Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




यूहन्‍ना 3:5 - ह्योल्‍मो

5 येशूगी ल़ेहन क्‍याहप नाङसीन, “तेहम्‍बाराङ ङाह ख्‍येला माएँ, छ्यु दाङ थु लाहमले माहक्‍ये थु सुज्‍यीॱआङ किन्‍ज्‍योगी क्‍याहल्‍सीला स्‍य़ूह ख़ूज्‍ये म़ेह।

အခန်းကိုကြည့်ပါ။ ကော်ပီ




यूहन्‍ना 3:5
35 ပူးပေါင်းရင်းမြစ်များ  

सुङ नाङसीन, “तेहम्‍बाराङ ङाह ख्‍याया़ला माएँ, राहङगी सेम ग्‍युर्ती दि पेहजा ल़ेहमु मेहयोङसीमाना ख्‍याया़ च्‍यि पेहतीॱआङ स्‍यिहङगामकी क्‍याहल्‍सीला स्‍य़ूह ङ्युहङज्‍ये म़ेह।


येहपाराङ ङाह ख्‍याया़ला माएँ, मिह छ्युक्‍पुला स्‍यिहङगामकी क्‍याहल्‍सीला स्‍य़ूहगे म़ेदीनी ङाबुङला खापकी मी़-ओङले स्‍य़ूहज्‍येला गा तेहमु ओहङडो।”


ता़ह ओ़ह पुह पिन ङ्यी़ नाहङला का़हन्‍दीगी आबागी ताङग्‍योगी केपाला ङ्यिहम्‍बा?” म़ेदी येशूगी टी़ह नाङसीन। “आदादीगी!” म़ेदी खुङया़गी ल़ेहन क्‍याहप्‍सीन। ओहले येशूगी खुङया़ला सुङ नाङसीन, “तेहम्‍बाराङ ङाह ख्‍याया़ला माएँ, ठाल तुहएँया़ दाङ बान्‍डन पेहकेया़ ख्‍याया़ म़ेदी तोहङले किन्‍ज्‍योगी क्‍याहल्‍सीला स्‍य़ूहज्‍ये येह।


ओ़ह सोङबे ता़ह ख्‍याया़ काहल्‍दी थाम्‍ज्‍यीराङ क्‍यिहपाया़ला स्‍याहप्‍च्‍यी जे़दोङ। खुङया़ला किन्‍ज्‍यो याहप, स़ेबु दाङ नाम्‍पार-ताहक्‍पा थुगी छेनला बप्‍तिस्‍मा तेर,


तेहम्‍बाराङ, ख्‍याया़ राहङ-राहङगी सेमगी स्‍या़बा पेहती ता़ह तिहक्‍पा पाङज्‍येला ठाबे काहल्‍ग्‍यो यिहन म़ेदी तेन्‍ज्‍येला ङाह ख्‍याया़ला छ्युगी बप्‍तिस्‍मा तेर्को येह, यिहॱनाङ ङाह म़ेदी तिङले फेप नाङगेन्‍दीगी ख्‍याया़ला नाम्‍पार-ताहक्‍पा थु दाङ मेहगी बप्‍तिस्‍मा नाङज्‍ये येह। मिहरोनी ङाह म़ेदी ज्‍यिबुराङ ओङ छ्यिम्‍बु येहबा। ङाहनी मिहरोगी स्‍याहप्‍चेन थो़ज्‍येलाॱआङ सी़हज्‍ये म़ेह।


ओ़ह सोङबे ङाह ख्‍याया़ला माएँ, छ्य़े-ठिमगी काया़ला छ्य़े-ठिमकी लोबेनया़ दाङ फरिसीया़गी म़ेदी या़हबु पेहती मी़हचीसीमानानी ख्‍याया़ किन्‍ज्‍योगी क्‍याहल्‍सीला स्‍य़ूह ङ्युहङज्‍ये म़ेह।”


येशूगी दि ज़ी़ नाङदी थुयाल ज़्‍याङ नाङसीन ओहले खुङया़ला सुङ नाङसीन, “पेहजाया़ला ङाहसाला ओहङ च्‍य़ूदोङ, खुङया़ला मा़हका! च्‍यिबेमाना किन्‍ज्‍योगी क्‍याहल्‍सीनी दि ल़ेहमुराङ पेहजाया़गी तेहन्‍दाला यिहम्‍बा।


यिह-छ्य़े पेहती बप्‍तिस्‍मा लेहन्‍गेनया़गी थार्पा ज्‍योर्च्‍ये येह। यिहॱनाङ यिह-छ्य़े मेहबेकेनया़ला किन्‍ज्‍योगी ङ्य़ेहबा नाङज्‍ये येह।


