यूहन्‍ना 5:20 - ह्योल्‍मो

²⁰ च्‍यिबेमाना याहपगी स़ेबुला चेवा जे नाङगे ओहले मिहरो राहङगी जेती ज़्‍य़ू नाङग्‍योकी छ्या़लेया़ थाम्‍ज्‍यीराङ स़ेबुला तेन नाङगे। दि म़ेदीॱआङ छ्यिम्‍बु छ्या़ले मिहरोगी स़ेबुला तेन नाङज्‍ये येह, ओहले ख्‍याया़ ह्‍अ ल़ेहज्‍ये येह।

यूहन्‍ना 5:20 ပူးပေါင်းရင်းမြစ်များ

मत्ती 11:27

ङाहगी किन्‍ज्‍यो याहपगी ङाहला थाम्‍ज्‍यीराङ से़हया़ चि क्‍याहप नाङदी येह। किन्‍ज्‍यो याहपगी मिहम्‍बा लेहमेन सुगीॱआङ स़ेबुला ङोह मे़हस्‍येएँ ओहले स़ेबुगी मिहम्‍बा लेहमेन सुगीॱआङ किन्‍ज्‍यो याहपला ङोह मे़हस्‍येएँ। यिहॱनाङ स़ेबुगी ङोहस्‍यी ताङ तेर नाङग्‍योया़गीदी किन्‍ज्‍यो याहपला ङोह स्‍य़ेएँ।

मत्ती 17:5

पत्रुसगी दि ल़ेहमु पेहती ताम म़ेदी तेहकेमु येहपा छ्या़क्‍योगी मुक्‍पा ओहङसीन ओहले मुक्‍पा थेन ओहङदी खुङ थो़ला टिहप्‍सा क्‍याहप्‍सीन, ओहले मुक्‍पा नाहङलेगी दि ल़ेहमु सुङ-क़े च्‍यी़ थ़ेसीन, “दि ङाहगी च्‍याहम्‍बु पेहक्‍योगी स़ेबु यिहन, खो ङ्याम्‍बु ङाह ज्‍यिबुराङ काहसो येह। खोगी माक्‍यो ख्‍याया़गी ङ्यिहन्‍दोङ।”

मत्ती 3:17

ओ़हजेलाराङ स्‍यिहङगामले, “दि ङाहगी च्‍याहम्‍बु पेहक्‍योगी स़ेबु यिहन, खो ङ्याम्‍बु ङाह ज्‍यिबुराङ सेम काहसो येह” म़ेदी माएँ सुङ-क़े च्‍यी़ थ़ेसीन।

मत्ती 4:8

ओहले येहपाराङ ती़ह गो-छ्येवागी येशूला लाह थोम्‍बु च्‍यी़ला ख्‍येर्ती जाम्‍बुलीङगी थाम्‍ज्‍यीराङ क्‍याहल्‍सी दाङ ज़िज्‍यिद तेन्‍गेॱराङ मासीन,

लूका 10:22

“ङाहती याहपगी ङाहला थाम्‍ज्‍यीराङ चि क्‍याहप नाङदी येह। स़ेबु सु यिहम्‍बा म़ेदी याहपगी मिहम्‍बा, लेहमेन सुगीॱआङ ङोह मे़हस्‍येएँ। ओ़ह ल़ेहमुराङ, स़ेबु दाङ खोगी तेन्‍ग्‍योकी मिहया़गी च्‍यी़राङ याहपला ङोह स्‍य़ेएँ लेहमेन सुगीॱआङ याहपला ङोह मे़हस्‍येएँ” म़ेदी येशूगी सुङ नाङसीन।

यूहन्‍ना 1:18

किन्‍ज्‍योला सुगीॱआङ नाहमॱआङ थोङदी म़ेह, यिहॱनाङ किन्‍ज्‍यो याहप ङ्याम्‍बु ज़्‍य़ू नाङगेन च्‍यिमे च्‍यी़राङ स़ेबु किन्‍ज्‍योगी मिहरोला तेन नाङदी येह।

यूहन्‍ना 10:32

यिहॱनाङ येशूगी खुङया़ला सुङ नाङसीन, “याहपगी कुल नाङग्‍योकी या़हबु ल़ेहया़ माहङबुराङ ङाहगी ख्‍याया़गी दिनला पेहती तेन्‍सीन, ओहजे नाहङला का़हन्‍दी ल़ेहगी तेहन्‍दाला ख्‍यागी ङाहला तोहगी क्‍याहप्‍च्‍ये छोल्‍ग्‍यो?”

