यूहन्‍ना 5:37 - ह्योल्‍मो

³⁷ ङाहला ताङ नाङगेन याहप राहङगीराङ ङाहगी तेहन्‍दाला पाङबु नाङदी येह। मिहरोगी सुङ-क़े ख्‍याया़गी नाहमॱआङ थे़दे म़ेह, ओहले मिहरोगी कुसोला नाहमॱआङ थोङदी म़ेह।

यूहन्‍ना 5:37 ပူးပေါင်းရင်းမြစ်များ

मत्ती 17:5

पत्रुसगी दि ल़ेहमु पेहती ताम म़ेदी तेहकेमु येहपा छ्या़क्‍योगी मुक्‍पा ओहङसीन ओहले मुक्‍पा थेन ओहङदी खुङ थो़ला टिहप्‍सा क्‍याहप्‍सीन, ओहले मुक्‍पा नाहङलेगी दि ल़ेहमु सुङ-क़े च्‍यी़ थ़ेसीन, “दि ङाहगी च्‍याहम्‍बु पेहक्‍योगी स़ेबु यिहन, खो ङ्याम्‍बु ङाह ज्‍यिबुराङ काहसो येह। खोगी माक्‍यो ख्‍याया़गी ङ्यिहन्‍दोङ।”

मत्ती 3:17

ओ़हजेलाराङ स्‍यिहङगामले, “दि ङाहगी च्‍याहम्‍बु पेहक्‍योगी स़ेबु यिहन, खो ङ्याम्‍बु ङाह ज्‍यिबुराङ सेम काहसो येह” म़ेदी माएँ सुङ-क़े च्‍यी़ थ़ेसीन।

मर्कूस 1:11

ओहले स्‍यिहङगामले माहर दि ल़ेहमु सुङ-क़े च्‍यी़ थ़ेसीन, “ख्‍ये ङाहगी च्‍याहम्‍बु पेहक्‍योगी स़ेबु यिहम्‍बा, ख्‍ये ङ्याम्‍बु ङाह ज्‍यिबुराङ काहसो येह।”

लूका 24:27

ओहले मोशा दाङ थाम्‍ज्‍यीराङ लुहङतेम्‍बाया़गी सुङरापला येशूगी तेहन्‍दाला प्रुहक्‍योगी केच्‍या खुङया़ला ह्‍अ कोह च्‍य़ू नाङसीन।

लूका 3:22

ओहले नाम्‍पार-ताहक्‍पा थु दुङगुकुरगी ङ्य़ेहरीला येशू थो़ला फेप नाङसीन ओहले स्‍यिहङगामले माहर दि ल़ेहमु सुङ-क़े च्‍यी़ थ़ेसीन, “ख्‍ये ङाहगी च्‍याहम्‍बु पेहक्‍योगी स़ेबु यिहम्‍बा, ख्‍ये ङ्याम्‍बु ङाह ज्‍यिबुराङ सेम काहसो येह।”

यूहन्‍ना 1:18

किन्‍ज्‍योला सुगीॱआङ नाहमॱआङ थोङदी म़ेह, यिहॱनाङ किन्‍ज्‍यो याहप ङ्याम्‍बु ज़्‍य़ू नाङगेन च्‍यिमे च्‍यी़राङ स़ेबु किन्‍ज्‍योगी मिहरोला तेन नाङदी येह।

यूहन्‍ना 14:9

येशूगी खोला सुङ नाङसीन, “फिलिप, ओहजे ङ्यिहमा थु ङाह ख्‍या ङ्याम्‍बु तेहतीॱआङ तोहरोङॱआङ ख्‍येगी ङाहला ङोह मा़हस्‍येबा? ङाहला थोङगेन्‍दीगी याहपलाॱआङ थोङ सिहन्‍दी येह। ओ़ह सोङबे ख्‍ये ‘ङ्यिहला याहप तेन नाङदोङ’ म़ेदी काह-ठि पेहती मा ख़ूएँ?

