यूहन्‍ना 4:36 - ह्योल्‍मो

³⁶ का़हन्‍दीगी तेन्‍दो टू़हगे खोगी ले़गा ज्‍योर्कें, ओहले नाहमॱआङ मिहस्‍यीएँगी मिहलीगी तेहन्‍दाला खोगी तेन्‍दो टू़हगे, ओहले ताप्‍के दाङ टू़हगेन मिह ङ्याम्‍बुराङ क़ेहनाङ पेहकें।

यूहन्‍ना 4:36 ပူးပေါင်းရင်းမြစ်များ

मत्ती 19:29

ङाहगी तेहन्‍दाला राहङ खाङबागी आदा-नो़ह, आज्‍यी-नुहमु, आबा-आमा, पुह-पोहमो दाङ खाङसा-स्‍यिहङसा क्‍युर्केन्‍दीगी दि म़ेदी लेहमा क्‍याह च्‍यी़ ल्‍हाक्‍पु ज्‍योर्च्‍ये येह ओहले नाहमॱआङ मिहस्‍यीएँगी मिहली ज़ाङबु ज्‍योर्च्‍ये येह।

यूहन्‍ना 3:36

का़हन्‍दीगी स़ेबुला यिह छ्य़ेगे, खो ङ्याम्‍बु था़ म़ेहबा मिहली ज़ाङबु ओहङगे। का़हन्‍दीगी स़ेबुला यिह मे़हछ्येगे, खोगी मिहली थोङज्‍ये म़ेह, यिहॱनाङ किन्‍ज्‍योगी थुयाल खो थो़ला बाप्‍च्‍ये येह।

यूहन्‍ना 4:14

यिहॱनाङ का़हन्‍दीगी ङाहगी तेर्केन्‍गी छ्यु थुङगे खो नाहमॱआङ कोम्‍ज्‍ये म़ेह च्‍यिबेमाना ङाहगी तेर्केन्‍गी छ्यु खो नाहङला नाहम्‍माॱनाङ क्‍ये़दी तेहकेन्‍गी छ्यु क्‍येज्‍यु ओहङज्‍ये येह ओहले दिगी खोला था़ म़ेहबा मिहली ज़ाङबु तेर्च्‍ये येह।”

यूहन्‍ना 5:24

“तेहम्‍बाराङ, ङाह ख्‍याया़ला माएँ, सुगी ङाहती ताम ङ्यिहन्‍गे ओहले ङाहला ताङ नाङगेन्‍दीला यिह-छ्य़े पेहकें, खो ङ्याम्‍बु नाहमॱआङ मिहस्‍यीएँगी मिहली ज़ाङबु ओहङगे। खोला ठिम ताङज्‍ये म़ेह, यिहॱनाङ खो स्‍यिवालेगी मिहलीला स्‍य़ूह सिहन्‍दी येह।

रोमी 1:13

ए आदा-नो़हया़ दाङ आज्‍यी-नुहमुया़, ख्‍याया़ला क्‍यी़ह ओहङज्‍यु माएँ ङाहती सेम्‍बा येहबा: लेहमा माहङबुराङ ङाहगी ख्‍याया़ला थू़ज्‍ये सेम पेहसीन यिहॱनाङ च्‍यि च्‍यि ल़ेहया़गी पेहती ङाह ख्‍याया़ला थु ओहङ मा़हखु। लेहमेन क्‍यिहपाकी मिहया़गी पाहरक्‍यीले ल़ेहमु ख्‍याया़गी पाहरक्‍यीलेॱआङ किन्‍ज्‍योला क्‍याप्‍केन मिहया़ थेन्‍ग्‍यो थोङ ङ्युहङज्‍यु माएँ ङाहती सेम्‍बा येहबा।

रोमी 2:7

या़हबु ल़ेहया़ पेहती ज़िज्‍यिद, चा दाङ था़ म़ेहबाकी मिहली ज़ाङबु छोल्‍गेया़ला किन्‍ज्‍योगी था़ म़ेहबाकी मिहली ज़ाङबु नाङज्‍ये येह।

रोमी 6:22

यिहॱनाङ ता़ह ख्‍याया़ तिहक्‍पालेगी टोहल्‍दी किन्‍ज्‍योकी योक्‍पु काहल्‍दी येह, ओहले ख्‍याया़गी ज्‍योर्केन ख्‍येप्‍साङती नाम्‍पार-ताहक्‍पा यिहम्‍बा। ओहले दिगी ख्‍याया़ला नाहमॱआङ स्‍यिज्‍ये म़ेहबागी मिहली ज़ाङबुला क्‍याल्‍गे।

रोमी 6:23

च्‍यिबेमाना तिहक्‍पागी ले़गादी स्‍यिवा यिहम्‍बा, यिहॱनाङ किन्‍ज्‍योगी आहन्‍डाराङ नाङग्‍यो काबाप मास्‍यीका येशू ओहराङ चो़वोला था़ म़ेहबागी मिहली ज़ाङबु यिहम्‍बा।

१ कोरिन्‍थी 9:17

ङाहगी दि ल़ेह राहङगीराङ दाम्‍ग्‍यो यिहन्‍सीमाना ओ़ह लाहमले च्‍यिरा ज्‍योर्केनी म़ेदी ङाहगी रेहवा पेहच्‍ये येहकें। यिहॱनाङ दि ल़ेह ङाहला किन्‍ज्‍योगीॱराङ चि क्‍याहप नाङग्‍यो सोङबे ङाहगी पेहॱराङ कोहएँ म़ेदी ङाहगी पेहकेनॱराङ येह।

१ कोरिन्‍थी 9:18

ओ़हठी यिहन्‍सीमाना ङाहती च्‍याहगा च्‍यि यिहम्‍बा ले? ङाहती च्‍याहगा दिराङ यिहम्‍बा– ङाहगी या़हबु लेहङगु स्‍येकेमु टाङगा च्‍यी़ॱआङ माहलेहम्‍बा पेहती स्‍य़े ङ्युहङज्‍यु। ओ़हठी पेहती या़हबु लेहङगु स्‍येकेमु ङाहगी ज्‍योर्केन्‍की ओङया़ चा़लती माहकोहज्‍यु।

१ थेसलोनिकी 2:19

ता़ह ओहराङगी चो़वो येशू फेप नाङगेन्‍गी ती़हजीला ङ्यिहगी रेहवा, काहसो, चा़ जेती नाङगेन्‍गी पेस्‍यो च्‍यि माॱनाङ ख्‍या फे़बे-मे़हमेया़ॱराङ यिहन मिहम्‍बा ले?

१ तिमोथी 4:16

राहङगी तेहन्‍दाला ओहले राहङगी लुहङगी तेहन्‍दाला जेम्‍बु पेहती तेह। दि तामया़ला तिङ ङ्या़दीॱराङ तेह। दि ल़ेहमु पेहसीमाना ख्‍ये दाङ ख्‍येगी ताम ङ्यिहन्‍गे ख्‍या ङ्यिकागीराङ थार्पा ज्‍योर्च्‍ये येह।