यूहन्‍ना 3:33 - ह्योल्‍मो

³³ मास्‍यीकागी सुङ नाङग्‍योकी स्‍याहलला ची़गेन्‍दीगी किन्‍ज्‍योॱराङ तेहम्‍बा-तेहन्‍सुम यिहन माएँ तामगी दास्‍यी तेर्के।

यूहन्‍ना 3:33 ပူးပေါင်းရင်းမြစ်များ

यूहन्‍ना 6:27

तोङदी डोएँगी खुराकी तेहन्‍दाला तुहक्‍पु माहबे, यिहॱनाङ था़ म़ेहबा मिहली ज़ाङबु तेर्केन खुराकी तेहन्‍दाला तुहक्‍पु पेहतोङ, ओ़ह ख्‍याया़ला मिहगी स़ेबुगी नाङज्‍ये येह। च्‍यिबेमाना किन्‍ज्‍यो याहपगी स़ेबु थो़ला राहङदी पार क्‍याहप नाङदी येह।”

यूहन्‍ना 8:26

ख्‍याया़गी तेहन्‍दाला ताम मा कोहच्‍ये दाङ ठिम ताङ कोहज्‍ये नि माहङबुराङ येह। यिहॱनाङ ङाहला ताङ नाङगेन्‍दी तेहम्‍बा ज़्‍य़ू नाङदी येह, ओहले मिहरो लाहमले ङाहगी च्‍यि थे़बा ओ़ह तामया़ॱराङ ङाह जाम्‍बुलीङला स्‍येकें।”

रोमी 15:28

ओ़ह सोङबे खुङला म़ेदी ताङ चाहङग्‍योगी डिबु या़हबु पेहती चि क्‍याहप्‍सीम्‍बाराङ ख्‍या साले पेहती स्‍पेन लुहङबाला डोज्‍ये सेम्‍बा येहबा।

रोमी 4:11

स्‍या-ताककी ताक्‍छेन, पे यिहॱना़ तेहपा लाहमले ज़्‍योरक्‍यो टाहङदेनकी पार खोगी ओ़ह ती़हजीलाराङ ज्‍योर सिहन्‍ग्‍यो येहकें, ओहजेला खोती स्‍या-ताक माहकाहल्‍बा येहकें। स्‍या-ताक माहबेबा पेहतीॱआङ किन्‍ज्‍योला तेहपा पेहती खो मिह टाहङबु सी़ह ख़ूसीन ओहले खो मिह थाम्‍ज्‍यीदी यिहक्‍तेन आबा काहल्‍सीन। दि तेहन्‍दा डुप्‍च्‍यु म़ेदीराङ दि रोहवा काहल्‍ग्‍यो यिहम्‍बा।

१ कोरिन्‍थी 9:2

काहजे मिहया़गी ङाहला ल़ेह-पेन म़ेदी मी़हचीॱनाङ ख्‍याया़गी तेहन्‍दालानी ङाह ल़ेह-पेनराङ यिहन। ख्‍याया़गी मास्‍यीकाला यिह-छ्य़े पेहक्‍यो तामया़गीॱआङ ङाह ल़ेह-पेन यिहम्‍बा म़ेदी दास्‍यी तेर्के।

२ कोरिन्‍थी 1:18

किन्‍ज्‍यो यिह-छ्य़ेबु येहकें ल़ेहमुराङ ङ्यिहगी या़हबु लेहङगुॱआङ “यिहम्‍बा” दाङ “मिहम्‍बा” काहल्‍दी म़ेह।

२ कोरिन्‍थी 1:22

मिहरोगी ओहराङ थो़ला राहङगी पार क्‍याहप नाङदी येहबा, ओहले ओहराङगी सेमला बे़ना क्‍याहप्‍ती नाम्‍पार-ताहक्‍पा थु नाङदी येहबा।

एफिसी 1:13

ओ़ह ल़ेहमुराङ ख्‍याया़गीॱआङ तेहन्‍दामगी लेहङगु, पे यिहॱना़: राहङला थार्पा तेर्केन्‍गी या़हबु लेहङगु ङ्यिहन्‍दी मास्‍यीकाला सेमले खाल्‍सीन ओ़ह ती़हजीलाराङ मिहरोगी राहङगी ताहम्‍ज्‍या ज़्‍या़ नाङग्‍योकी नाम्‍पार-ताहक्‍पा थुगी पार क्‍याहप नाङसीन।

एफिसी 4:30

किन्‍ज्‍योकी नाम्‍पार-ताहक्‍पा थुला थु ङ्युङ मा़हच्‍यु, च्‍यिबेमाना ओ़ह नाम्‍पार-ताहक्‍पा थुगीॱराङ ख्‍याया़ला थार्पाकी ङ्यिहमागी तेहन्‍दाला पार क्‍याहप नाङदी येह।

२ तिमोथी 2:19

यिहॱनाङ, किन्‍ज्‍यो राहङगी तिङ नाङग्‍योकी मिहरोकी ब्राम नाहम-माना सान्‍दीॱराङ ओहङज्‍ये येह। ओ़ह ब्रामला दि ल़ेहमु सुङदी पार क्‍याहप नाङदी येह, “चो़वोगी राहङगी क्‍यिपाया़ला ङोह ख्‍येन नाङगे,” ओहले “चो़वोकी छेन लेहन्‍गेया़गी ना थाम्‍ज्‍यीगी ल़ेह चोक्‍पाया़ ङो़ले था़-रिहङबुराङ तेहच्‍यु।”

हिब्रू 6:17

किन्‍ज्‍योकी तोहदाम ज्‍योर्के मिहया़ला राहङगी ज़्‍या़ नाङग्‍योकी तोहदाम च्‍येॱराङ च्‍येच्‍ये म़ेह ओहले तेहन्‍दा डुप च्‍य़ू नाङज्‍ये येह सुङदी थिउ-निउ जे नाङज्‍येला मिहरोगी ना क्‍याल नाङसीन।

१ यूहन्‍ना 1:10

का़हलेॱआङ ओहराङगी ङाहगी तिहक्‍पा पेहती म़ेह म़ेदी मासीमाना ओहराङगी किन्‍ज्‍योला स्‍योप क्‍याहप्‍क्‍यो ओहङगे ओहले ओहराङ ङ्याम्‍बु किन्‍ज्‍योगी सुङ मेहयोहङगे।