34 ओहले येशूगी खुङया़ला सुङ नाङसीन, “ङाहला ताङ नाङगेन याहपकी का दाङ मिहरोगी छ्या़ले छाङबु पेहकेन्दीराङ ङाहती साहप्च्या यिहम्बा।
ओहले येशू याहम्बी फाच्चीला फार फेप्ती साला खेप्चु क्याहप्ती दि ल़ेहमु सुङदी सोल्वाङ ताप नाङसीन, “ओ़ ङाहगी याहप, ओहङ ख़ूएँ यिहनानी दि तुहक्पुकी स्याहलु ङाहलेगी था़-रिहङबु ज़्या़ नाङदोङ। यिहॱनाङ दि ङाहगी सेमला ने़क्यो ल़ेहमु मिहम्बा, राहङगी थुला ठुङग्यो ल़ेहमु तेहन्दा डुप्च्यु।”
यिहॱनाङ येशूगी खोला सुङ नाङसीन, “ताहन्दागी ती़हजीला दि रोहवाॱराङ डोज्यु, किन्ज्योगी थुला ठुङग्यो ल़ेहमुराङ तेहन्दा डुप च्य़ूज्येला ओहराङगी नाहरे दि ल़ेहमुराङ पेह कोहकें।” ओहले येशूगी दि स्याहल ङ्यिहन्दी यूहन्नागी येशूला बप्तिस्मा तेर्सीन।
ओहले येशू ज़्याङदी खो ङ्याम्बु फेप नाङसीन, ओहले स्याहप्च्यीया़ॱआङ खुङ फे़बे ङ्याम्बुराङ काहल्सीन।
ङाहगी ख्याला माएँ, ओ़ह ल़ेहमुराङ पेहती राहङगी सेमगी स्या़बा डुप्के तिहक्च्येम्बा मेहन्दा च्यी़गी तेहन्दाला किन्ज्योकी स्यिहङगामकी स्याहप्च्यीया़गी दिनला काहसो पेहकें।”
ङाह मिहगी स़ेबु तोरक्यो मिहया़लाॱराङ छोल्ज्ये दाङ थार्पा तेर्च्ये म़ेदी ओहङग्यो यिहम्बा” म़ेदी येशूगी सुङ नाङसीन।
ओहजेला येशूगी सुङ नाङसीन, “ङाहला च्यिबे छोल नाङग्यो ले? ङाह राहङगी याहपगी खाङबाला ओहङ कोहकें माएँ ताम च्यि राहङया़ला थुयी़ म़ेहबा लाह?”
राहङगी ङाहला चि क्याहप नाङग्योकी छ्या़लेन तेहन्दा डुप च्य़ूदी ङाहगी राहङगी छेन दि जाम्बुलीङला छ्यिम्बु जे़दी येह।
ता़हनी ङाहती ल़ेह थाम्ज्यीराङ सिहन्सीन म़ेदी येशूला थुयी़ ओहङ फान्ज्यो सुङरापला सुङ नाङग्योकी स्याहलया़ ऱेह-ऱेह पेहती तेहन्दा डुप ख़ूज्यु म़ेदी येशूगी, “ङाह खा कोम्सीन” म़ेदी सुङ नाङसीन।
ओहले येशूगी ओ़ह कुहन्डुमकी-निङगु क्युर्पु छ्ये नाङसीन ओहले येशूगी, “ता़हनी ङाहती ल़ेह थाम्ज्यीराङ सिहन्सीन” म़ेदी सुङ नाङसीम्बाराङ उ माहर कुहर जेती टोहङ नाङसीन।
यिहॱनाङ येशूगी खुङया़ला सुङ नाङसीन, “ङाह ङ्याम्बु साहज्येला साहएँ से़हया़ येहबा, ओ़ह ख्याया़ला क्यी़ह म़ेह।”
“ङाह राहङगीनी च्यिॱआङ पेह मी़हखु, काह-ठि ङाहगी थे़गे, ओ़हठीॱराङ ङाह ठिम ताङगे, ओहले ङाहगी ताङग्यो ठिम ठाबे सी़हजे येह, च्यिबेमाना ङाह राहङगी सेमला ने़क्यो ल़ेहमु मिहम्बा, यिहॱनाङ ङाहला ताङ नाङगेन याहपकी थुला ठुङग्यो ल़ेहमुराङ ल़ेह पेहकें।”
“यिहॱनाङ यूहन्नागी तेरक्यो पाङबु म़ेदीॱआङ छ्यिम्बु पाङबु ङाह ङ्याम्बु येह। च्यिबेमाना का़हन्दी ल़ेहया़ छाङबु पेहच्येला याहपगी ङाहला ताङ नाङग्यो यिहम्बा, ओ़ह ल़ेहया़ ङाहगी पेहकेनॱराङ येह, ओ़ह सोङबे ङाहला याहपगी ताङ नाङग्यो यिहन म़ेदी ओ़ह ल़ेहया़गीॱराङ ङाहगी तेहन्दाला पाङबु तेर्के।
च्यिबेमाना किन्ज्योगी नाङगे खुरानी ओ़हदीॱराङ यिहन का़हन्दीगी स्यिहङगामले माहर फेप्ती जाम्बुलीङला मिहली नाङगे।”
च्यिबेमाना ङाह राहङगी सेमला ऩेक्योगी तामया़ छाङबु पेहच्येला स्यिहङगामले माहर ओहङग्यो मिहन, यिहॱनाङ ङाहला ताङ नाङगेन्दीती थु-सेम छाङबु पेहच्येला ङाह ओहङग्यो यिहम्बा।
ङाहला ताङ नाङगेन्दी ङाह ङ्याम्बुराङ ज़्य़ू नाङदी येह, मिहरोगी ङाहला च्यी़राङ क्युर ज़्या़ नाङदी म़ेह च्यिबेमाना ङाह नाहम पेहनाॱआङ मिहरोला थु ङ्य़ेबु ओहङगेन्गी ल़ेहया़ च्यी़राङ पेहकें।”
ङाहगी थाम्ज्यी तामला राहङ फे़बेया़ला पे तेन सिहन्दी येह, राहङ फे़बेया़गीॱआङ दि ल़ेहमुराङ तुहक्पु पेहती ला़ मेहखाएँया़ला रो़ह पेह कोहएँ। चो़वो छ्येवा येशूगी सुङ नाङग्योकी दि स्याहल टेहम्बा साल्दी तेहतोङ, ‘लेहन्गे म़ेदी तेर्के सोनाम-साक्पु’!” म़ेदी पावलगी एफिससकी छो़बाया़गी गोबाया़ला मासीन।
ओहराङ यिह-छ्य़ेला छ़ू नाङगे दाङ छाङबु जे नाङगेन्गी येशूला ओहराङगी त़ेदी तेहतोङ। राहङ आब्रु डोएँगी तामला येशूगी च्यिॱआङ नाङदा जे माहनाङ यिहॱनाङ मिहरोगी तिहङला ओहङगेन्गी सेम काहसोगी तेहन्दाला क्याहङस्यीङगी तुहक्पु खुर नाङसीन, ओहले मिहरो किन्ज्योगी ज़्य़ू-ठिकी योबा ङो़ले ज़्य़ू नाङसीन।