यूहन्‍ना 5:26 - ह्योल्‍मो

²⁶ च्‍यिबेमाना याहप राहङ ङ्याम्‍बुराङ मिहली येहबा ओहले मिहरोगी राहङगी स़ेबुॱलाङ मिहली तेर्केन्‍गी ओङ नाङदी येहबा।

यूहन्‍ना 5:26 ပူးပေါင်းရင်းမြစ်များ

यूहन्‍ना 1:4

मिहरो ङ्याम्‍बु मिहली येहकें, ओहले ओ़ह मिहली मिहया़गी येहसेर येहकें।

यूहन्‍ना 10:18

सुज्‍यीगीॱआङ ङाहलेगी ङाहती मिहजी ल़ेहन मी़हखुएँ, यिहॱनाङ ङाहला सेम ने़क्‍यो सोङबे ङाहती मिहजी चि क्‍याहप्‍को येह। ङाहती मिहजी चि क्‍याहप्‍केन्‍गी ओङ ङाह ङ्याम्‍बु येहबा, ओहले येहपाराङ लो लेहन्‍गेन्‍गी ओङॱआङ ङाह ङ्याम्‍बु येहबा। दि का ङाहती याहप लाहमले ङाहगी ज़्‍योरक्‍यो यिहम्‍बा” म़ेदी येशूगी सुङ नाङसीन।

यूहन्‍ना 11:25

ओहले येशूगी मोहला सुङ नाङसीन, “स्‍यिक्‍योया़ला सोम्‍बो लो़ह च्‍य़ूगे दाङ मिहली ज़ाङबु तेर्केन्‍दी ङाहराङ यिहन। ङाहला यिह छ्य़ेगेया़ स्‍यिॱना़ङ खो सोम्‍बो लो़हज्‍ये येह।

यूहन्‍ना 11:26

ओहले ङाहला यिह छ्य़ेदी थार फान्‍ज्‍यो खो येहपाराङ नाहमॱआङ स्‍यिज्‍ये म़ेह। च्‍यि ख्‍ये दि तामला यिह छ्य़ेगे?”

यूहन्‍ना 14:19

ता़ह ङ्यिहमा तोबा तिङले जाम्‍बुलीङगी ङाहला नाहमॱआङ थोङज्‍ये म़ेह, यिहॱनाङ ख्‍याया़गी ङाहला थोङज्‍ये येह। ङाह सोम्‍बो यिहन्‍गे सोङबे ख्‍याया़ॱआङ सोम्‍बो ओहङज्‍ये येह।

यूहन्‍ना 14:6

ओहले येशूगी खोला सुङ नाङसीन, “लाहम, तेहन्‍दाम दाङ मिहली ङाहराङ यिहन। ङाह लाहमले पेहती मिहम्‍बानी सुज्‍यीॱआङ याहप्‍च्‍येन आबासाला लेप मी़हखुएँ।

यूहन्‍ना 4:10

येशूगी मोहला सुङ नाङसीन, “ख्‍येगी किन्‍ज्‍योगी काबाप दाङ ख्‍ये ङ्याम्‍बु छ्यु लाङगे मिहला ङोह स्‍य़ेक्‍यो येहनानी ख्‍येगी गा खो ङ्याम्‍बु लाङज्‍ये येहकें, ओहले खोगी ख्‍येला मिहली तेर्केन्‍गी छ्यु तेर्च्‍ये येहकें।”

यूहन्‍ना 6:57

सोम्‍बो ज़्‍य़ू नाङगेन याहपगी ङाहला ताङ नाङसीन ओहले ङाह मिहरो लाहमलेॱराङ सोम्‍बो येह, ओ़हठीॱराङ पेहती ङाहला साहएँदीॱआङ ङाह लाहमलेॱराङ सोम्‍बो ओहङज्‍ये येह।

यूहन्‍ना 8:51

तेहम्‍बाराङ ङाह ख्‍याया़ला माएँ, ङाहगी सुङदेन ङ्यिहन्‍गेया़ नाहमॱआङ स्‍यि कोहज्‍ये म़ेह।”

ल़ेह-पेन 17:25

किन्‍ज्‍योला मिहया़गी फुल्‍ग्‍यो से़हया़ च्‍यिॱआङ कोहपु म़ेह। तोहरोङ किन्‍ज्‍योगी गा मिहया़ला मिहली, सो दाङ कोहकेन्‍गी ना थाम्‍ज्‍यीराङ से़हया़ नाङगे।

