यूहन्‍ना 3:36 - ह्योल्‍मो

³⁶ का़हन्‍दीगी स़ेबुला यिह छ्य़ेगे, खो ङ्याम्‍बु था़ म़ेहबा मिहली ज़ाङबु ओहङगे। का़हन्‍दीगी स़ेबुला यिह मे़हछ्येगे, खोगी मिहली थोङज्‍ये म़ेह, यिहॱनाङ किन्‍ज्‍योगी थुयाल खो थो़ला बाप्‍च्‍ये येह।

यूहन्‍ना 3:36 ပူးပေါင်းရင်းမြစ်များ

मत्ती 25:46

ओहले खुङया़गीदी नाहम्‍स्‍यी किन्‍दुॱराङ ङ्य़ेहबा खुर कोहच्‍ये येह, यिहॱनाङ टाहङबु मिहया़गीदी नाहमॱआङ मिहस्‍यीएँगी मिहली ज़ाङबु ज्‍योर्च्‍ये येह।”

मर्कूस 16:16

यिह-छ्य़े पेहती बप्‍तिस्‍मा लेहन्‍गेनया़गी थार्पा ज्‍योर्च्‍ये येह। यिहॱनाङ यिह-छ्य़े मेहबेकेनया़ला किन्‍ज्‍योगी ङ्य़ेहबा नाङज्‍ये येह।

लूका 2:30

च्‍यिबे मासीमाना, राहङगी ताङ नाङग्‍योकी थार्पा नाङगेन्‍दीला ङाह राहङगी मी़गीराङ थोङ ङ्युहङसीन।

लूका 3:6

ओहले मिह थाम्‍ज्‍यीगीराङ किन्‍ज्‍योगी थार्पा थोङज्‍ये येह।”

यूहन्‍ना 1:12

यिहॱनाङ काहजे मिहया़गी मिहरोला ची़नाङ पेहपा ओहले मिहरोगी छेन थो़ला यिह छ्य़ेबा, मिहरोगी खुङया़ला किन्‍ज्‍योकी छार्क्‍यीन डोएँगी ओङ नाङसीन।

यूहन्‍ना 10:28

ङाह खुङया़ला था़ म़ेहबागी मिहली ज़ाङबु तेर्कें। ओहले खुङया़ नाहमॱआङ तोङदी डोज्‍ये म़ेह, ओहले सुज्‍यीगीॱआङ खुङया़ला ङाह लाहक्‍पाले फ्रो़दी ख्‍येर ख़ूज्‍ये म़ेह।

यूहन्‍ना 3:3

ओहले येशूगी खोला सुङ नाङसीन, “तेहम्‍बाराङ ङाह ख्‍येला माएँ, साम्‍बा पेहती माहक्‍ये थु सुज्‍यीगीॱआङ किन्‍ज्‍योगी क्‍याहल्‍सी थोङ मी़हखुएँ।”

यूहन्‍ना 4:36

का़हन्‍दीगी तेन्‍दो टू़हगे खोगी ले़गा ज्‍योर्कें, ओहले नाहमॱआङ मिहस्‍यीएँगी मिहलीगी तेहन्‍दाला खोगी तेन्‍दो टू़हगे, ओहले ताप्‍के दाङ टू़हगेन मिह ङ्याम्‍बुराङ क़ेहनाङ पेहकें।

यूहन्‍ना 5:24

“तेहम्‍बाराङ, ङाह ख्‍याया़ला माएँ, सुगी ङाहती ताम ङ्यिहन्‍गे ओहले ङाहला ताङ नाङगेन्‍दीला यिह-छ्य़े पेहकें, खो ङ्याम्‍बु नाहमॱआङ मिहस्‍यीएँगी मिहली ज़ाङबु ओहङगे। खोला ठिम ताङज्‍ये म़ेह, यिहॱनाङ खो स्‍यिवालेगी मिहलीला स्‍य़ूह सिहन्‍दी येह।

यूहन्‍ना 6:58

स्‍यिहङगामले ओहङग्‍योगी खुरानी ख्‍यागी आख्‍ये मे़हमेया़गी साहक्‍योगी खुरा ल़ेहमु मिहम्‍बा। ओ़ह खुरा ख्‍यागी आख्‍ये मे़हमेया़गी साहसीन ओहले स्‍यिसीन। यिहॱनाङ दि खुरा साहएँया़दी नाहमॱआङ स्‍यिज्‍ये म़ेह।”

यूहन्‍ना 8:51

तेहम्‍बाराङ ङाह ख्‍याया़ला माएँ, ङाहगी सुङदेन ङ्यिहन्‍गेया़ नाहमॱआङ स्‍यि कोहज्‍ये म़ेह।”

ल़ेह-पेन 14:2

यिहॱनाङ चो़वो छ्येवाला यिह मा़हछ्येबा यहूदीया़गीदी लेहमेन क्‍यिहपागी मिहया़ला ख्‍येर क्‍याहप्‍ती येशूला यिह-छ्य़े पेहकेन्‍गी आदा-नो़हया़ ङ्याम्‍बु ठ़ूस्‍यी पेह च्‍य़ूसीन।

रोमी 4:15

ता़ह छ्य़े-ठिम ज़्‍या़ फान्‍ज्‍योनी मिहगी मी़हचीसी माना किन्‍ज्‍यो थुयाल ज़्‍याङ नाङगे, यिहॱनाङ छ्य़े-ठिम मे़हसीमानानी ओ़हला छ्य़े-ठिम गोम्‍गेन्‍की केच्‍याराङ मेहयोहङगे।

