38 ङाहगी ख्याया़ला ख्याया़गी कामे माहक्याहपकी ग्या़ला कामे तुहज्येला ताङसीन। ओहले ओ़हला लेहमेनया़गी ल़ेह पेहसीन ओहले खुङया़गी पेहक्यो ल़ेहगी कामे ख्याया़गी ज्योर्ती येह।”
ओहले येशूगी खुङया़गी छो़खाङया़ला लोप्केॱराङ, किन्ज्योगी क्याहल्सीगी तेहन्दाला लेहङगु या़हबुया़ स्येकेराङ, ओहले मिहया़ला क्याहप्क्योगी नमे-नाजो नाहजाया़ दाङ ज़ुबुगी ने़-क्यालया़ला टा़ह च्य़ू नाङदी गालील साने़ काहङ्येॱराङ कोरा क्याहप नाङसीन।
खो लाहमले मिह थाम्ज्यीगी यिह-छ्य़े ख़ूज्यु म़ेदी ओ़ह येहसेरकी तेहन्दाला प्रा-साल्ज्येला खो पाङबु पेहती ओहङसीन।
राहङगी ङाहला जाम्बुलीङला ताङ नाङग्यो ल़ेहमु ङाहगीॱआङ खुङया़ला जाम्बुलीङला ताङदी येह।
च्यिबेमाना ‘च्यी़गी ताप्के, ओहले लेहमेनगी टू़हगे,’ माएँ पे ठाबेराङ टी़हगे।
“ङाहगी च्यि पेहपा मिहरोगी ङाहला थाम्ज्यीराङ स्य़े नाङसीन” माएँ ताम ओ़ह पी़हमीगी पाङबु तेरक्यो सोङबे ओ़ह ग्या़गी माहङबुराङ सामरियागी येशूला सेमले खाल्सीन।
ओहले मिह माहङबुगीराङ पत्रुसकी तामला यिह छ्य़ेदी बप्तिस्मा लेहन्सीन। ओ़ह ङ्यिहमु तोङरा सुमजे मिहया़ खुङया़गी टाहङजीला खेन पा़हसीन।
यिह-छ्य़ेबाया़ सेम च्यी़, लो च्यी़ पेहती तेहको येहकें। खुङया़ नाहङला येहकेन्गी थाम्ज्यीराङ से़हया़ “दि ङाहती यिहन” म़ेदी मेहमाएँ येहकें, यिहॱनाङ खुङया़गी क्युह नोहरया़ पी़मा येहकें।
यिहॱनाङ लोप्च्युङ ङ्यिहन्गेया़ नाहङला मिह माहङबुगीराङ येशूला यिह छ्य़ेसीन, ओहले यिह-छ्य़े पेहकेन क्येप-ख्योवाया़गी टाहङजी तोङरा ङाजे काहल्सीन।
मिह माहङबुराङ, क्येप-ख्योवा दाङ पी़हमी-पेहजा ङ्यिकाराङगी चो़वोला सेमले खाल्दी खुङया़गी टाहङजीला खेन पा़हज्ये छ़ूसीन।
दि रोहवा पेहती किन्ज्योगी सुङदेन टाहम्दी काहल्सीन। चो़वो छ्येवा येशूगी स्याहप्च्यीया़गी टाहङजी यरूशलेम लुहङबाला जेन-जेन माहङबु पेहती काहल्सीन ओहले पूजाहारी माहङबुगीराङ चो़वो छ्येवा येशूला सेमले खाल्सीन।
ङ्यिह राहङगी सा-छ्याम गोम्दी लेहमेनगी कादुप च्येती पेहक्योगी ल़ेहला छ्य़ेन्दो मेहतेन, यिहॱनाङ ङ्यिहती रेहवा दि यिहम्बा, ख्याया़ तेहपाला याहरक्यी पेहती डोएँमु ख्याया़गी पाहरक्यीला ङ्यिहती सा-छ्याम तोहरोङ छ्यिम्बु पेहती डोज्ये येह।