ चाङमा दाङ नाम्‍पार-ताहक्‍पा काहल्‍सीन ओहले किन्‍ज्‍योकी थु लाहमले ख्‍याला च्‍यिॱआङ क्‍येन म़ेहबा सी़ह ख़ूसीन।

१ यूहन्‍ना 1:7

यिहॱनाङ मिहरो येहसेरला ज़्‍य़ू नाङग्‍यो ल़ेहमुराङ का़हलेॱआङ ओहराङॱआङ येहसेरला डोलु-तेहलु पेहसीनमाना, च्‍यी़गी च्‍यी़ ङ्याम्‍बु ओहराङगी छोक्‍पा ओहङगे ओहले मिहरोगी स़ेबु येशूकी ठा़गी ओहराङगी थाम्‍ज्‍यीराङ तिहक्‍पाया़ला चाङमा ज़ो नाङगे।