यूहन्‍ना 4:9 - ह्योल्‍मो

⁹ ओहले सामरी पी़हमीगी मासीन, “राहङ यहूदी यिहन्‍देॱआङ काह-ठि पेहती ङाह सामरी पी़हमीगी लाहक्‍पालेगी छ्यु छ्य़े थुप ख़ूएँ ले?” (च्‍यिबेमाना सामरिया फेमा क्‍यिहपागी मिहया़ यिहन्‍गे सोङबे यहूदीया़ खुङ ङ्याम्‍बु डोलु-तेहलु मेहबे येहकें।)

यूहन्‍ना 4:9 ပူးပေါင်းရင်းမြစ်များ

मत्ती 10:5

येशूगी ओ़ह ल़ेह-पेन च्‍यिङ्यी़ला दि ल़ेहमु सुङदी ताङ नाङसीन, “ख्‍याया़ लेहमेन क्‍यिहपागी मिहया़साला ओहले सामरियागी क्‍याहसाया़ला माहन्‍डो।

लूका 10:33

ओ़ह तिङले सामरी मिह च्‍यी़ ओ़ह लाहमले ओहङगेमु ओ़ह नाहन्‍दी काहल्‍दी ऊ छ्येच्‍ये पेहक्‍यो मिह येहकें ग्‍या़ला लेप्‍सीन, ओहले ओ़ह नाहन्‍दी काहल्‍ग्‍यो मिहला थोङदी खोला निङ च्‍येहसीन।

यूहन्‍ना 4:27

ओ़हजेलाराङ येशूगी स्‍याहप्‍च्‍यीया़ॱआङ लो़हदी लेप्‍सीन, ओहले येशू पी़हमी च्‍यी़ ङ्याम्‍बु स्‍याहल सुङदी ज़्‍य़ू नाङग्‍यो थोङदी खुङ ह्‍अ ल़ेहसीन, यिहॱनाङ सुज्‍यीगीॱआङ “राहङगी च्‍यि थु जे नाङगे? ओहले राहङ ओ़ह पी़हमी ङ्याम्‍बु च्‍यिबे स्‍याहल सुङ नाङगेराङ येहबा? म़ेदी मा़हटीह।

यूहन्‍ना 8:48

ओहले यहूदीया़गी येशूला मासीन, “ख्‍ये सामरी यिहन ओहले ख्‍येला ल्‍हेन्‍डी स्‍य़ूहदी येह म़ेदी ङ्यिहगी माक्‍यो ताम च्‍यि ठाबे मिहम्‍बा ले?”

ल़ेह-पेन 1:8

यिहॱनाङ नाम्‍पार-ताहक्‍पा थु ख्‍याया़ थो़ला फेप नाङ फान्‍ज्‍यो ख्‍यागी ओङ ज्‍योर्च्‍ये येह। ओ़ह तिङले ख्‍याया़ यरूशलेम क्‍याहसाला, थाम्‍ज्‍यी यहूदीयाला, सामरिया साने़या़ला, ओहले जाम्‍बुलीङ छ्यो़ ज़्‍यिगालाॱराङ ख्‍या ङाहगी पाङबु ओ़हङज्‍ये येह।”

ल़ेह-पेन 10:28

ओहले पत्रुसगी खुङया़ला मासीन, “लेहमेन क्‍यिहपागी मिहया़ ङ्याम्‍बु च्‍याम्‍दे खुङया़ ङ्याम्‍बु छो़दी तेहच्‍येला ङ्यिह यहूदीया़ला ङ्यिहगी छ्य़े-ठिमगी मेहतेर्कें माएँ ताम राहङ फे़बेया़ला थुयी़राङ येहबा, यिहॱनाङ किन्‍ज्‍योगी ङाहला सु मिहॱलाङ ख्‍ये मेहचाङा म़ेदी माज्‍ये मेहयोहङगे माएँ स्‍याहल सुङ नाङदी येह।

ल़ेह-पेन 10:32

ओ़ह सोङबे योप्‍पा क्‍याहसाला मिहया़ ताङदे पत्रुस माएँ सिमोनला क़े क्‍याहप्‍च्‍येला ताङदोङ। खो छो-क्‍याहम्‍जोकी सुहरला को़बाकी ल़ेह पेहकें सिमोनगी खाङबाला तेहती येहबा।’