यूहन्‍ना 3:35 - ह्योल्‍मो

³⁵ याहपगी राहङगी स़ेबुला चेवा जे नाङगे, ओहले ना थाम्‍ज्‍यीराङ मिहरोगी छ्या़ला ज़्‍या़ नाङदी येह।

यूहन्‍ना 3:35 ပူးပေါင်းရင်းမြစ်များ

मत्ती 11:27

ङाहगी किन्‍ज्‍यो याहपगी ङाहला थाम्‍ज्‍यीराङ से़हया़ चि क्‍याहप नाङदी येह। किन्‍ज्‍यो याहपगी मिहम्‍बा लेहमेन सुगीॱआङ स़ेबुला ङोह मे़हस्‍येएँ ओहले स़ेबुगी मिहम्‍बा लेहमेन सुगीॱआङ किन्‍ज्‍यो याहपला ङोह मे़हस्‍येएँ। यिहॱनाङ स़ेबुगी ङोहस्‍यी ताङ तेर नाङग्‍योया़गीदी किन्‍ज्‍यो याहपला ङोह स्‍य़ेएँ।

मत्ती 17:5

पत्रुसगी दि ल़ेहमु पेहती ताम म़ेदी तेहकेमु येहपा छ्या़क्‍योगी मुक्‍पा ओहङसीन ओहले मुक्‍पा थेन ओहङदी खुङ थो़ला टिहप्‍सा क्‍याहप्‍सीन, ओहले मुक्‍पा नाहङलेगी दि ल़ेहमु सुङ-क़े च्‍यी़ थ़ेसीन, “दि ङाहगी च्‍याहम्‍बु पेहक्‍योगी स़ेबु यिहन, खो ङ्याम्‍बु ङाह ज्‍यिबुराङ काहसो येह। खोगी माक्‍यो ख्‍याया़गी ङ्यिहन्‍दोङ।”

मत्ती 28:18

ओहजेला येशू खुङया़ पोहला फेप्‍ती सुङ नाङसीन, “त़ेदोङ, स्‍यिहङगाम दाङ जाम्‍बुलीङगी थाम्‍ज्‍यीराङ ओङ ङाहला नाङदी येह।

मत्ती 3:17

ओ़हजेलाराङ स्‍यिहङगामले, “दि ङाहगी च्‍याहम्‍बु पेहक्‍योगी स़ेबु यिहन, खो ङ्याम्‍बु ङाह ज्‍यिबुराङ सेम काहसो येह” म़ेदी माएँ सुङ-क़े च्‍यी़ थ़ेसीन।

लूका 10:22

“ङाहती याहपगी ङाहला थाम्‍ज्‍यीराङ चि क्‍याहप नाङदी येह। स़ेबु सु यिहम्‍बा म़ेदी याहपगी मिहम्‍बा, लेहमेन सुगीॱआङ ङोह मे़हस्‍येएँ। ओ़ह ल़ेहमुराङ, स़ेबु दाङ खोगी तेन्‍ग्‍योकी मिहया़गी च्‍यी़राङ याहपला ङोह स्‍य़ेएँ लेहमेन सुगीॱआङ याहपला ङोह मे़हस्‍येएँ” म़ेदी येशूगी सुङ नाङसीन।

यूहन्‍ना 13:3

याहपगी थाम्‍ज्‍यीराङ से़हया़ मिहरोगी छ्या़ला नाङदी येह, ओहले मिहरो किन्‍ज्‍यो लाहमलेॱराङ फेप नाङग्‍यो यिहम्‍बा, ओहले किन्‍ज्‍यो सालाराङ फेप नाङगेराङ येह माएँ स्‍याहल येशूला थुयी़ येहकें।

यूहन्‍ना 15:9

याहपगी ङाहला चेवा जे नाङग्‍यो ल़ेहमुराङ ङाहगीॱआङ ख्‍याला चेवा पेहती येह। ता़ह ख्‍या ङाहती चेवाला तेहतोङ।

यूहन्‍ना 17:2

च्‍यिबेमाना राहङगी खोला मिह थाम्‍ज्‍यी थो़ला ओङ नाङदी येह, ओ़ह लाहमले याहपगी नाङग्‍यो थाम्‍ज्‍यीलाराङ खोगी था़ म़ेहबा मिहली ज़ाङबु तेर्च्‍यु।

