यूहन्ना 3:5 - ह्योल्मो5 येशूगी ल़ेहन क्याहप नाङसीन, “तेहम्बाराङ ङाह ख्येला माएँ, छ्यु दाङ थु लाहमले माहक्ये थु सुज्यीॱआङ किन्ज्योगी क्याहल्सीला स्य़ूह ख़ूज्ये म़ेह। အခန်းကိုကြည့်ပါ။ |
ता़ह ओ़ह पुह पिन ङ्यी़ नाहङला का़हन्दीगी आबागी ताङग्योगी केपाला ङ्यिहम्बा?” म़ेदी येशूगी टी़ह नाङसीन। “आदादीगी!” म़ेदी खुङया़गी ल़ेहन क्याहप्सीन। ओहले येशूगी खुङया़ला सुङ नाङसीन, “तेहम्बाराङ ङाह ख्याया़ला माएँ, ठाल तुहएँया़ दाङ बान्डन पेहकेया़ ख्याया़ म़ेदी तोहङले किन्ज्योगी क्याहल्सीला स्य़ूहज्ये येह।
तेहम्बाराङ, ख्याया़ राहङ-राहङगी सेमगी स्या़बा पेहती ता़ह तिहक्पा पाङज्येला ठाबे काहल्ग्यो यिहन म़ेदी तेन्ज्येला ङाह ख्याया़ला छ्युगी बप्तिस्मा तेर्को येह, यिहॱनाङ ङाह म़ेदी तिङले फेप नाङगेन्दीगी ख्याया़ला नाम्पार-ताहक्पा थु दाङ मेहगी बप्तिस्मा नाङज्ये येह। मिहरोनी ङाह म़ेदी ज्यिबुराङ ओङ छ्यिम्बु येहबा। ङाहनी मिहरोगी स्याहप्चेन थो़ज्येलाॱआङ सी़हज्ये म़ेह।
तोहङ यिहन्ज्युराङ राहङगी ज़ो नाङग्योगी च्याहम्दा लाहमले जेती किन्ज्यो याहपकी ख्याया़ला राहङदीराङ नाम्पार-ताहक्पा मिहया़ ज़ो नाङज्येला दाम नाङग्यो यिहम्बा। येशू मास्यीकाकी ठा़गी नाम्पार-ताहक्पा काहल्दी मिहरोकी काया़ ख्याया़गी ची़ ख़ूज्यु म़ेदी किन्ज्योगी ख्याया़ला नाम्पार-ताहक्पा थु लाहमले राहङदी ज़ो नाङसीन। किन्ज्योगी ख्याया़ला काटीन दाङ स्य़िहदे माहङबु म़ेदी माहङबु नाङज्यु।