यूहन्‍ना 5:36 - ह्योल्‍मो

³⁶ “यिहॱनाङ यूहन्‍नागी तेरक्‍यो पाङबु म़ेदीॱआङ छ्यिम्‍बु पाङबु ङाह ङ्याम्‍बु येह। च्‍यिबेमाना का़हन्‍दी ल़ेहया़ छाङबु पेहच्‍येला याहपगी ङाहला ताङ नाङग्‍यो यिहम्‍बा, ओ़ह ल़ेहया़ ङाहगी पेहकेनॱराङ येह, ओ़ह सोङबे ङाहला याहपगी ताङ नाङग्‍यो यिहन म़ेदी ओ़ह ल़ेहया़गीॱराङ ङाहगी तेहन्‍दाला पाङबु तेर्के।

यूहन्‍ना 5:36 ပူးပေါင်းရင်းမြစ်များ

मत्ती 11:4

ओहले येशूगी खुङया़ला, “ख्‍याया़गी थे़क्‍यो दाङ थोङग्‍योकी केच्‍याया़ यूहन्‍नाला स्‍ये तेर” म़ेदी सुङ नाङसीन।

लूका 2:49

ओहजेला येशूगी सुङ नाङसीन, “ङाहला च्‍यिबे छोल नाङग्‍यो ले? ङाह राहङगी याहपगी खाङबाला ओहङ कोहकें माएँ ताम च्‍यि राहङया़ला थुयी़ म़ेहबा लाह?”

यूहन्‍ना 10:25

ओहले येशूगी खुङया़ला सुङ नाङसीन, “ङाहगी तोहङलेराङ ख्‍याया़ला मा सिहन्‍दी येह, यिहॱनाङ ख्‍यागी यिह मे़हछ्ये दु। ङाहगी याहपकी छेनला च्‍यि च्‍यि ल़ेहया़ पेहपा, ओ़ह ल़ेहया़गीॱराङ ङाह सु यिहम्‍बा म़ेदी तेन्‍गे।

यूहन्‍ना 11:37

यिहॱनाङ लाहलागी मासीन, “च्‍यि मी़ मेहथोङगे मिहला मी़ थोङगेन ज़ो थुप्‍के मिहगी दि लाजरसॱलाङ स्‍यिवालेगी थार च्‍य़ू ख़ूज्‍ये म़ेहबा येहकें ले?”

यूहन्‍ना 15:24

लेहमेन सुज्‍यीगीॱआङ माहबेबाकी याहम्‍जेन छ्येवागी ल़ेहया़ ङाहगी खुङया़की पाहरक्‍यीला माहबेबा यिहनानी खुङला तिहक्‍पाकी ङ्य़ेहबा फो़ज्‍ये म़ेहबा येहकें। यिहॱनाङ, ता़ह ङाहगी पेहक्‍यो दि ल़ेह थाम्‍ज्‍यी खुङया़गी थोङ सिहन्‍दी येह यिहॱनाङ खुङगी ङाह दाङ ङाहती याहपला ङ्येन्‍ज्‍येन पेहकें।

यूहन्‍ना 17:4

राहङगी ङाहला चि क्‍याहप नाङग्‍योकी छ्या़लेन तेहन्‍दा डुप च्‍य़ूदी ङाहगी राहङगी छेन दि जाम्‍बुलीङला छ्यिम्‍बु जे़दी येह।

यूहन्‍ना 2:23

थार्पा छ्येपागी ती़हजीला यरूशलेमला ज़्‍य़ू नाङगेमु येशूगी माहङबुराङ याहम्‍जेन छ्येवागी छ्या़लेया़ जे नाङसीन। दि थोङदी मिह माहङबुगीराङ येशूला यिह छ्य़ेसीन।

यूहन्‍ना 3:17

च्‍यिबेमाना किन्‍ज्‍योगी जाम्‍बुलीङला ङ्य़ेहबा फो़ च्‍य़ूज्‍ये म़ेदी स़ेबुला दि जाम्‍बुलीङला ताङ माहनाङ यिहॱनाङ जाम्‍बुलीङ मिहरो लाहमले थार ख़ूज्‍यु म़ेदी स़ेबुला दि जाम्‍बुलीङला ताङ नाङसीन।

यूहन्‍ना 3:2

ओहले कुहङमु च्‍यी़ खो येशूसाला ओहङदी मासीन, “लोबेन ला़ह, ङ्यिहला क्‍यी़ह येह राहङ किन्‍ज्‍यो लाहमले ङ्यिहला लोप्‍च्‍येला फेप नाङग्‍यो यिहम्‍बा, च्‍यिबेमाना किन्‍ज्‍यो राहङ ङ्याम्‍बु ज़्‍य़ू माहनाङबा यिहनानी राहङगी जे नाङग्‍यो ल़ेहमु दि याहम्‍जेम्‍बागी ताक्‍छेनया़ सुज्‍यीगीॱआङ पेह मी़हखुएँ।”

यूहन्‍ना 4:34

ओहले येशूगी खुङया़ला सुङ नाङसीन, “ङाहला ताङ नाङगेन याहपकी का दाङ मिहरोगी छ्या़ले छाङबु पेहकेन्‍दीराङ ङाहती साहप्‍च्‍या यिहम्‍बा।

यूहन्‍ना 5:32

ङाहती तेहन्‍दाला पाङबु नाङगेन्‍दी लेहमेनॱराङ ज़्‍य़ू नाङदी येह, ओहले ङाहला क्‍यी़ह येहबा, ङाहगी तेहन्‍दाला मिहरोगी च्‍यि पाङबु नाङगे, ओ़ह ठाबे सी़हगे।”

ल़ेह-पेन 2:22

“इस्राएली आदा-नो़हया़, ङाहगी ताम सेन नाङदोङ। किन्‍ज्‍योगी येशू लाहमले ख्‍या फे़बेया़गी पाहरक्‍यीला ओङ छ्यिम्‍बुगी छ्या़लेया़ जे-नाङदी याहम्‍जेन छ्येवागी ताक्‍छेनया़ तेन नाङग्‍योदीनी ख्‍या फे़बेया़ला थुयी़राङ येहबा। ओ़ह ताक्‍छेनया़ लाहमले किन्‍ज्‍योगी नासरतकी येशूला राहङगीराङ ताङग्‍यो यिहम्‍बा म़ेदी दास्‍यी नाङसीन।

१ यूहन्‍ना 5:9

मिहगी तेरक्‍यो पाङबुला ङ्यिह यिह छ्य़ेगे। यिहॱनाङ किन्‍ज्‍योगी नाङग्‍यो पाङबु ओ़ह म़ेदीॱआङ स्‍युक छ्यिम्‍बु येह। किन्‍ज्‍योगीॱराङ राहङगी स़ेबुगी तेहन्‍दाला पाङबु नाङग्‍यो येहबा।