यूहन्‍ना 17:23

ङाह खुङ ङ्याम्‍बु ओहले राहङ ङाह ङ्याम्‍बु ज़्‍य़ू नाङदी येह। दि ल़ेहमु पेहती खुङॱआङ छाङबु पेहती च्‍यी़राङ ओहङ ख़ूज्‍यु। ओहले राहङगी ङाहला ताङ नाङदी चेवा जे नाङग्‍यो ल़ेहमु खुङया़लाॱआङ चेवा जे नाङसीन माएँ ताम जाम्‍बुलीङगी ङोह स्‍य़े ख़ूज्‍यु।

यूहन्‍ना 17:26

राहङगी ङाहला जे नाङग्‍योकी चेवा खुङ ङ्याम्‍बुॱआङ लिहच्‍यु ओहले ङाह खुङ ङ्याम्‍बु तेह ख़ूज्‍यु म़ेदी याहपला ङाहगी खुङया़गी पाहरक्‍यीला ङोह स्‍य़े च्‍य़ूदी येह ओहले तोहरोङॱआङ ङोह स्‍य़े च्‍य़ूगेनॱराङ येह।”

यूहन्‍ना 5:20

च्‍यिबेमाना याहपगी स़ेबुला चेवा जे नाङगे ओहले मिहरो राहङगी जेती ज़्‍य़ू नाङग्‍योकी छ्या़लेया़ थाम्‍ज्‍यीराङ स़ेबुला तेन नाङगे। दि म़ेदीॱआङ छ्यिम्‍बु छ्या़ले मिहरोगी स़ेबुला तेन नाङज्‍ये येह, ओहले ख्‍याया़ ह्‍अ ल़ेहज्‍ये येह।

यूहन्‍ना 5:22

च्‍यिबेमाना याहपगी सुॱलाङ ठिम ताङ मेहनाङ। खुङया़गी याहपला ची़नाङ पेहक्‍यो ल़ेहमु थाम्‍ज्‍यीगी स़ेबुला ची़नाङ पेहच्‍यु म़ेदी ठिम ताङगेन्‍गी छ्या़ले थाम्‍ज्‍यीराङ स़ेबुला नाङदी येहबा। स़ेबुला ची़नाङ मेहबेकेन्‍दीगी खोला ताङ नाङगेन याहपॱलाङ ची़नाङ मेहबेकें।”

१ कोरिन्‍थी 15:27

च्‍यिबेमाना छ्य़ेगी दि ल़ेहमु सुङ नाङगे, “किन्‍ज्‍योगी थाम्‍ज्‍यीराङ से़हया़ला मास्‍यीकागी स्‍याहप चो़ला ज़्‍या़ नाङदी येहबा।” दि माक्‍योगी तेहन्‍दादी किन्‍ज्‍योॱआङ मास्‍यीकागी ओङ चो़ला ओहङगे म़ेदी माक्‍योती मिहम्‍बा, यिहॱनाङ किन्‍ज्‍योगीॱराङ ना थाम्‍ज्‍यीराङ से़हया़ला मास्‍यीकाकी ओङ चो़ला ज़्‍या़ नाङज्‍ये येह म़ेदी माक्‍यो यिहम्‍बा।

एफिसी 1:22

ओहले किन्‍ज्‍योगी थाम्‍ज्‍यीराङ से़हया़ मास्‍यीकाकी स्‍याहप चो़ला ज़्‍या़ नाङसीन, ओहले मिहरोला ना थाम्‍ज्‍यीराङ से़हया़ला छेन्‍छोकती गो-छ्येस्‍यो ज़ो नाङसीन।

हिब्रू 1:2

यिहॱनाङ ता़ह दि तिङस्‍यो ङ्यिहमाया़ला मिहरो राहङगी स़ेबु लाहमले ओहराङ ङ्याम्‍बु स्‍याहल सुङ नाङदी येह। स़ेबुलाॱराङ मिहरोकी रेबेॱराङ से़हया़दी ताहक्‍पु ओहङज्‍येला दाम नाङसीन, ओहले स़ेबु लाहमलेॱराङ मिहरोगी रेबेॱराङ से़हया़ छ्या़ च्‍य़ू नाङसीन।

१ पत्रुस 3:22

मिहरो स्‍यिहङगामला फेप नाङसीन ओहले स्‍यिहङगामकी स्‍याहप्‍च्‍यीया़, ओङ छ्य़ेगेया़ दाङ ओङज्‍याया़ला राहङगी ओङ चो़ला ज़्‍या़दी किन्‍ज्‍योकी योबा ङो़ले ज़्‍य़ू नाङदी येह।