यूहन्‍ना 4:3 - ह्योल्‍मो

³ दि स्‍याहल सेन फान्‍ज्‍यो येशू यहूदीया लुहङबा क्‍युर ज़्‍या़दी येहपाराङ गालील साने़ला लो़ह फेप्‍सीन।

यूहन्‍ना 4:3 ပူးပေါင်းရင်းမြစ်များ

मत्ती 10:23

मिहया़गी ख्‍याया़ला युहल च्‍यी़ला तुहक्‍पु तेर्सीमाना लेहमेन युहलला प्रे़हदी सोङ। तेहम्‍बाराङ ङाह ख्‍याया़ला माएँ, मिहगी स़ेबु फेप नाङगेन म़ेदी तोहङले ख्‍याया़गी इस्राएल क्‍याहल-खापगी युहल थाम्‍ज्‍यीलाराङ ल़ेह पेह सिहन्‍ग्‍यो ओहङज्‍ये म़ेह।”

मर्कूस 3:7

ओ़ह तिङला येशू राहङगी स्‍याहप्‍च्‍यीया़ ङ्याम्‍बु गालील साने़की छो-क्‍याहम्‍जोगी सुहरला फार फेप नाङसीन ओहले मिह माहङबुराङ येशूला ताहदा क्‍याहप्‍ती ओहङसीन।

लूका 17:11

येशू यरूशलेम ङो़ले फेप्‍नाङगेमु सामरिया दाङ गालील साने़की सा-छेन्‍जामलेगी फेप नाङसीन।

यूहन्‍ना 1:43

नाहङबार च्‍युङ येशू गालील साने़ला फेप्‍च्‍ये म़ेदी थेन फेप्‍सीन। ओहले येशूगी फिलिपला थु नाङसीन ओहले सुङ नाङसीन, “ख्‍ये ङाहगी तिङदा तिङ स्‍यो।”

यूहन्‍ना 10:40

ओहले येशू येहपाराङॱआङ यर्दन चाङबुकी फार्केन देपला यूहन्‍नागी तोहङले बप्‍तिस्‍मा तेर्केन ग्‍या़ला फेप नाङसीन, ओहले येशू ओ़हलाराङ ज़्‍य़ू नाङसीन।

यूहन्‍ना 11:54

ओ़ह सोङबे येशू येहपाराङ यहूदीया़की पाहरक्‍यीला मिहया़गी थोङदाङला फार छुर कोरा क्‍याहप माहनाङ। यिहॱनाङ येशू ओ़ह ग्‍या़ले रिह काम्‍बु पोहला येहगेन्‍गी एफ्राइम माएँ क्‍याहसाला फेप नाङसीन ओहले येशू राहङगी स्‍याहप्‍च्‍यीया़ ङ्याम्‍बु ओ़हलाराङ ज़्‍य़ू नाङसीन।

यूहन्‍ना 2:11

मिहरोगी याहम्‍जेन छ्येवागी ताक्‍छेनया़ नाहङला दि तोहङस्‍यो ताक्‍छेन यिहम्‍बा। दि येशूगी गालील साने़की काना माएँ क्‍याहसाला जे नाङसीन। दि ल़ेहमु जेती मिहरोगी राहङगी ज़िज्‍यिद तेन नाङसीन, ओहले मिहरोकी स्‍याहप्‍च्‍यीया़गी मिहरो थो़ला यिह छ्य़ेसीन।

यूहन्‍ना 3:22

ओ़ह तिङले येशू राहङगी स्‍याहप्‍च्‍यीया़ ङ्याम्‍बु यहूदीया लुहङबाला फेप नाङसीन ओहले ङ्यिहमा तोबाज्‍यी खुङ ङ्याम्‍बु ज़्‍य़ू नाङसीन ओहले बप्‍तिस्‍मा नाङसीन।

यूहन्‍ना 3:32

मिहरोगी राहङगी ज़ी़क्‍यो दाङ सेन्‍ग्‍योगी स्‍याहलया़ॱराङ सुङ नाङगे। यिहॱनाङ मिहरोगी सुङ नाङग्‍यो स्‍याहलला सुज्‍यीगीॱआङ यिह मे़हछ्येएँ।

यूहन्‍ना 4:47

ओहले येशू यहूदीया साने़लेगी गालीलला फेप नाङग्‍यो येह माएँ ताम थ़े फान्‍ज्‍यो खो येशूसाला ओहङसीन, ओहले खोगी येशूला “ङाहती पुह स्‍यिज्‍येॱराङ पेहती येहबा राहङ फेप्‍ती टा़ह च्‍य़ू नाङदोङ ला़ह” म़ेदी स्‍युहवा फुल्‍सीन।

यूहन्‍ना 7:1

ओ़ह तिङले येशू गालील साने़लाराङ कोरा क्‍याहप नाङसीन, येशू यहूदीयाला फेप्‍च्‍ये थु जे माहनाङ, च्‍यिबेमाना यहूदीया़गी येशूला सेच्‍ये छोल्‍गो येहकें।