ओहले ओ़ह ल़ेहमुराङ पेहती ख्‍येगी मी़गी ख्‍येला तिहक्‍पाला छ्यि च्‍यू़सीमाना ओ़हदीला तेन्‍दी क्‍युर चोहङ च्‍यिबेमाना मी़ ङ्यिकाराङ थो़दी ङ्याल्‍वाला छ्यिकें म़ेदीनी मी़ च्‍यी़ म़ेहबा पेहतीराङ किन्‍ज्‍योगी क्‍याहल्‍सीला स्‍य़ूहगेन्‍दी या़हबु यिहम्‍बा।


ओहले येशूगी सुङ नाङसीन, “स्‍याहङ फेमागी कोह लाहमले नाहङला स्‍य़ूहज्‍येला निङरु पेहतोङ। ङाहगी ख्‍याला माएँ, मिह माहङबुराङ ओ़ह स्‍याहङ फेमागी कोह लाहमले नाहङला स्‍य़ूहज्‍ये छोल्‍ज्‍ये येह, यिहॱनाङ स्‍य़ूह ख़ूज्‍ये म़ेह।


ङाहगी ख्‍याला माएँ, ओ़ह ल़ेहमु मिहम्‍बा, यिहॱनाङ ख्‍याया़गी सेमगी स्‍या़बा मेहबेसीमाना ख्‍या थाम्‍ज्‍यीराङ ओ़ह ल़ेहमुराङ पेहती तोङदी डोज्‍ये येह।


ओ़ह ल़ेहमु मिहम्‍बा, ङाहगी ख्‍याला माएँ, ख्‍याया़गी सेमगी स्‍या़बा पेहती तिहक्‍पा मेहपाङसीमानानी ख्‍याॱआङ थाम्‍ज्‍यीराङ तोङदी डोज्‍ये येह!”


खुङ ठा़ दाङ, ज़ुबुकी सेम्‍बाया़ लाहमले ओहले मिहगी सेमगी ने़जेबा लाहमले क्‍येक्‍यो मिहम्‍बा, यिहॱनाङ किन्‍ज्‍यो लाहमले क्‍येक्‍यो ओहङगे।


ओहले येशूगी खोला सुङ नाङसीन, “तेहम्‍बाराङ ङाह ख्‍येला माएँ, साम्‍बा पेहती माहक्‍ये थु सुज्‍यीगीॱआङ किन्‍ज्‍योगी क्‍याहल्‍सी थोङ मी़हखुएँ।”


निकोदेमसगी येशूला मासीन, “मिह केहपु काहल सिहन फान्‍ज्‍योॱआङ येहपाराङ काह-ठि पेहते क्‍ये ख़ूएँ ले? च्‍यि खो राहङगी आमाकी फोवा नाहङला स्‍य़ूहदी क्‍ये ख़ूएँ ले?”


ओहले पत्रुसगी मासीन, “ख्‍या थाम्‍ज्‍यीगी सेमगी स्‍या़बा पेहती तिहक्‍पा कोहङदागी तेहन्‍दाला येशू मास्‍यीकागी छेनला बप्‍तिस्‍मा लेहन्‍दोङ, ओहले ख्‍यागी किन्‍ज्‍योगी काबाप नाम्‍पार-ताहक्‍पा थु ज्‍योर्च्‍ये येह।


ता़हनी ख्‍या फे़बेया़गी सेमगी स्‍या़बा पेहती तिहक्‍पा पाङदी किन्‍ज्‍यो ङो़ले लो़ह नाङदोङ, ओहले किन्‍ज्‍योगी ख्‍या फे़बेया़गी तिहक्‍पा थाम्‍ज्‍यीराङ ता़ह च्‍य़ू नाङज्‍ये येह। दि ल़ेहमु पेहती ख्‍या फे़बेया़गी किन्‍ज्‍योलेगी यिहला लो तेहमु दाङ स्‍युक ज्‍योर्च्‍ये येह।


च्‍यिबेमाना किन्‍ज्‍योगी क्‍याहल्‍सी माक्‍योदी साहज्‍ये दाङ थुङज्‍ये च्‍यी़राङ मिहम्‍बा, यिहॱनाङ नाम्‍पार-ताहक्‍पा थुला टाहङदेन, स्‍य़िहदे दाङ काहसो यिहम्‍बा।


तिहक्‍पा दाङ स्‍यिवाकी छ्य़े-ठिम लाहमले ङाहला मिहली नाङगेन थुगी, छ्य़े-ठिमगी मास्‍यीका येशूला खा फे़ नाङदी येह।


