6 ओ़हला याकूबकी ज़ोक्योगी छ्यु-कोल्मु च्यी़ येहकें। ओहले येशू फेप-फेप्पा काहङला थाङ छ्येती ओ़ह छ्यु-कोल्मु सुहरला ज़्य़ू नाङसीन। ओ़ह ती़हजीला ङ्यिहमा फ़ेचे काहल्दी येहकें।
ङ्यिहमागी छ्युजी च्यिङ्यी़ यिहन्ज्यु छ्युजी सुम थु क्याहल-खाप थाम्ज्यीलाराङ ना़-जुबे काहल्सीन।
रिह-काम्बुला येशूगी ङ्यिहन ज़्यिप-च्यु दाङ नुहप ज़्यिप-च्यु थु ङ्युङने ज़्य़ू नाङसीन। ओ़ह सोङबे येशू ज्यिबुराङ टे़दी येहकें।
याहङमे-याहङलाराङ छोला ज्यी़ज्ये ल़ेहमु ल्हा़बा लुङजी ओहङसीन। ओहले छ्यु-पाहलापगी पेहती टुह-छ्युङ नुप्च्ये पेहसीन। यिहॱनाङ येशू नाल जेती येहकें।
ओहले बेथलेहेमलाॱराङ मोहगी स़ेबु च्यी़ ठुङसीन ओहले ओ़ह स़ेबु छ्येस्योला ल़ेहदेनगी टिल्दी कोहरेला येहकेन ज्य़ोङबाला ङ्याल ज़्या़सीन, च्यिबेमाना खुङया़ला बा़सा तेहच्येला ने़जाङला ग्या़ माहन्ज्योर्पा येहकें।
ओहले येशूगी ओ़ह मिहला ल़ेहन क्याहप्नाङसीन, “लिहन्दीया़दी तेहच्येला फुक्पा येहबा, च्याह-च्यिहवाया़दी छाङ येहबा, मिहगी स़ेबुदीनी गो़ ज़्या़सा ग्या़ज्यीॱआङ म़ेह!” म़ेदी सुङ नाङसीन।
येशूगी सुङ नाङसीन, “ङ्यिहमाला छ्युजी च्यिङ्यी़ ओहङगे, मिहम्बा ले? ङ्यिहमाला डोएँया़ नार्तो मेहक्याहप्कें च्यिबेमाना खोगी जाम्बुलीङकी येहसेर थोङगे।
दि कोल्मुनी ङ्यिहगी चावा याकूबगी ज़ो नाङग्यो यिहम्बा। ओहले मिहरो दाङ खुङगी पुह पोहमोया़ ओहले बासोया़गी दि कोल्मुगी छ्युराङ थुङगो येहकें। च्यि राहङ ङ्यिहती चावा याकूब म़ेदीॱआङ चा़ छ्यिम्बु यिहम्बा ले?”
येशू सामरियागी सुखार माएँ युहलला लेप नाङसीन। ओ़ह युहल पोहलाराङ इस्राएली क्यिहपाया़गी चावा याकूबगी राहङगी पुह योसेफला तेरक्यो स्यिहङ येहकें।
ओहजे काहङला सामरी पी़हमी च्यी़ छ्यु लेहन्ज्येला ओहङसीन। येशूगी मोहला सुङ नाङसीन, “ङाहला थुङज्येला सिपाज्यी छ्यु लाङ नाह।”
च्यिबेमाना ओहराङ चो़वो येशू मास्यीकागी काटीन ख्याया़ला क्यी़हराङ येह। मिहरो छ्युक्पु येहकें यिहॱनाङ ख्याया़गी तेहन्दाला मिहरो प्राङबु काहल्सीन च्यिबेमाना मिहरो प्राङबु काहल्दे ख्याया़ छ्युक्पु डो ख़ूज्यु म़ेदी यिहम्बा।
ओ़ह सोङबे राहङगी नो़हया़ काहन्डुमु येहबा येशू राहङॱआङ थाम्ज्यी से़हया़ला ओ़ह ल़ेहमुराङ डो कोहसीन, ओहले मिहया़गी तिहक्पा ता़ह च्य़ू नाङज्येला येशू किन्ज्योगी छ्या़लेला यिह-छ्य़ेबु दाङ च्याहम्बु पूजाहारी छ्यिम्बु काहल्सीन।
च्यिबेमाना ओहराङ मा-फाम्बु डोएँमु ओहराङगी गो-छ्येवा पूजाहारीगी ओहराङला सेम सो च्य़ू नाङ ख़ूएँ। ओहराङ ल़ेहमुराङ मिहरोॱआङ थाम्ज्यीराङ से़हया़ला ङ्याहम्छेला छ्यि नाङसीन, यिहॱनाङ मिहरोगी तिहक्पा च्यिॱआङ जे माहनाङ।