यूहन्‍ना 15:24

लेहमेन सुज्‍यीगीॱआङ माहबेबाकी याहम्‍जेन छ्येवागी ल़ेहया़ ङाहगी खुङया़की पाहरक्‍यीला माहबेबा यिहनानी खुङला तिहक्‍पाकी ङ्य़ेहबा फो़ज्‍ये म़ेहबा येहकें। यिहॱनाङ, ता़ह ङाहगी पेहक्‍यो दि ल़ेह थाम्‍ज्‍यी खुङया़गी थोङ सिहन्‍दी येह यिहॱनाङ खुङगी ङाह दाङ ङाहती याहपला ङ्येन्‍ज्‍येन पेहकें।

यूहन्‍ना 5:32

ङाहती तेहन्‍दाला पाङबु नाङगेन्‍दी लेहमेनॱराङ ज़्‍य़ू नाङदी येह, ओहले ङाहला क्‍यी़ह येहबा, ङाहगी तेहन्‍दाला मिहरोगी च्‍यि पाङबु नाङगे, ओ़ह ठाबे सी़हगे।”

यूहन्‍ना 6:27

तोङदी डोएँगी खुराकी तेहन्‍दाला तुहक्‍पु माहबे, यिहॱनाङ था़ म़ेहबा मिहली ज़ाङबु तेर्केन खुराकी तेहन्‍दाला तुहक्‍पु पेहतोङ, ओ़ह ख्‍याया़ला मिहगी स़ेबुगी नाङज्‍ये येह। च्‍यिबेमाना किन्‍ज्‍यो याहपगी स़ेबु थो़ला राहङदी पार क्‍याहप नाङदी येह।”

यूहन्‍ना 8:18

ङाहगी तेहन्‍दाला ङाह राहङगीराङ पाङबु तेर्के, ओहले ङाहला ताङ नाङगेन याहपगी ङाहगी तेहन्‍दाला पाङबु नाङगे।”

१ तिमोथी 1:17

ता़ह नाहम्‍स्‍यी किन्‍दुगी क्‍याहल्‍बु, नाहम-माना ज़्‍य़ू नाङगे ओहले थोङ मी़हखुएँगी च्‍यी़मे च्‍यी़राङ किन्‍ज्‍योला नाहम-माना ची़नाङ ओहङज्‍यु, नाहम-माना ज़िज्‍यिद ओहङज्‍यु। आमेन।

१ तिमोथी 6:16

नाहमॱआङ टोहङ मेहनाङगेन्‍दीनी किन्‍ज्‍यो च्‍यी़राङ यिहम्‍बा ओहले मिहरो सुॱआङ लेप मी़हखुएँगी क्‍या-साङेला ज़्‍य़ू नाङगे। मिहरोला सुज्‍यीगीॱआङ नाहरे थु थोङदी म़ेह ओहले थोङॱआङ मी़हखुएँ। नाहम माॱनाङ ज़्‍य़ू नाङगेन्‍गी ओङ दाङ चा़ मिहरो ङ्याम्‍बुराङ ज़्‍य़ू नाङज्‍यु। आमेन।

१ यूहन्‍ना 4:12

किन्‍ज्‍योला सुगीॱआङ नाहमॱआङ थोङदी म़ेह। यिहॱनाङ ओहराङगी च्‍यी़गी च्‍यी़ला चेवा पेहसीमाना किन्‍ज्‍यो ओहराङ नाहङलाराङ ज़्‍य़ू नाङगे, ओहले ओहराङ लाहमले किन्‍ज्‍योगी चेवा छाङबु डोएँ।

१ यूहन्‍ना 4:20

सुज्‍यीगी “ङाह किन्‍ज्‍योला चेवा पेहकें” म़ेदी माएँ यिहॱनाङ राहङगी आदा-नो़ह दाङ आज्‍यी-नुहमुला ङेन्‍ज्‍येन पेहसीनमाना खो स्‍योप्‍क्‍येरे यिहम्‍बा। राहङगी थोङग्‍यो आदा-नो़ह दाङ आज्‍यी-नुहमुला चेवा पेह मी़हखुएँ मिहगी थोङॱराङ माहथोङबाकी किन्‍ज्‍योला काह-ठि पेहती चेवा पेह खू़रो ले?

१ यूहन्‍ना 5:9

मिहगी तेरक्‍यो पाङबुला ङ्यिह यिह छ्य़ेगे। यिहॱनाङ किन्‍ज्‍योगी नाङग्‍यो पाङबु ओ़ह म़ेदीॱआङ स्‍युक छ्यिम्‍बु येह। किन्‍ज्‍योगीॱराङ राहङगी स़ेबुगी तेहन्‍दाला पाङबु नाङग्‍यो येहबा।