यूहन्‍ना 4:42 - ह्योल्‍मो

⁴² ओहले खुङया़गी ओ़ह पी़हमीला मासीन, “ता़ह ख्‍येगी स्‍य़ेक्‍यो तामगी च्‍यी़राङ पेहती ङ्यिहगी यिह छ्य़ेक्‍यो मिहम्‍बा, यिहॱनाङ ङ्यिह राहङगीराङ मिहरोगी सुङदेन ङ्यिहन्‍ग्‍यो सोङबे तेहम्‍बा-तेहन्‍सुमॱराङ मिहरो जाम्‍बुलीङगी मिहया़ला थार्पा थोप च्‍य़ू नाङगेन्‍दी यिहम्‍बा दु म़ेदी ङ्यिहगी ङोह स्‍य़ेदी येह।”

यूहन्‍ना 4:42 ပူးပေါင်းရင်းမြစ်များ

मत्ती 1:21

मोहगी स़ेबु च्‍यी़ ठुङज्‍ये येह, ओहले ख्‍येगी ओ़ह स़ेबुगी छेन येशू ज़्‍या़दोङ च्‍यिबेमाना येशूगी राहङगी मिहया़ला तिहक्‍पालेगी थार च्‍य़ू नाङज्‍ये येह” म़ेदी सुङ नाङसीन।

लूका 2:32

मिह-रो़हराङ लेहमेन क्‍यिहपागी मिहया़ला राहङगी लाहम तेन नाङगेन येहसेर यिहम्‍बा, ओहले मिह-रो़हराङ राहङगी इस्राएली क्‍यिहपाया़गी तेहन्‍दाला ज़िज्‍यिद यिहम्‍बा।”

यूहन्‍ना 1:29

नाहङबार च्‍युङ यूहन्‍नागी येशूला राहङ ङो़ले फेप्‍केनॱराङ जेक्‍यो थोङदी मासीन, “त़ेदोङ, जाम्‍बुलीङकी तिहक्‍पा क्‍या़दी नोम फेप नाङगे किन्‍ज्‍योकी ल़ूह स्‍ये़बु!

यूहन्‍ना 11:17

येशू बेथानिया युहलला लेप नाङगेमु लाजरसकी फुङबु फुक्‍पाला ज़्‍या़क्‍योदी ङ्यिहमा ज़्‍यि काहल सिहन्‍दी येहकें।

यूहन्‍ना 17:8

च्‍यिबेमाना राहङगी ङाहला नाङग्‍योकी सुङदेन ङाहगी खुङया़ला तेर्ती येह, ओहले खुङया़गी ओ़ह सुङदेन ची़दे येह। ङाह तेहम्‍बाराङ याहप-साले ओहङग्‍यो यिहन म़ेदी खुङया़गी या़हबु पेहती ङोह स्‍ये़दे येह। ओहले याहपगीॱराङ ङाहला ताङ नाङग्‍यो यिहन म़ेदी खुङया़गी यिह छ्य़ेदी येह।

यूहन्‍ना 4:29

स्‍यो, मेहन्‍दा च्‍यी़ला त़ेदोङ!, ङाहगी पेहक्‍यो ल़ेह थाम्‍ज्‍यीराङ मिहरोगी स्‍य़े नाङसीन। नाह मिह-रो़हराङ मास्‍यीकानी मिहन?”

यूहन्‍ना 4:41

ओहले येशूगी नाङग्‍योकी सुङदेनगी जेती लेहमेन मिह माहङबुगीराङ येशूला यिह छ्य़ेसीन।

ल़ेह-पेन 13:23

राहङगी ज़्‍या़ नाङग्‍योकी ताहम्‍ज्‍या तेहन्‍दा डुप च्‍यु नाङदी किन्‍ज्‍योगी इस्राएली क्‍याहल-खापकी मिहया़गी तेहन्‍दाला क्‍याहल्‍बु दाऊदगी क्‍यिहलेगीराङ थार्पा थोप च्‍य़ू नाङगेन मेहन्‍दा च्‍यी़ ताङ नाङसीन, ओ़हदीॱराङ येशू यिहम्‍बा।