आदा नो़ह दाङ आज्‍यी-नुहमुया़, ङाहगी माज्‍ये छोल्‍ग्‍यो ताम दिराङ यिहम्‍बा, स्‍या दाङ ठा़गी किन्‍ज्‍योगी क्‍याहल्‍सीला स्‍य़ूहज्‍येला ओङ ज्‍योर मी़हखुएँ। ओहले तोहङदी डोएँ ज़ुबुगी नाहमॱआङ मेहतोङगेन ज़ुबुगी ओङ ज्‍योर मी़हखुएँ।


ता़ह ओहराङगी जाम्‍बुलीङकी नाम्‍स्‍यी मिहम्‍बा, यिहॱनाङ किन्‍ज्‍योगी थु ज्‍योर्ती येह। किन्‍ज्‍योगी ओहराङला आहन्‍डाराङ नाङग्‍योकी ना थाम्‍ज्‍यीराङ तामया़ ङोह स्‍य़े ख़ूज्‍यु म़ेदीराङ ओहराङगी किन्‍ज्‍योगी थु ज़्‍योरक्‍यो यिहम्‍बा।


ख्‍या नाहङला लाहला ओ़ह ल़ेहमुराङ येहकें, यिहॱनाङ ताहन्‍दा चो़वो येशू मास्‍यीका लाहमले ख्‍याया़ चाङमा दाङ नाम्‍पार-ताहक्‍पा काहल्‍सीन ओहले किन्‍ज्‍योकी थु लाहमले ख्‍याला च्‍यिॱआङ क्‍येन म़ेहबा सी़ह ख़ूसीन।


स्‍या-ताक पेहॱनाङ, स्‍या-ताक मेहबेॱनाङ ओ़हला च्‍यिॱआङ ख्‍येपार म़ेह। यिहॱनाङ थाम्‍ज्‍यी म़ेदी छ्यिम्‍बु केच्‍याती दिराङ यिहम्‍बा– मास्‍यीका लाहमले मिहली साम्‍बा ज्‍योर्के दिराङ थाम्‍ज्‍यी म़ेदी चा़ छ्यिम्‍बु यिहम्‍बा।


च्‍यिबेमाना मास्‍यीकागी छेन्‍छोकला नाम्‍पार-ताहक्‍पा ज़ो नाङज्‍येला राहङगी सुङ लाहमले ओहले छ्युगी ठु नाङदी चाङमा ज़ो नाङसीन।


तोहङ यिहन्‍ज्‍युराङ राहङगी ज़ो नाङग्‍योगी च्‍याहम्‍दा लाहमले जेती किन्‍ज्‍यो याहपकी ख्‍याया़ला राहङदीराङ नाम्‍पार-ताहक्‍पा मिहया़ ज़ो नाङज्‍येला दाम नाङग्‍यो यिहम्‍बा। येशू मास्‍यीकाकी ठा़गी नाम्‍पार-ताहक्‍पा काहल्‍दी मिहरोकी काया़ ख्‍याया़गी ची़ ख़ूज्‍यु म़ेदी किन्‍ज्‍योगी ख्‍याया़ला नाम्‍पार-ताहक्‍पा थु लाहमले राहङदी ज़ो नाङसीन। किन्‍ज्‍योगी ख्‍याया़ला काटीन दाङ स्‍य़िहदे माहङबु म़ेदी माहङबु नाङज्‍यु।


दि छ्युगी, बप्‍तिस्‍माकी पे तेन्‍गे दिगी ख्‍याला थार च्‍य़ूगे। दि ज़ुबुकी ङ्योक्‍पाया़ स्‍याल्‍ग्‍यो ल़ेहमु मिहम्‍बा यिहॱनाङ दि नावा चाङमा थो़दी किन्‍ज्‍यो ङ्याम्‍बु ज़्‍या़क्‍योगी ताहम्‍ज्‍या यिहम्‍बा। येशू मास्‍यीका टोहङग्‍योलेगी सोम्‍बो ज़्‍याङ नाङग्‍यो सोङबे बप्‍तिस्‍मागी ख्‍याला थार च्‍य़ूगे।


मास्‍यीका टाहङबु येह म़ेदी ख्‍याया़ला क्‍यी़हराङ येह। ओ़ह सोङबे किन्‍ज्‍योगी दिनला ठाबे सी़हएँगी ल़ेह पेहकें मिहया़ च्‍यी़राङ मिहरोगी छार्क्‍यीनया़ ओहङज्‍ये येह माएँ तामॱआङ ख्‍याया़ला क्‍यी़हराङ येह।


येशूॱराङ मास्‍यीका यिहन म़ेदी यिह छ्य़ेगे थाम्‍ज्‍यी किन्‍ज्‍योगी छार्क्‍यीनया़ यिहम्‍बा। ओहले सुगी किन्‍ज्‍यो याहपला चेवा पेहकेन खोगी राहङगी छार्क्‍यीनॱलाङ चेवा पेहकें।


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