रोमी 5:9

दि ल़ेहमु पेहती मास्‍यीकाकी ठा़ लाहमले ओहराङला किन्‍ज्‍योकी दिनला टाहङबु सी़ह च्‍यु नाङसीन मानानी ता़ह तोहरोङ मिहरोगी ओहराङला किन्‍ज्‍योगी थुयाल यिहन्‍ज्‍यु थार च्‍य़ू नाङज्‍ये येह।

रोमी 8:1

ओ़ह सोङबे मास्‍यीका येशूला येहकेन मिह थाम्‍ज्‍यीला किन्‍ज्‍योगी ङ्य़ेहबा काल नाङज्‍ये म़ेह।

गलाती 3:10

छ्य़े-ठिमकी ल़ेहया़ थो़ला यिह छ्य़ेगे मिह थाम्‍ज्‍यीला मे़मु सू़हदे येहबा, च्‍यिबेमाना छ्य़ेला दि ल़ेहमु प्री़हदे येहबा, “छ्य़े-ठिमला प्रुहक्‍योकी थाम्‍ज्‍यीराङ काया़ मी़हचीगे दाङ मिहङ्यीहन्‍गे मिह थाम्‍ज्‍यीला मे़मु सू़हज्‍ये येह।”

एफिसी 5:6

सुज्‍यीगी ख्‍याया़ला चिहन क्‍याहप्‍ती गो़ कोर मा़हखुज्‍यु। दि ल़ेहमु केच्‍याया़गी पेहतीराङ मिहङ्यीहन्‍गे मिहया़गी थो़ला किन्‍ज्‍योकी थुयाल बाप्‍के।

१ थेसलोनिकी 1:10

ओहले स्‍यिहङगामले माहर फेप नाङज्‍ये येह म़ेदी लाहम क़ूह तेहकेन किन्‍ज्‍योगी स़ेबुला किन्‍ज्‍योगीॱराङ टोङग्‍यो ग्‍या़लेगी सोम्‍बो ज़्‍याङ च्‍य़ू नाङसीन। ओ़ह स़ेबुराङ येशू यिहम्‍बा, ओहले ताहन्‍दा राहङया़गी क़ूह तेहक्‍योदीॱआङ मिह-रो़हलाॱराङ यिहम्‍बा। ओहले ओहराङ थो़ला ओहङज्‍ये पेहक्‍योगी किन्‍ज्‍योकी थुयाल ङो़ले थार च्‍य़ू नाङगेन्‍दीॱआङ मिह-रो़हराङ यिहम्‍बा।

१ थेसलोनिकी 5:9

च्‍यिबेमाना किन्‍ज्‍योगी ओहराङ थो़ला राहङगी थुयाल पुङ नाङज्‍येला दाम नाङग्‍यो मिहम्‍बा यिहॱनाङ चो़वो येशू मास्‍यीका लाहमले थार्पा नाङज्‍येला तोहङलेराङ दाम नाङग्‍यो यिहम्‍बा।

हिब्रू 10:29

ख्‍याया़ राहङगीराङ नोम्‍साङ ताङदोङ: किन्‍ज्‍योकी स़ेबुला राहङ काङबा चो़ला ज़्‍या़गे ओहले तिहक्‍पालेगी नाम्‍पार-ताहक्‍पा ज़ो नाङगे किन्‍ज्‍योकी ताहम्‍ज्‍या थिउ-निउ पेहकें मास्‍यीकाकी ठा़ला च्‍यि ल़ेहमुज्‍यीॱआङ मे़हनेगे ओहले काटीन नाङगेन्‍गी नाम्‍पार-ताहक्‍पा थुला स्‍ये़हन्‍डील पेहकें मिहला जेन काहजे छ्यिम्‍बु ङ्य़ेहबा फो़रो?

हिब्रू 2:3

देजे छ्यिम्‍बु थार्पाला नोम्‍साङ मेहताङसीमानानी जेन काह-ठि पेहती ओहराङ थार ख़ूज्‍ये ले? दि थार्पा तोहङस्‍यो चो़वोगीॱराङ प्रा साल नाङसीन। मिहरोगी प्रा साल नाङग्‍योकी लुहङ ङ्यिहन्‍गेया़गी दि तेहम्‍बा यिहन म़ेदी ङ्यिहला पाङबु तेर्सीन।

हिब्रू 3:18

किन्‍ज्‍योगी का मी़हची़एँया़ॱराङ मास्‍यीकागी थाङ सो नाङगेन्‍गी ग्‍या़ला नाहमॱआङ स्‍युह ङ्युहङज्‍ये म़ेह सुङदी किन्‍ज्‍योगी ना क्‍याल नाङग्‍यो मिहम्‍बा ले?

हिब्रू 3:19

ओ़ह सोङबे ओहराङगी थोङ ख़ूएँ, खुङगी यिह मा़हछ्येबा सोङबेॱराङ खुङ थाङ सोएँ ग्‍या़ला स्‍युह माहङ्युहङ।

ज्‍याल्‍गा 21:8

यिहॱनाङ ज्‍यी़गेया़, यिह मे़ह-छ्ये़गेया़, नाम्‍दो लाहङज्‍ये ल़ेहमु ल़ेह पेहकेनया़, मिह सेकेनया़, छ्येउ-छ्येंमु पेहकेनया़, ङ्येहन क्‍याहप्‍केनया़, कुला छ्येपा फुल्‍गेया़ ओहले स्‍योप क्‍याहप्‍केनया़ थाम्‍ज्‍यी मेह दाङ मेहबुङगी छो नाहङला डोज्‍ये येह। दि ङ्यिपा स्‍यिवा यिहम्‍बा।”