ल़ेह-पेन 4:12

चो़वो येशू च्‍यी़गी मिहम्‍बा लेहमेन सुगीॱआङ थार्पा थोप च्‍य़ू मी़हखुएँ। किन्‍ज्‍योगी येशूगी छेन मिहम्‍बानी जाम्‍बुलीङला लेहमेन च्‍यिॱआङ मिहन नाङदी म़ेह।”

ल़ेह-पेन 5:31

इस्राएली मिहया़गी सेमगी स्‍या़बा पेहती तिहक्‍पालेगी कोहङदा ज्‍योर्च्‍यु म़ेदी किन्‍ज्‍योगी येशूला थार्पा नाङगेन क्‍याहल्‍बु ज़ो नाङदी राहङगी योबा ङो़गी ज़्‍य़ू-ठिला ज़्‍या़ नाङसीन।

२ कोरिन्‍थी 5:19

येशू मास्‍यीका लाहमले किन्‍ज्‍योगी मिह थाम्‍ज्‍यीला येहपाराङ थिन च्‍य़ू नाङगेराङ येह। किन्‍ज्‍योगी खुङया़गी तिहक्‍पाया़ च्‍यिॱआङ टाहङजी ज़्‍या़ माहनाङ, यिहॱनाङ खुङया़ला किन्‍ज्‍यो ङ्याम्‍बु थिन च्‍य़ूएँ ठालगी लेहङगु मिहरोगी ङ्यिहला चि क्‍याहप नाङसीन।

१ तिमोथी 4:10

ओ़ह सोङबे ङ्यिह ला़ खाॱनाङ मे़हखाॱनाङ कादुप च्‍येती ल़ेह पेहकें च्‍यिबेमाना ङ्यिहगी रेहवा सोम्‍बो ज़्‍य़ू नाङगेन किन्‍ज्‍यो थो़ला ज़्‍या़दी येह। ओहले मिह-रो़हराङ मिह थाम्‍ज्‍यीला थार्पा नाङगेन्‍गी किन्‍ज्‍यो यिहम्‍बा खास पेहतीती मिहरो थो़ला म़ेहबा पेहकेनया़ला थार्पा नाङगेन्‍गी किन्‍ज्‍यो यिहम्‍बा।

१ यूहन्‍ना 2:2

मिहरो ओहराङगी तिहक्‍पा ता़ह च्‍य़ू नाङज्‍येलाॱराङ टोहङ नाङग्‍यो यिहम्‍बा। ओहराङ च्‍यी़गी तेहन्‍दाला मिहम्‍बा, यिहॱनाङ जाम्‍बुलीङगी मिह थाम्‍ज्‍यीगी तेहन्‍दाला यिहम्‍बा।

१ यूहन्‍ना 4:14

किन्‍ज्‍यो याहपगी राहङगी स़ेबुला जाम्‍बुलीङला थार्पा नाङज्‍येला ताङ नाङग्‍यो ङ्यिहगी थोङसीन ओहले ताहन्‍दा ङ्यिह दिगी पाङबु तेर्के।

१ यूहन्‍ना 5:20

किन्‍ज्‍योगी स़ेबु फेप नाङसीन ओहले मिहरोगी ओहराङला तेहन्‍दामगी किन्‍ज्‍योला ङोह स्‍य़े ख़ूएँगी येहन्‍देन नाङसीन। दि ओहराङला क्‍यी़ह येह। ओहराङ मिहरोगी स़ेबु येशू मास्‍यीकाला येहकें सोङबे तेहन्‍दामकी किन्‍ज्‍यो ङ्याम्‍बुराङ येह। मिह-रो़हराङ तेहन्‍दामकी किन्‍ज्‍यो दाङ था़ म़ेहबा मिहली यिहन।