यूहन्‍ना 14:12

तेहम्‍बाराङ ङाह ख्‍याया़ला माएँ, सुगी ङाहला यिह छ्य़ेगे, खोगी ङाहगी पेहक्‍यो ल़ेहमु ल़ेहया़ पेहच्‍ये येह, ओहले ओ़ह म़ेदीॱआङ छ्यिम्‍बु ल़ेहया़ पेहच्‍ये येह, च्‍यिबेमाना ङाह याहप्‍च्‍येन आबासाला डोॱराङ येह।

यूहन्‍ना 15:15

ता़ह यिहन्‍ज्‍यु ङाह ख्‍याया़ला योक्‍पु मेहमाएँ, च्‍यिबेमाना ताहक्‍पुगी च्‍यि पेहकें ओ़हदी योक्‍पुगी क्‍यी़ह मेहन्‍ज्‍योर्कें। यिहॱनाङ ङाहगी ख्‍याया़ला रो़ह मा सिहन्‍दी येह, च्‍यिबेमाना ङाहगी ङाहती याहप लाहमले थे़क्‍योगी थाम्‍ज्‍यीराङ तामया़ ख्‍याया़ला स्‍य़े सिहन्‍दी येह।

यूहन्‍ना 17:26

राहङगी ङाहला जे नाङग्‍योकी चेवा खुङ ङ्याम्‍बुॱआङ लिहच्‍यु ओहले ङाह खुङ ङ्याम्‍बु तेह ख़ूज्‍यु म़ेदी याहपला ङाहगी खुङया़गी पाहरक्‍यीला ङोह स्‍य़े च्‍य़ूदी येह ओहले तोहरोङॱआङ ङोह स्‍य़े च्‍य़ूगेनॱराङ येह।”

यूहन्‍ना 3:35

याहपगी राहङगी स़ेबुला चेवा जे नाङगे, ओहले ना थाम्‍ज्‍यीराङ मिहरोगी छ्या़ला ज़्‍या़ नाङदी येह।

यूहन्‍ना 5:21

च्‍यिबेमाना काह-ठि जेती याहपगी स्‍यिक्‍योया़ला सोम्‍बो लो़ह च्‍य़ू नाङगे ओहले खुङया़ला मिहली नाङगे, ओ़हठीॱराङ पेहती स़ेबुगीॱआङ का़हन्‍दीला थु ङ्ये़गे ओ़हदीला मिहली नाङगे।

यूहन्‍ना 5:25

तेहम्‍बाराङ ङाह ख्‍याला माएँ, ओ़ह ती़हजी ओहङगेॱराङ येह, ओहले ओ़ह ती़हजीदी ताहन्‍दाॱराङ यिहन, दि ती़हजीला स्‍यिक्‍यो मिहया़गी किन्‍ज्‍योकी स़ेबुगी सुङ-क़े थे़ज्‍ये येह ओहले ङ्यिहन्‍गेया़ थार्च्‍ये येह।

यूहन्‍ना 5:29

ओहले ल़ेह या़हबु पेहकेनया़ तुहर्साले सोम्‍बो लो़हदी ओहङज्‍ये येह ओहले ल़ेह चोक्‍पा पेहकेनया़दी ङ्य़ेहबा खुर्च्‍येकी तेहन्‍दाला तुहर्साले सोम्‍बो लो़हदी ओहङज्‍ये येह।”

२ पत्रुस 1:17

मिहरोगी किन्‍ज्‍यो याहप लाहमले चा़ दाङ ज़िज्‍यिद नोम नाङगे ती़हजीला ओ़ह खाम छ्यिम्‍बु ज़िज्‍यिद लाहमले दि ल़ेहमु सुङ-क़े च्‍यी़ थ़ेसीन, “दि ङाहगी च्‍याहम्‍बु पेहक्‍योगी स़ेबु यिहन, खो ङ्याम्‍बु ङाह ज्‍यिबुराङ काहसो येह।”