यूहन्‍ना 4:39 - ह्योल्‍मो

³⁹ “ङाहगी च्‍यि पेहपा मिहरोगी ङाहला थाम्‍ज्‍यीराङ स्‍य़े नाङसीन” माएँ ताम ओ़ह पी़हमीगी पाङबु तेरक्‍यो सोङबे ओ़ह ग्‍या़गी माहङबुराङ सामरियागी येशूला सेमले खाल्‍सीन।

यूहन्‍ना 4:39 ပူးပေါင်းရင်းမြစ်များ

मत्ती 10:5

येशूगी ओ़ह ल़ेह-पेन च्‍यिङ्यी़ला दि ल़ेहमु सुङदी ताङ नाङसीन, “ख्‍याया़ लेहमेन क्‍यिहपागी मिहया़साला ओहले सामरियागी क्‍याहसाया़ला माहन्‍डो।

यूहन्‍ना 1:37

यूहन्‍नागी माक्‍यो दि ताम थे़सीम्‍बाराङ ओ़ह स्‍याहप्‍च्‍यी ङ्यी़ येशूगी तिङदा तिङ काहल्‍सीन।

यूहन्‍ना 11:45

मरियम साला ओहङग्‍योकी माहङबुराङ यहूदीया़गी येशूगी जे नाङग्‍योकी छ्या़लेया़ थोङदी यिह छ्य़ेसीन।

यूहन्‍ना 4:29

स्‍यो, मेहन्‍दा च्‍यी़ला त़ेदोङ!, ङाहगी पेहक्‍यो ल़ेह थाम्‍ज्‍यीराङ मिहरोगी स्‍य़े नाङसीन। नाह मिह-रो़हराङ मास्‍यीकानी मिहन?”

यूहन्‍ना 4:30

दि केच्‍या थे़दे मिहया़ युहलले थेन्‍दी येशूला ताज्‍येला छ्योङदे काहल्‍सीन।

यूहन्‍ना 4:38

ङाहगी ख्‍याया़ला ख्‍याया़गी कामे माहक्‍याहपकी ग्‍या़ला कामे तुहज्‍येला ताङसीन। ओहले ओ़हला लेहमेनया़गी ल़ेह पेहसीन ओहले खुङया़गी पेहक्‍यो ल़ेहगी कामे ख्‍याया़गी ज्‍योर्ती येह।”

यूहन्‍ना 4:40

ओ़ह सोङबे सामरिया येशूसाला ओहङसीन, ओहले खुङया़गी येशूला ङ्यिह ङ्याम्‍बु ज़्‍य़ू नाङदोङ म़ेदी ओहर-छ्य़े स्‍युहसीन, ओहले येशू खुङ ङ्याम्‍बु ङ्यिहमा ङ्यी़ ज़्‍य़ू नाङसीन।

यूहन्‍ना 4:42

ओहले खुङया़गी ओ़ह पी़हमीला मासीन, “ता़ह ख्‍येगी स्‍य़ेक्‍यो तामगी च्‍यी़राङ पेहती ङ्यिहगी यिह छ्य़ेक्‍यो मिहम्‍बा, यिहॱनाङ ङ्यिह राहङगीराङ मिहरोगी सुङदेन ङ्यिहन्‍ग्‍यो सोङबे तेहम्‍बा-तेहन्‍सुमॱराङ मिहरो जाम्‍बुलीङगी मिहया़ला थार्पा थोप च्‍य़ू नाङगेन्‍दी यिहम्‍बा दु म़ेदी ङ्यिहगी ङोह स्‍य़ेदी येह।”

यूहन्‍ना 4:5

येशू सामरियागी सुखार माएँ युहलला लेप नाङसीन। ओ़ह युहल पोहलाराङ इस्राएली क्‍यिहपाया़गी चावा याकूबगी राहङगी पुह योसेफला तेरक्‍यो स्‍यिहङ येहकें।

यूहन्‍ना 4:8

ओहजे काहङला येशूगी स्‍याहप्‍च्‍यीया़ क्‍याहसाला साहएँ से़हया़ ङ्योह काहल्‍दी येहकें।