१ कोरिन्‍थी 15:45

ओ़ह सोङबे छ्य़ेला दि ल़ेहमु प्रुहक्‍यो येहबा, “तोहङस्‍यो मिह आदमदी मिहली ज्‍योर्केन्‍गी मिह येहकें।” यिहॱनाङ तिङस्‍यो आदमदी मिहली नाङगेन्‍गी थु काहल्‍सीन।

१ तिमोथी 1:17

ता़ह नाहम्‍स्‍यी किन्‍दुगी क्‍याहल्‍बु, नाहम-माना ज़्‍य़ू नाङगे ओहले थोङ मी़हखुएँगी च्‍यी़मे च्‍यी़राङ किन्‍ज्‍योला नाहम-माना ची़नाङ ओहङज्‍यु, नाहम-माना ज़िज्‍यिद ओहङज्‍यु। आमेन।

१ तिमोथी 6:16

नाहमॱआङ टोहङ मेहनाङगेन्‍दीनी किन्‍ज्‍यो च्‍यी़राङ यिहम्‍बा ओहले मिहरो सुॱआङ लेप मी़हखुएँगी क्‍या-साङेला ज़्‍य़ू नाङगे। मिहरोला सुज्‍यीगीॱआङ नाहरे थु थोङदी म़ेह ओहले थोङॱआङ मी़हखुएँ। नाहम माॱनाङ ज़्‍य़ू नाङगेन्‍गी ओङ दाङ चा़ मिहरो ङ्याम्‍बुराङ ज़्‍य़ू नाङज्‍यु। आमेन।

हिब्रू 1:2

यिहॱनाङ ता़ह दि तिङस्‍यो ङ्यिहमाया़ला मिहरो राहङगी स़ेबु लाहमले ओहराङ ङ्याम्‍बु स्‍याहल सुङ नाङदी येह। स़ेबुलाॱराङ मिहरोकी रेबेॱराङ से़हया़दी ताहक्‍पु ओहङज्‍येला दाम नाङसीन, ओहले स़ेबु लाहमलेॱराङ मिहरोगी रेबेॱराङ से़हया़ छ्या़ च्‍य़ू नाङसीन।

ज्‍याल्‍गा 21:6

ओहले मिहरोगी ङाहला सुङ नाङसीन, “ता़ह चो़हसीन। ङाह अल्‍फा दाङ ओमेगा यिहम्‍बा, तोहङस्‍यो दाङ तिङस्‍यो ङाहराङ यिहन। खा कोम्‍ग्‍यो मिहया़ला ङाह मिहलीगी छ्यु क्‍येज्‍युलेगी आहन्‍डाराङ थुङ च्‍य़ूज्‍ये येह।

ज्‍याल्‍गा 22:1

ओ़ह तिङले स्‍यिहङगामकी स्‍याहप्‍च्‍यीगी ङाहला स्‍फटिक ल़ेहमुराङ येहपा छ्या़गे मिहलीकी छ्युगी चाङबु तेन नाङसीन। ओ़ह चाङबु किन्‍ज्‍यो दाङ ल़ूह स्‍ये़बुकी ज़्‍य़ूॱठिलेगी थेन्‍दी क्‍याहसाकी लाहम पाहरक्‍यीले स्‍याहल्‍दे डोॱराङ येहकें। ओ़ह चाङबु सुहरला मिहली तेर्केन्‍गी तोहङबो तेहकें ओ़ह तोहङबोला लो़ह च्‍यी़ला सेदो ना च्‍यिङ्यी़ या़हउ येहकें। ओहले ओ़ह तोहङबोकी लाहप्‍तीया़गी क्‍यिहपा-क्‍यिहपाया़गी मिहया़ला टा़ह च्‍य़ूगे।

ज्‍याल्‍गा 22:17

नाम्‍पार-ताहक्‍पा थु दाङ नामा साम्‍बागी दि ल़ेहमु सुङ नाङगु दु, “फेप नाङदोङ।” सुगी ङ्यिहन्‍गे खोगी माज्‍यु, “फेप नाङदोङ।” सु कोम्‍गे खो ओहङज्‍यु, ओहले सुगी सेम्‍बा पेहकें खोगी मिहलीगी छ्यु आहन्‍डाराङ थुङज्‍यु।

ज्‍याल्‍गा 7:17

च्‍यिबेमाना ज़्‍य़ू-ठिकी पाहरक्‍यीला ज़्‍य़ू नाङगेन ल़ूह स्‍ये़बु खुङया़गी कोहरोवा ओहङज्‍ये येह, ओहले खुङया़ला ठिती छ्यु क्‍येज्‍यु थु नोम फेप नाङज्‍ये येह ओहले किन्‍ज्‍योगी खुङगी मी़गी मिज्‍यु थाम्‍ज्‍यीराङ फी़ नाङज्‍ये येह।”